EFETIKILO 32:9 - Embimbiliya - Bíblia Sagrada em Umbundu

⁹ Yakoba yu wa likutilila hati, A Suku ya sekulu yange Avirahama haive Suku ya tate Isake, a Yehova, ove wa mañinya huti, Tiukila kofeka yene lo kusitue wove kuenje hu sumũluisa.

EFETIKILO 32:9 Iomraidhean Croise

EFETIKILO 17:7

Ñolisa ocisila nda lisila love lombuto yove yu ku kuãi, kuenda ovitumbulukila viavo, ha ci lingi ocisila ka ci pui. Ndinga Suku yove. Ndingavo Suku yombuto yove yu ku kuãi.

EFETIKILO 28:13

Yehova wa talama kilu liayo, wa linga hati, Ame ndi Yehova, Suku ya sekulu yove Avirahama, haime ndi Suku ya Isake. Osi eyindeti wa pekela ndi yeca kokuove, lombuto yove.

EFETIKILO 28:15

Ocili, ame ñasi kumue love. Hu lava lava kuosi wenda, kuenje hu nena vali vofeka yilo. Si ku yanduluka toke nda linga eci nda likuminya love.

EFETIKILO 31:13

Ame ndi Suku ya Betele kuna wa wavekele ongunji, kuenje wa lisila ocisila lame. Kaliye katuka, tunda vofeka yilo, tiukila vali kofeka va ku citila.

EFETIKILO 31:29

Nẽla muẽle oku ku linga lãvi, puãi Suku ya so wa popia lame uteke wa hẽla hati, Lunguka, ku ka popie cimue la Yakoba, ndaño ciwa ndaño cĩvi.

EFETIKILO 31:3

Yehova yu wa popia la Yakoba hati, Tiukila kofeka yolosekulu viove lokovangandiove, lame ha kala love.

EFETIKILO 31:42

Nda Suku ya tate, haeye Suku ya papakulu Avirahama, una wa sumbiwa la Isake, ka kaile lame, ove nda wa nundisa upolokoso. Suku wa vanja kohali yange lo kupange wovaka ange, kuenje wa ku lemẽla uteke.

EFETIKILO 31:53

Suku ya Avirahama la Nahore, lolosekulu viavo, a linge onganji yetu. Oco Yakoba wa lisinga la Una isiaye Isake a sumba sumba.

EFETIKILO 32:8

Hati, Nda Esau o pitila kohoka yimosi ha yi veta, ohoka yikuavo yi puluka.

EFETIKILO 49:25

a kolisua la Suku ya so, una o ku kuatisa, a kolisua la Suku Ukuonenewosi. Eye o ku sumũluisa lesumũluho liombela yi tunda kilu kuenda vali lesumũluho liatumu ovava a tunda posi, o ku sumũluisa koku cita lo koku tekula.

II ASAPULO 20:12

A Suku yetu, ku yongola hẽ oku va yambula? Momo layimue ongusu tu kuete kovaso owiñi wakahandangala u tuiyilila ndeti. Leci tu linga ka tu ci lete, puãi tu imba ovaso kokuove.

II ASAPULO 20:6

Yu wa popia hati, A Yehova, Suku yolosekulu vietu, haveko hẽ Suku kilu? Haveko hẽ o viala ovosoma osi olofeka? Peka liove pali unene lupami, kuenje lomue o tela oku tamalala love.

II ASAPULO 32:20

Oco Soma Hesekiya kumue luprofeto Isaya, omõla a Amose, va likutililila ondaka yaco, kuenda va vilikiya kilu.

OLOSAMO 50:15

kuenje mbilikiye keteke liohali. Ame hu popela, love o mandula.

OLOSAMO 91:15

Eci a mbilikiya ndu tambulula. Ñala laye kotembo yohali. Ndu popela, ndu kemainya.

ETUNDILO 3:6

Wa popia vali hati, Ame ndi Suku yaso, haime ndi Suku ya Avirahama la Isake kuenda Yakoba. Mose wa lisitika kocipala omo oku tala Suku co linga usumba.

YEREMIYA 32:16

Eci nda eca ale ukanda wuvangi woku landa epia ku Baruki, omõla a Neriya, oco nda likutilila ku Yehova siti,

I SAMUELE 30:6

Daviti wa sakalala cimue vutima momo omanu vo simila oku u sosola lovawe; omo omanu vosi va nyumãla vovitima, omunu omunu wa nyumalela omala vaye valume lomãla vaye vakãi. Daviti puãi wa likolisa vutima poku imba ovaso ku Yehova Suku yaye.