EFETIKILO 4:8 - Embimbiliya - Bíblia Sagrada em Umbundu

⁸ Kaini wa popia la manjaye Havele hati, Tuende kepia. Eci va kala vepia oco Kaini wondumuhĩla manjaye Havele; wo ponda.

EFETIKILO 4:8 Iomraidhean Croise

EFETIKILO 4:25

Adama wa kulĩha vali ukãi waye, kuenje wa cita omõla ulume, yu wo luka onduko yaye hati, Seti, momo hati, Pomangu ya Havele Suku wa miñanyailapo mõla okuavo; momo Havele Kaini wo wipa.

II SAMUELE 14:6

Nda kala lomãla vavali valume. Va liyenjela vepia. Ka kua kaile umue oku va tepa pokati oco umue wa puma ukuavo kuenje wo wipaya.

II SAMUELE 3:27

Eci Avinere a pitila ko Hevirone oco Yoava wo wambata, wa enda laye konele yombundi ndu o yongola oku vangula laye uyombeki. Kuenje oko haiko o tomẽla vimo okuti wa fa, wa fila osonde ya Asahele manja a Yoava.

II ASAPULO 21:4

Eci a tambula omoko yusoma wa isiaye leci a lipamisa, oco wa ipa vosi vamanjaye losipata kumosi lolombuale vimue via Isareli.

NEHEMIYA 6:2

ovo va numĩla vati, Enju, oco tu likongele pamosi vimbo limue ketapi lia Ono. Puãi va sima oku ndinga lãvi.

YOVI 11:15

Nda oco o linga o petuka kuenje o pua osõi. Otumãla loku koka, ku kuata vali usumba.

OLOSAMO 139:19

A Suku, ciwa nda wipa olondingaĩvi, ciwa nda vakuakupesela osonde va nunda.

OLOSAMO 36:3

Olondaka viomela waye evĩho lelimbi. Wa liwekapo oku lunguka loku linga ciwa.

OLOSAMO 55:21

Upopi waye wa sielena ndongundi, vutima waye puãi mua kala uyaki. Olondaka viaye via leñela ca lua, ulela u sule, haivo puãi olosipata via somoha.

HOSEA 4:2

te lika uvangi wuhembi, loku kemba, loku ponda, loku iva, lukahonga. Omanu vaco va ci piãla enene, loku ponda ku likuãi ño-o.

MIKA 7:6

Momo omõla ulume o sepula isiaye, omõla ukãi o vayela inaye; ufeko o vayela ndatembo yaye ukãi. Ovanyãli vomunu vakuepata liaye.

ATENDELO 35:20

Nda wa kunyula lesuvu pamue oku lavekela wo wasa kuenje wa fa,

MATEO 23:35

Oco vu pila osonde yosi yesunga ya pesekela kilu lieve, tunde kosonde yukuesunga Abel toke kosonde ya Sakariya, omõla a Barakiya, una wo pondeli pokati kocitumalo ci kola lutala.

LUKA 11:51

tunde kosonde ya Abel toke kosonde ya Sakariya, u wa ipailua pokati kutala lonembele. Ocili muẽle, mopia lene siti, Yi fetuluinyilua ocitumbulukila cilo.

LUKA 22:48

Puãi Yesu wa Popia laye hati, A Yuda, o pakula Mõlomanu lesipulo?

VA HEVERU 11:4

Abel, omo a kala lekolelo, oco wa lumbila Suku ocilumba ca velapo, okuti ca Kaini ci sule, kuenje wa ci tambuila uvangi wokuti ukuesunga. Suku wa imbila ocilumba caye uvangi poku ci tambula. Eye wa fa, puãi haimo lumue, mekonda liekolelo liaye, lopo o popia popia.

VA HEVERU 12:24

kuenda ku Yesu, Kapitiya kocisila cokaliye, lo kosonde ya nyiliwa haiyo yi popia ca velapo, ya Abel ci sule.

YUDA 1:11

Ngongo yavo! Momo va kuama onjila ya Kaini, va yolekela kokulueya kua Balama ha va limuisa ovipako, kuenje va nyõliwa lokuñualelapo Suku, ndeci Kora a nyõliwa lakuo.