EFETIKILO 38:26 - Embimbiliya - Bíblia Sagrada em Umbundu

²⁶ Yuda wa vi limbuka, wa linga hati, Eye ukuesunga, ame hameko, momo sio wihile omõlange Sela. Kuenje ko kulĩhile vali.

EFETIKILO 38:26 Iomraidhean Croise

EFETIKILO 37:33

Eye wa yi limbuka hati, Ombinja yomõlange muẽle Ocinyama ca tema co lia. Ka ci pumbi okuti Yosefe wa nyanyõha.

EFETIKILO 38:14

oco Tamare wa lula uwalo waye wumbumba, wa lisikilĩla lonanga, wa tumãla kombundi ya Enama konjila yoko Timinate. Momo wa limbuka okuti Sela wa kula ale, kuenje lopo eye ka eciwile kokuaye ha lingi ukãi waye.

EFETIKILO 4:1

Adama yu wa kulĩha ukãi waye Heva; kuenje we mina, wa cita Kaini, yu wa linga hati, Yehova wa ñuatisa, nda cita ulume.

II SAMUELE 16:22

Oco va tamuluila Avisalome ombalaka kilu lionjo. Kuenje Avisalome wa endaenda kakama va soyaye kovaso a va Isareli vosi.

II SAMUELE 20:3

Daviti va pitila konjo yaye ko Yerusalãi. Lakama vaye ekui, vana a sile oku tata onjo, wa va yikila vonjo yimue yavo muẽle, kuenje wa kapako ondavululi. Wa va tekola puãi ka endele kokuavo. Oco va kala ño-o ndovimbumba toke kokufa.

II SAMUELE 24:17

Eci Daviti a mõla ungelo wa kala loku nyõla omanu oco wa popia la Yehova hati, Ame muẽle nda lueya haime nda linga ekandu. Puãi olomeme evi hẽ nye via linga? Eka liove li mbete ame, li vetevo onjo ya tate.

YOVI 4:5

Puãi kaliye ceya kokuove kuenje ca ku kokela ocinyuañi. Ci ku kuete kuenje ca ku yokokisa.

YOVI 40:5

Nda popia lumosi puãi si popi vali, luvali, puãi si amisako vali.

ESEKIELE 16:52

Lovevo, kala losõi yove, momo wa tetuluila vahuvove oku va yovuisa. Momo akandu ove wa linga a vĩha ca piãla, avo a sule, oco ovo va ku velapo kesunga. Oco ove, kutiwa osõi. Ocili, kala losõi yove, momo wa tetuluila vahuvove oku va yovuisa.

HAVAKUKI 1:13

Ove ukuavaso a sanjukila lika eci ca yela, okuti ku tẽla oku vanja kevĩho, ci kasi ndati okuti o vanja vanja ño vakuakandu, haive uha ño eci ukuakandu o nyõla vakuesunga?

MATEO 3:8

Imi apako a sungulukila epongoloko liutima.

YOANO 8:9

Kuenje ovo, eci va ci yeva, va tundapo umue, umue, oku fetika lakulu vaco toke vosi va puapo, kuenje Yesu wa siala lika liaye kumue lukãi.

VA ROMA 13:12

Uteke wa pita kuenje utanya u kasi ocipepi. Oco tu si ovilinga viowelema, tu wali ovimaleho viocinyi.

VA ROMA 3:19

Kaliye, tu ci okuti cosi ovihandeleko vi popia vi popia lava va tiamela kovihandeleko, okuti ovimẽla viavo vi munĩhĩwa, kuenje oluali luosi lu tetuluiwa la Suku.

I SAMUELE 24:17

Wa popia la Daviti hati, Ove wa sunguluka ca velapo, ame ci sule, omo ove wa fetuluinya ame luwa, ame puãi nda ku fetuluinya luvi.

I SAMUELE 24:18

Haive vali wa ndekisa etaili ndomo wa ndinga ciwa omo kua njipãlele eci Yehova a ngeca peka liove.