EFETIKILO 41:49 - Embimbiliya - Bíblia Sagrada em Umbundu

⁴⁹ Yosefe yu wa soleka otiliku yakahandangala, huti ño eseke liokalunga, toke wa tokoka oku yi yonga, omo olonjongo ka vi tendiwa vali.

EFETIKILO 41:49 Iomraidhean Croise

EFETIKILO 22:17

oco ame hu sumũlũisa cocili. Nduisa ombuto yove ndolombungululu viokilu, pamue ndeseke li kasi pongongo yokalunga, kuenje ombuto yove yi piñala olombundi vianyali vavo.

EFETIKILO 41:48

Oco wa konguisa ovilia viosi vianyamo aco epanduvali eci vofeka ye Egito mua kala okulia kua lua. Wa solekisa ovilia vovaimbo. Vovaimbo osi, imbo limbo, wa solekamo ovilia via tunda vovapia avo.

EFETIKILO 41:50

Osimbu unyamo welambu ka weyile, Yosefe wa cita omãla vavali valume. Wa va cita la Asenate, omõla a Potifera, ocitunda ca Oni.

YOVI 1:3

Wa kala lolohũlũkãi epanduvali violomeme, lolohũlũkãi vitatu violongamelo, lolokanga violongombe ovita vitãlo, kuenda olomange viovimbulu, ovita vitãlo, lapika ka va tendiwa. Oco omunu waco wa velapo, okuti omanu vosi vakuavo vokutundilo va sule.

OLOSAMO 78:27

Wa va lowila ositu ndoneketela, lolonjila viavava ndeseke liokalunga.

YEREMIYA 33:22

Nduisa ombuto yukuenje wange Daviti, leyi yovitunda via va Lewi va mbumba mbumba, okuti yi lisoka lolombungululu viokilu ka vi tendiwa, pamue leseke liokalunga ka li yongiwa.

LIOLONGANJI 6:5

Momo veyaiya loviunda viavo lolombalaka viavo. Veya owiñi ndolohuma. Oku va tenda, ovo kumue lolongamelo viavo, ka ca tẽliwile. Veya vofeka oku yi nyõla.

LIOLONGANJI 7:12

Va Midiane la va amaleke lomanu vosi vokutundilo va liyala vocimbota, owiñi waco ndolohuma. Olongamelo viavo oku vi tenda ka ci tẽliwa, viakahandangala ndeseke liokopalaya.

I SAMUELE 13:5

Va Filisiti va lipongiyila oku liyaka la va Isareli, vongolola akãlu akuĩ atatu kolohũlũkãi, kuenda vakuakuendela kotuvalu olohũlũkãi epandu. Asualali vavo va soka ndeseke liokopalaya yokalunga. Va lamana, va tunga ocilombo cavo vo Mikimase, kutundilo wa Betavene.