EFETIKILO 38:9 - Embimbiliya - Bíblia Sagrada em Umbundu

⁹ Onane puãi wa ci kũliha okuti ombuto yaco ka yi lingi yaye, oco eteke a litokeka lukãi wa huvaye wa talamẽla posi okuti ka eci ombuto ku huvaye.

EFETIKILO 38:9 Iomraidhean Croise

EFETIKILO 38:10

Kuenje Yehova wa suvuka eci a linga, yu wo liavo.

YOVI 5:2

Ocinyuañi ci nyõla u wa kamba olondunge, lu o tamalala la Suku o fa.

OLOSAPO 27:4

Ocikumbiti ci futuisa utima, onyeño yi samoha, puãi o tela oku tamalala lesepa helie?

ESINUMUĨLO 25:5

Nda omunu la manjaye va tunga pamosi, kuenje umue o fa, ka si omõla ulume, oco ukãi wu wa fa ka ka likuele lu hokuepatako. Nawa yaye u kapa vonjo yaye ha lingi ukãi waye, okuti o kala locikele cukãi wa manjaye.

ESINUMUĨLO 25:6

Kuenje omõla watete ulume wa citiwa laye o kala londuko ya manjaco ukuakuenda, oco onduko yaye ka yi fi vo Isareli.

TITO 3:3

Momo ale letuvo tua kaile aveke, tua sinile, tua kembiwile, tua kaile apika voloñeyi viñi viñi, lasanju aiñi aiñi. Tua kaile locipombo lonya. Tua suvukiwile lomanu, kuenje tua lisuvukaile pokati.

TIAGO 3:14

Puãi, nda vovitima viene muli ukuse kuenda ovilivelo vioku livelisapo lika, ko ka lipandi okuti vu kembisa ovina viocili.

TIAGO 3:16

Momo apa pa kuete onya lovilivelo vioku livelisapo lika, opo pali olonamalala lovilinga viosi vĩvi.

TIAGO 4:5

Ele wa soki okuti ovisonehua vi popia esanda eci vi popia viti, Espiritu a kapa volonulo vietu o li kuetele ongeva?

RUTI 1:11

Oco Naomi wa linga hati, Tiukili ño, amãla vange. Wendeli nye lame? Ame hẽ, ñuete vali vimo omãla valume okuti va linga vaveyene?

RUTI 4:10

Nda landavo Ruti u Moavi, ukãi wukuakuenda Mahilona, ha lingi ukãi wange, okuti onduko yukuakuenda ka yivaliwa la vamanjaye pamue la vakuakuviala vimbo liavo. Ene muẽle wa lingi olombangi viaco etaili.