EFETIKILO 4:10 - Embimbiliya - Bíblia Sagrada em Umbundu

¹⁰ Suku wa popia hati, Wa linga hẽ ndati? Ondaka yosonde ya manjove yi kasi posi ya mbilikiya.

EFETIKILO 4:10 Iomraidhean Croise

EFETIKILO 18:20

Yehova yu wa linga hati, Omo eyuala lia Sodoma la Gomora lia lua, lakandu avo akahandangala,

EFETIKILO 3:13

Yehova Suku wa pula ukãi hati, Oco hẽ, nye wa ci lingila? Ukãi wa kumbulula hati, Onyõha ya ndueyisa kuenje nda lia.

EFETIKILO 9:5

Silĩha muẽle osonde ndaño kocinyama ndaño komunu; kuenje kokuange omunu lomunu o kuete ocikele comuenyo womunu ukuavo.

II OLOSOMA 9:26

Yehova hati, Ocili hela nda mõla osonde ya Navote kuenda osonde yomala vaye. Yehova hati, Hu fetuluinyila vepia lilo. Oco u yelula, wimba vepia ndondaka ya Yehova.

II ASAPULO 28:9

Puãi uprofeto umue wa Yehova oko a kala. Onduko yaye Odede. Yu wa tunda oku ñualehela lolohoka vina via kala loku iya ko Samaria, kuenje wa popia lavo hati, Tali, omo Yehova Suku yolosekulu viene a temela Yuda, wa va eca peka liene, lene wa va kunduli lonyeño yalua ya pitila toke kilu.

YOVI 16:18

Angongo, ku ka tuvike osonde yange. Okuliyula kuange ka ku ka kale lepuyuko.

YOVI 24:12

Vimbo mu yevala okuleñaleña kuava va kasi loku fa, mu yevalavo okuvilikiya kua vakualongase, haimo Suku ka yevi evilikiyo liavo.

OLOSAMO 50:21

Ovina evi wa vi lingainga kuenje ndona ño. Wa soka okuti nda tuwa muẽle ndove. Cilo puãi hu pisa, hu vi tendela kovaso ove.

OLOSAMO 72:14

O popela ovimuenyo viavio kundiandia lo kungangala. Osonde yavio kokuaye yi kola.

OLOSAMO 9:12

Momo u o fetuluinya osonde o va ivaluka Ka ivala okuliyula kuava va fukilisua.

OLOSAMO 9:13

Ndinge ohenda, a Yehova. Vanja ohali yi nalaisa ava va suvuka. Ove wa mindula kolombundi viokufa

ETUNDILO 3:7

Yehova wa popia hati, Nda mõla ohali yomanu vange va kasi ve Egito. Nda yeva ndeci va lilila asongui vavo vupange, nda kulĩha olohali viavo.

ISAYA 5:7

Momo ocumbo cayuva ca Yehova Ukualohoka oco onjo ya Isareli; kuenda alume va Yuda ovo ikũla viesanju liaye. Eye wa lavokaile esunga, puãi ota, osonde yi pita. Wa lavokaile oku sunguluka, puãi ota, oku lila.

ATENDELO 35:33

Ka ci tava oku vĩhĩsa ndomo ofeka omu vu kasi, momo osonde yi vĩhĩsa ofeka. Ka ci tava oku sembikila ofeka osonde ya pesekelamo, te losonde yu wa yi pesela.

OVILINGA 5:3

Petulu wa linga hati, A Ananiya, nye Satana e yukisila vutima wove uhembi woku kemba Espiritu Sandu loku soleka onepa yondando yepia?

OVILINGA 5:9

Petulu puãi wo pula vali hati, Nye wa litaveli pokati oku nyika Espiritu lia Ñala? Olomãi viava va kenda veyove vievi puvelo, kuenje va ku ambatavo.

ESINUMUĨLO 21:1

Nda vusenge wovofeka Yehova, Suku yove, a ku iha oku yi kuata mu sangiwa umue wa ipaiwa kuenje u wo ponda ka kulĩhĩwile,

VA HEVERU 11:4

Abel, omo a kala lekolelo, oco wa lumbila Suku ocilumba ca velapo, okuti ca Kaini ci sule, kuenje wa ci tambuila uvangi wokuti ukuesunga. Suku wa imbila ocilumba caye uvangi poku ci tambula. Eye wa fa, puãi haimo lumue, mekonda liekolelo liaye, lopo o popia popia.

VA HEVERU 12:24

kuenda ku Yesu, Kapitiya kocisila cokaliye, lo kosonde ya nyiliwa haiyo yi popia ca velapo, ya Abel ci sule.

TIAGO 5:4

Yeveleli. Ofeto ya vakuopange va lombola ovapia ene, haiyo wa yi liañi, yi kasi loku vilikiya. Kuenje evilikiyo lia vakuakulombola lia pitila kovatui a Ñala Ukualohoka.

YEHOSUA 7:19

Yehosua wa popia la akani, hati, Amolange, muisa Yehova Suku ya Isareli ulamba. Litavela kokuaye. Kaliye sapuileko eci wa linga. Ku ka ci ndimbike.

I SAMUELE 13:11

Samuele wa pula hati, Wa linga nye? Saulu hati, Eci nda mõla ndomo omanu va fetika oku sanduka love kueyile voloneke via tukuiwa, lomo va Filisiti vongolokela vo Mikimasi,