EFETIKILO 41:25 - Embimbiliya - Bíblia Sagrada em Umbundu

²⁵ Yosefe yu wa kumbulula Fareo hati, Onjoi ya Fareo yimosi. Eci Suku a soka oku linga oco a molẽhisa ku Fareo.

EFETIKILO 41:25 Iomraidhean Croise

EFETIKILO 40:8

Vo kumbulula vati, Tua lota olonjoi kuenje ka kuli umue o tẽla oku tu vi lomboluila. Yosefe wa popia lavo hati, Ha Sukuko hẽ o kasi lalomboluilo? Va vi sapuile ño.

EFETIKILO 41:16

Yosefe wa tambulula Fareo hati, Ndimamãle. Suku eca etambululo liombembua ku Fareo.

EFETIKILO 41:26

Olongombe epanduvali via pindala, ovio alima epanduvali; lapunga epanduvali a posoka, laovo alima epanduvali; onjoi yaco yimosi.

EFETIKILO 41:28

Oco eci nda popia la Fareo haico ci kasi okuti, Suku wa lekisa ku Fareo eci a sima oku linga.

EFETIKILO 41:32

Kuenje onjoi yaco ya lotiwa olonjanja vivali la Fareo momo ondaka yaco ya kolisiwa la Suku, kuenje Suku o yayulako oku ci linga.

OLOSAMO 98:2

Yehova wa tukulula eyulo liaye. Wa lekisa ciwa esunga liaye kovaso olofeka.

ETUNDILO 9:14

Cilo hu yambula layambulo ange osi. Njambulavo akuenje vove lomanu vove, oco o limbuka okuti kuosi kilu lieve ka kuli wa lisoka lame.

ISAYA 43:9

Olofeka viosi vi ongolokele pamosi. Omanu vongoloke. Helie pokati kavo o tẽla oku ci sapula? Helie o tẽla oku tu lekisa ovina viale? Veye lolombangi viavo oco va yovoke, va yevelele ha va popi vati, Eci ocili.

DANIELE 2:45

Ndomo wa mõla okuti komunda kua tetuka ewe puãi halovaka omunuko, hailio lia nyanyula utale losipi lotuma lopalata lulu, oco Suku Unene wa lekisa ku Soma eci ci kala kovaso. Onjoi yaco ocili; lelomboluilo liaco lia kolelua.

DANIELE 2:47

Soma yu wa popia la Daniele hati, Ocili Suku yene eye Suku yolosuku, haeye Nala yolosoma, haeye Ukuakusitulula alumbu, omo ove wa tẽla oku situlula elumbu elindeti.

AMOSI 3:7

Ocili, Ñala Yehova ka lingi cimue te tete o situlula ocisimĩlo caye kovakuenje vaye ovaprofeto.

MATEO 24:40

Alume vavali va kala vepia, umue upiwapo, ukuavo o siala.

MARKO 13:23

Lunguki, ndo sapuili handi ovina viosi viya.

VA EFESO 1:17

Ndu likutilili okuti Suku ya Ñala yetu Yesu Kristu, haeye Isia yulamba, o wihi utima wolondunge lesituluko, una u tunda poku kũlĩha Suku

YEHOSUA 11:6

Yehova wa popia la yehosua, hati, Ku ka va yokokele, momo hela, owola ndoyo, ndi va eca ha va fila kovaso a va Isareli. Love o lakola akanja otuvalu tuavo, loku yoka akãlu avo londalu.

ESITULUILO 4:1

Kovaso yovina evi nda vanja vali kuenje tala, kilu ku kasi epito liupulule. Londaka yina yatete, yina nda yeva loku popia lame, huti ño ondaka yolumbeta, oyo ya popia lame, yiti, Londela kulo, kuenje hu lekisa eci ci lingiwa kovaso yovina evi.