EFETIKILO 32:30 - Embimbiliya - Bíblia Sagrada em Umbundu

³⁰ Oco Yakoba a lukila onduko yusenge waco Penuele, ndokuti, Suku ndo mõla liso liange muẽle, haimo omuenyo wange wa popeliwa.

EFETIKILO 32:30 Iomraidhean Croise

EFETIKILO 16:13

Oco Hagare wa luka Suku u wa vangula laye, hati, Ove wu Suku o vanja vanja; momo wa lipula hati, Ocili hẽ okuti nda mõla Suku, kuenje haimo ñasilili lomuenyo?

EFETIKILO 28:19

Yu wa luka onduko yusenge waco hati, Betele, puãi onduko yimbo liaco kefetikilo ya kaile Lusi.

EFETIKILO 35:9

Suku wa tukuluka vali ku Yakoba eci a tunda ketapi lia Arama kuenje wo sumũluisa.

I OLOSOMA 12:25

Oco Yerevoama wa tunga Sekeme kolomunda via Efarimi, yu wa tumãlako. Noke wa tundako, kuenje wa tunga Penuele.

ETUNDILO 33:14

Yehova wa linga hati, Ngenda lene ame muẽle. Ame muẽle ndu muisi owusa.

ISAYA 6:5

Oco nda linga siti, Ngongo yange we, nda nyõlẽha momo ndukuamẽla wevĩho, ame ñasi pokati kavakuavimẽla vievĩho; omo ovaso ange a mõla Soma, Yehova Ukualohoka.

ISAYA 9:5

Momo olosapato viosi via waliwa lasualali va enda kocilunga, kuenda uwalo wosi wa wungiwa vosonde, cosi ci timĩhĩwa ndolohui vondalu.

ATENDELO 12:8

Eci ca lomboloka oco mopia laye omẽla lomẽla, si popi laye asende. Kuenje eye o mõla muẽle Yehova. Oco hẽ, nye ka co lingilili usumba oku sokola ukuenje wange Mose?

YOANO 1:18

Lomue wa la mola Suku. Omõla a Suku wongunga, u o kasi vonete ya Isia, eye wo situlula.

I VA KORINDO 13:12

Momo cilo tu vanja vanja volumuĩlo lua vuvala, puãi noke tu limola ocipala kocipala. Cilo nda kũlĩha ocinimbu, puãi noke ñulĩha ocili ndomo nda kũlĩhiwa.

II VA KORINDO 3:18

Etu vosi, locipala ca sikũlũha, eci tu molehisa ulamba wa Ñala ndeci olumuĩlo, oco tu pongoluiwa esetahalo liaye tunde kulamba ta kulamba, ndeci ca panga Espiritu lia Ñala.

II VA KORINDO 4:6

Momo Suku, u wa linga hati, Vowelema mu tuile ocinyi, eye wa tuila vovitima vietu ha tuisa ukũlĩhiso wulamba wa Suku wokocipala ca Yesu Kristu.

VA GALATIA 1:6

Nda komoha oku limbuka ndomo wa yanduluki lombili u wo kovongi locali ca Kristu loku tiamela kondaka yiwa yimue yiñi.

VA EFESO 1:17

Ndu likutilili okuti Suku ya Ñala yetu Yesu Kristu, haeye Isia yulamba, o wihi utima wolondunge lesituluko, una u tunda poku kũlĩha Suku

ESINUMUĨLO 34:10

Tunde kotembo yaco, vo Isareli ka mua la mõlẽha vali uprofeto wa soka la Mose, okuti umue Yehova a vangula laye omẽla lomẽla.

ESINUMUĨLO 5:24

wa lingi hoti, Ota, Yehova Suku yetu wa tu talisa ulamba waye lunene waye, letu tua yeva ondaka yaye ya tunda vondalu. Etaili tua mõla Suku wa vangula lomunu, kuenje omunu haimo a kasilili lomuenyo.

VA KOLOSAI 1:15

Eye esetahãlo lia Suku u ka muiwa lovaso, haeye uveli pokati koviluvo viosi.

II TIMOTEO 1:10

Cilo puãi, Suku wa tukulula ocali caco eci a tukulula Upopeli wetu Kristu Yesu, u wa nyõla okufa, kuenje, londaka yiwa, wa nena kutanya omuenyo ko pui.

VA HEVERU 11:27

Omo a kala lekolelo, wa tunda ke Egito, yu ka kuatele usumba wonyeño yosoma, momo wa pandikisa ndu o lete una ka muiwa lovaso ositu.

YEHOSUA 5:13

Eci Yehosua a kala ocipepi la yeriko, wa petula ovaso, wa vanja, kuenje ota, ulume umue o tãi kovaso aye, losipata peka, wa yi somolamo. Yehosua wamela kokuaye, kuenje wa popia laye hati, Ove hẽ, wuwetu, ale o tiamela kovanyali vetu?

LIOLONGANJI 13:17

Manoa wa popia lungelo wa Yehova, hati, Onduko yove, ove elie, ha tu ku sambiliya eci olondaka viove vi telisiwa?

LIOLONGANJI 13:18

Ungelo wa Yehova wa popia laye hati, O pulila nye onduko yange? Oyo yi komohisa.

LIOLONGANJI 8:17

Wa kupuila posi ombonge ya Penuele, kuenje wa ipa vakuimbo liaco.

LIOLONGANJI 8:8

Oku tundako, wa lamanela ko Penuele, haico ño a va pinga. Kuenje va Penuele vo tambulula ndeci va Sukote vo tambuluile.