EFETIKILO 41:42 - Embimbiliya - Bíblia Sagrada em Umbundu

⁴² Kuenje Fareo wopa onẽla komuine waye, wa yi kapa komuine wa Yosefe; wo walisa uwalo wombini yovalatanya; wo kapa elienge liulu posingo yaye,

EFETIKILO 41:42 Iomraidhean Croise

EFETIKILO 38:18

Eye hati, Onjeke ye hu iha? Eye hati, Onẽla yove lukolo wove kuenda ombueti o kasi layo peka. Yu wo vi avela, kuenje wa enda, wo minisa.

EFETIKILO 41:43

kuenje wo londisa vekãlu liavali a kala lalio. Vo kalukila vati, U kekamẽli. Oco wo vialeka kofeka yosi ye Egito.

ESTER 10:3

Momo Mordekai u Yudea wa kala ndepalanga lia Soma Ahasuero. Wa kemala pokati ka va Yudea kuenje vakuepata vo sanjukila, momo va sandiliya uwa wavo kuenje wa popia lombembua lepata liaye liosi.

ESTER 3:10

Kuenje Soma wa fuomola onẽla yaye komuine, yu wa yiha Hamana, u Agagi, omõla a Hamedata, haeye unyali wa va Yudea.

ESTER 3:12

Kuenje oco va kovonga asonẽhi va Soma keteke liekui latatu kosãi yatete, kuenje cosi ca tumiwa la Hamana va ci sonẽha. Va ci sonẽhela asongui vovita lolonguluvulu violofeka viosi lolombuale viofeka lofeka, ofeka lofeka locisonẽhua cavo, omanu lomanu ndelimi liavo. Ca sonẽhiwa vonduko ya Soma Ahasuero kuenda onẽla ya Soma ya kapiwako.

ESTER 8:10

Va soneha vonduko ya Soma Ahasuero kuenje va ci sitika lonẽla ya Soma. Ovikanda viaco va vi tuma lavakuakuambata ovikanda va endela kotuvalu tu kuete olupesi tuna tu linga upange wa Soma, haituo tua tunda kombuto yotuvalu tua Soma.

ESTER 8:15

Noke Mordekai wa tunda kovaso a Soma. Wa wala uwalo wusoma u tekavelua kuenda u yela. Wa walavo ekolowa linene liulu kuenda onanga ya fina yovalatanya lohusu. Imbo lia Siusana lia yolela kuenda lia sanjuka.

ESTER 8:2

Soma wopa onẽla komuine waye, yina opile Hamana, yu wa yeca ku Mordekai. Kuenje Ester wa piñalisa Mordekai kunene wosi wo konjo ya Hamana.

ESTER 8:8

Oco kondaka ya va Yudea sonehi ño cosi wa pangi. Sonehi vonduko ya Soma, kuenda ci sitikiwe lonẽla ya Soma. Momo oluiya lua sonẽhiwa vonduko ya Soma loku sitikiwa lonẽla ya Soma lomue omunu o tẽla oku lu nyõla vali.

OLOSAMO 73:6

Oco okulituna kua linga ndolomota polosingo viavo, lundiandia u va sikilila nduwalo.

OLOSAPO 1:9

Momo ovio via linga ocifuto ca posoka kutue wove, kuenda olomota posingo yove.

OLOSAPO 31:22

O litungila olonyime via posoka, o wala ovalatanya lolohusu.

OLOSAPO 31:24

O tunga olonanga vielinyu ha vi landisa, kuenje eca ovivia ku vakuakufũla.

OCISUNGO CA SALOMONE 1:10

Atama ove a posoka. Osingo yove ya posuisua lolomota.

OCISUNGO CA SALOMONE 4:9

A manjange, a ndombua yange, wa sanyisa utima wange. Wa sanyisa utima wange eci wa mbanja lumosi lika. Ndaño omota yimosi yolomota vioposingo yove ya munda utima.

ISAYA 3:23

alumũilo opeka kuenda onanga yovalatanya kuenda andembendembe kuenda otupote tuetuli.

YEREMIYA 52:33

Oco Yehoyakimi wa lula uwalo waye wovokayike, kuenje oloneke viosi viomuenyo waye wa lialia komesa ya Soma.

ESEKIELE 27:7

Lolovalatanya via mindaliwa vioke Egito ovio via linga olonanga viove vioku ku endisa lofela, haivio apandela ove. Evi viovani levi vi vumbula viokovifuka via Elisa ovio via linga olona yove.

DANIELE 5:16

Nda yeva puãi, okuti ove o tẽla oku lombolola kuenda oku tetulula olondaka via tĩla. Kaliye nda o tẽla oku tanga ocisonẽhua loku sapuila elomboluilo liaco, oco o tambula uwalo wohusu lomota yulu posingo, kuenda omangu yombiali yatatu vusoma wange.

DANIELE 5:29

Haico Belsiatare a handeleka yu wa walisa Daniele uwalo wohusu, vo kapa omota yulu posingo kuenda va imba oluiya luokuti eye o linga ombiali yatatu vusoma.

DANIELE 5:7

Soma yu wa vilikiya lolukandi ha vo nenela vakuakusingila la va Kaldea la vakuakutanga olombungululu. Soma wa popia lolonoño via Bavulono hati, Wosi o tanga ocisonẽhua eci loku situluila elomboluilo liaco, o tambula uwalo wohusu, lomota yulu posingo, kuenda omangu yombiali yatatu vusoma.

LUKA 15:22

Puãi isiaye wa popia lakuenje vaye hati, Yayuliko, kopi uwalo wa velapo, u walisi. Fuomehi onẽla komuine waye. U walisi olohaku kolomãi.

I SAMUELE 18:4

Kuenje Yonatão wa lula ocikutu a wala, wa ceca ku Daviti kumosi lovimãleho viaye ndaño osipata yaye lohonji yaye kuenda uvia waye.