EFETIKILO 41:15 - Embimbiliya - Bíblia Sagrada em Umbundu

¹⁵ Fareo wa popia la Yosefe hati, Nda lota onjoi kuenje ka kuli u o yi lombolola. Nda yeva okuti ove nda wa yeva onjoi o ci tẽla oku yi lombolola.

EFETIKILO 41:15 Iomraidhean Croise

EFETIKILO 40:8

Vo kumbulula vati, Tua lota olonjoi kuenje ka kuli umue o tẽla oku tu vi lomboluila. Yosefe wa popia lavo hati, Ha Sukuko hẽ o kasi lalomboluilo? Va vi sapuile ño.

EFETIKILO 41:8

Omele utima waye wa sakalala, yu wa tumila ovimbanda viosi vio ke Egito lolonoño viaco viosi, kuenje Fareo wa va sapuilako onjoi yaye, puãi ka kua kaile u wa ci tẽla oku vi lomboluila Fareo.

II ASAPULO 26:5

Wa likapela oku sanda Suku, koloneke via Sakariya, haeye wo longisa usumba wa Suku. Osimbu a sanda Yehova, Suku wo sumuluisa.

OLOSAMO 25:14

Ukamba wa Yehova u kasi lava vo sumba. Ohuminyo yaye o va yi longaisa.

DANIELE 2:3

Soma yu wa popia lavo hati, Nda lota onjoi, kuenje utima wange wa sakalala loku kulĩhĩsa onjoi yaco.

DANIELE 4:18

Eyi oyo onjoi nda lota, ame ndisoma Nevukandesa. Ove a Beltesiatare, sapuile elomboluilo liaco, omo olonoño viosi viusoma wange ka vi ci tẽla. Ove puãi o ci tẽla, momo kokuove kuli espiritu liolosuku vi kola.

DANIELE 4:9

A Beltesiatare, osongui wavakualumbu, ndi cĩ okuti espiritu liolosuku vi kola li kasi kokuove, kuenje lalimue elumbu lia tatama kokuove; oco sapuile ovinjonde nda kala lavio vonjoi nda lota, kuenda elomboluilo liaco.

DANIELE 5:12

Momo ku Daniele una Soma a lukile Beltesiatare, kokuaye muẽle kua sangiwa espiritu lia velapo lukulĩhĩso, lolondunge luloño woku lombolola olonjoi loku situlula alumbu loku tetulula olondaka via tĩla. Oco Daniele a kovongiwe, a sapuile elomboluilo.

DANIELE 5:14

Nda yeva okuti o kasi lespiritu liolosuku, kuenda ocinyi lukulĩhĩso lolondunge via piãla.

DANIELE 5:16

Nda yeva puãi, okuti ove o tẽla oku lombolola kuenda oku tetulula olondaka via tĩla. Kaliye nda o tẽla oku tanga ocisonẽhua loku sapuila elomboluilo liaco, oco o tambula uwalo wohusu lomota yulu posingo, kuenda omangu yombiali yatatu vusoma wange.