EFETIKILO 41:8 - Embimbiliya - Bíblia Sagrada em Umbundu

⁸ Omele utima waye wa sakalala, yu wa tumila ovimbanda viosi vio ke Egito lolonoño viaco viosi, kuenje Fareo wa va sapuilako onjoi yaye, puãi ka kua kaile u wa ci tẽla oku vi lomboluila Fareo.

EFETIKILO 41:8 Iomraidhean Croise

EFETIKILO 40:6

Omẽle eci Yosefe a iñila vohondo yavo wa va sanga va nyumãla.

EFETIKILO 40:8

Vo kumbulula vati, Tua lota olonjoi kuenje ka kuli umue o tẽla oku tu vi lomboluila. Yosefe wa popia lavo hati, Ha Sukuko hẽ o kasi lalomboluilo? Va vi sapuile ño.

EFETIKILO 41:15

Fareo wa popia la Yosefe hati, Nda lota onjoi kuenje ka kuli u o yi lombolola. Nda yeva okuti ove nda wa yeva onjoi o ci tẽla oku yi lombolola.

EFETIKILO 41:24

Kuenje apunga ovuka a ina apunga epanduvali awa. Nda sapuila ovimbanda, kuenje u o yi ndomboluila ka kua kaile.

EFETIKILO 41:7

Kuenje apunga a kupa a lia apunga epanduvali a pindala, awa. Oco Fareo wa pasuka, kuenje ca kala onjoi.

OLOSAMO 25:14

Ukamba wa Yehova u kasi lava vo sumba. Ohuminyo yaye o va yi longaisa.

ETUNDILO 7:11

Oco Fareo wa kovonga olonoño lovimbanda, vakualumbu ve Egito. Laviovo via ci lingavo latutu avio.

ETUNDILO 7:22

Puãi vakualumbu va Egito haico va linga latutu avo. Oco utima wa Fareo wa tĩla, ka va yevele. Ndomo Yehova a popia haimo ca pita.

ETUNDILO 8:7

Vakualumbu lavovo haico va linga latutu avo, kuenje va lamanisila ovinonga kofeka ye Egito.

ETUNDILO 9:11

Vakualumbu ka va tẽlele oku talama kovaso a Mose omo ovipumbu via lua, omo vakualumbu va velavo ovipumbu kumosi la va Egito vosi.

ISAYA 19:3

Utima wa Egito u linga ociyayala vokati kayo. Ndi nyõla ahala avo. Kuenje va pula koviteka kuenda ku vanalunja, kuenda kovilũlũ, lo ku vakuakutãha.

ISAYA 29:14

oco, tala, omanu ava ndi va lingila vali ovikomo, ndi va lingila muẽle ovilimbu lovikomo, kuenje olondunge violonoño viavo vi takata, hikũlĩhĩso wolombanga viavo u wundisua.

ISAYA 8:19

Eci va popia love vati, Pula vakuakutãha kuenda vanalunja va cacacacaca loku ñuñula, ove o pula huti, Ka ca velelepo omanu oku pula Suku yavo muẽle? Ci silivila nye oku pula vakualufa ovina viava va kasi lomuenyo?

DANIELE 1:20

Eci Soma a va pula, kovina viosi violondunge lukulĩhĩso, wa sanga okuti va velapo calua, vakualumbu la vakuakusingila vosi va kala kofeka yaye yosi, ci sule.

DANIELE 4:18

Eyi oyo onjoi nda lota, ame ndisoma Nevukandesa. Ove a Beltesiatare, sapuile elomboluilo liaco, omo olonoño viosi viusoma wange ka vi ci tẽla. Ove puãi o ci tẽla, momo kokuove kuli espiritu liolosuku vi kola.

DANIELE 4:19

Oco Daniele, haeye Beltesiatare, handi wa saluka kuenje ovisimĩlo viaye vio puiya. Soma yu wa popia laye hati, A Beltesiatare, onjoi lelomboluilo liaco ka vi ka ku puiye ño. Beltesiatare wa tambulula hati, A cime cange, onjoi yi linge yava va ku suvuka kuenda elomboluilo liaco liovanyãli vove.

DANIELE 4:5

Nda lota onjoi ya saluisa, kuenje ovisimĩlo nda kala lavio pula wange lovinjonde viutima wange via sakalaisa.

DANIELE 4:6

Oco nda handeleka okuti olonoño viosi vio ko Bavulono viya kokuange ha vi sapuila elomboluilo lionjoi yaco.

DANIELE 4:7

Oco vakualumbu la vakuakusingila la va Kaldea lavakuakutanga olombungululu veya. Nda va sapuila onjoi puãi ovo ka va tẽlẽle oku yi ndomboluila.

DANIELE 5:11

Vusoma wove muli ulume umue okuti o kuete espiritu liolosuku vi kola. Koloneke via so, kulume waco kua sangiwile ocinyi lukulĩhĩso lolondunge ndevi violosuku. Kuenje a Soma, so, Soma Nevukandesa, eye wo tumbikile ndusongui wavakualumbu lavakuakusingila lava Kaldea lavakuakutanga olombungululu.

DANIELE 7:28

Opo pa sulila ondaka yaco. Puãi ame ndi Daniele nda tokotelua calua lovisimĩlo viange, kuenje ocipala cange ca pongoloka. Puãi nda soleka olondaka viaco vutima wange.

DANIELE 8:27

Oco ame ndi Daniele ongusu ya mua, yu nda kala loku vela oloneke vimue. Noke nda pasuka oku linga upange wa Soma. Nda salukila ocinjonde haimo ka ca ndombolokele.

OVISILA 19:31

Ko ka tiami ku vakuakusingila pamue ku vakuakutãha; ko ka va sandi okuti we livihisa lavo. Ame ndi Yehova Suku yene.

OVISILA 20:6

Nda omunu waco o tiamẽla ku vakuakusingila, kuenda ku vakuakutãha, ha lingi lavo ukahonga, nyumãlĩsila omunu waco ocipala cange, ndu tepa ku vakuavo.

HAVAKUKI 3:16

Nda ci yeva kuenje etimba liange lia luluma. Omẽla wange wa titimĩla ondaka. Okuvola kua wila vakepa ange. Oku enda ndi luluma. Nayilĩli lutima wa tula eteke liohali liya kuava va tu katukila.

MATEO 2:1

Eci Yesu a citiwa vo Beteleme yo vo Yudea voloneke viosoma Herode, oco olonoño viokutundilo vieya ko Yerusalãi kuenje via popia, viti,

OVILINGA 17:18

Oco olonoño vimue via va Epikuru la va Stoiku via hoya laye. Vamue vati, Emamõhe eli hẽ, li yongola oku popia nye? Kuenje, omo a kunda Yesu lepinduko, oco vakuavo vati, Huti ño o kasi loku kunda olosuku violofeka viñi.

OVILINGA 7:22

Mose wa longiwa uloño wosi wa ve Egito, haeye wa loñoloha, ci kale kueci a popia, ci kale kueci a linga.

I VA KORINDO 1:19

Momo ca sonehiwa okuti, Nyõla olondunge via vakualondunge. Nyimula okulunguka kuava va lunguka.

I SAMUELE 6:2

Oco va Filisiti va kovonga ovitunda la vakuakutaha, vati, Tu linga nye locikasia ca Yehova? Tu sapuili eci tu tuma laco eci tu ci tiuwiya komangu yaco.