EFETIKILO 37:8 - Embimbiliya - Bíblia Sagrada em Umbundu

⁸ Vahuvaye va popia laye vati, Ove nga o linga osoma yetu, o tu viala? Kuenje vo suvuka vali enene omo ka va solele olonjoi viaye lolondaka viaye.

EFETIKILO 37:8 Iomraidhean Croise

EFETIKILO 27:41

Esau yu wa suvuka Yakoba, wo suvukila esumũluho isiaye o sumũluisa lailo, kuenje Esau wa litana lutima hati, Oloneke vioku lila tate ndopo viya, oco Yakoba manjange ndu wipa.

EFETIKILO 37:4

Vahuvaye va limbuka okuti isiavo u sole ca lua, vahuvaye vosi ci sule, kuenje vo suvuka; ka va tẽlele oku popia laye lombembua.

EFETIKILO 37:9

Yu wa lota onjoi yikuavo, wa yi sapuila vahuvaye. Wa linga hati, Nda lota vali onjoi, okuti ekumbi losãi lolombungululu ekui lamosi vi kasi loku fendela ame.

EFETIKILO 42:10

Ovo vo kumbulula vati, Hacoko a cime cetu. Ovakuenje vove veyilila oku landa okulia.

EFETIKILO 44:18

Oco Yuda weya kokuaye, wa popia laye hati, A cime cange, ci tave okuti va yevelela eci ci popia ukuenje wove; ka va ka teme ño lukuenje wove, momo ove wa lisoka la Fareo.

EFETIKILO 49:26

Asumũluho a so, ana a velapo okuti asumũluho a sangiwa kolomunda ka vi sondoloaka, a sule, ndaño asumũluho a tunda koviwulu ka vi pui; asumũluho aco o-o a kale kutue wa Yosefe, hao a futise undeti wa tepiwa ku vahuvaye.

EFETIKILO 50:18

Vahuvaye veya kokuaye, va wila posi, vo fendela vati, Etu tuvakuenje vove.

OLOSAMO 118:22

Ewe lina olomesele via li inasile, cilo lia linga ewe lievindi.

ETUNDILO 2:14

Eye wa linga hati, Wa ku kapa ndosoma yetu pamue onganji yetu helie? Wa soka oku njipala ndeci wa ipa u Egito? Oco Mose wa kuata usumba, wa sokolola hati, Eci puãi ca yevala ocili.

LUKA 19:14

Puãi vakuafeka yaye vo suvuka, kuenje va tuma olomunga oku u landula, vati, Ka tu yongola okuti ulume u o tu viala.

LUKA 20:17

Puãi eye, oku va vanja, wa popia lavo hati, Nda hacoko, ca lomboloka ndati eci ca sonehiwa citi, Ewe lia inasi atungi, olio lia lingiwa utue wevindi?

OVILINGA 7:35

Oco, Mose una va pañuile cina vo pula vati, Wa ku kapa okuti o linga ombiali yetu pamue onganji yetu elie? eye Suku a tuma okuti o linga ombiali kuenda upopeli. Suku wo tuma lungelo una wo tukulukila vocisapa.

ESINUMUĨLO 33:16

a yi sumũluĩse loviali via velapo viongongo lokuima kuayo, a yi sumũluĩse lesumũlũho liu wa kala vocisapa. Asumũlũho alo a wile kutue wa Yosefe, a wile muẽle konumbutue yu wa velapo pokati ka vamanjaco vosi.

VA HEVERU 10:29

Wa simi ndati? U wa lavisa Omõla a Suku hẽ, haeye wa pembula osonde yocisila a kolisua layo, haeye wa fũkĩlisa Espiritu liocali, eyambulo a sesamela ka li piãla vali enene?

I SAMUELE 10:27

Vamue puãi ka va silivila va linga vati, Ulume o nga o tu popela ndati? Vo pembula. Ka vo nenelele ombanjaile. Eye puãi woha ño.

I SAMUELE 17:28

Huvaye Eliava wa ci yeva eci a vangula lalume kuenje wa temẽla Daviti hati, Weyilila nye? Otumeme wa tu sila elie vekalasoko? Nda kũliha okulituna kuove lahuku utima wove, momo wa lokila oku tala ovita.

I SAMUELE 18:8

Saulu oku ci yeva wa tema calua hati, Va tendela Daviti olohuluwa, ame va nendela olohulukãi. Po kambela nye vali nda huvialiko?