EFETIKILO 32:24 - Embimbiliya - Bíblia Sagrada em Umbundu

²⁴ Eye Yakoba wa siala lika waye, kuenje ulume wa litila laye toke kua ca omẽle.

EFETIKILO 32:24 Iomraidhean Croise

EFETIKILO 18:2

Avirahama wa petula ovaso aye, wa vanja yu wa mõla alume vatatu va tãi okacivanja laye. Eci a va mõla wa tunda puvelo wombalaka, wa va lupukila oku ñualẽhela lavo. Wa petamẽla posi,

EFETIKILO 30:8

Kuenje Rahele wa linga hati, Nda liyaka la huvange uyaki wa lua kuenje nda yula; yu wo luka Nafitali.

EFETIKILO 32:23

Wa va pañinya kuenje wa va yokisa okalui. Wa yokisavo ovikuata viaye.

EFETIKILO 32:25

Wa limbuka okuti ka tẽla oku u yula kuenje wo lamba kesokoluilo liocikalo caye, kuenje esokoluilo liocikalo ca Yakoba lia fomõha poku litĩla laye.

EFETIKILO 32:28

Ulume hati, Onduko yove ka yi tukuiwa vali Yakoba, te Isareli momo wa liyaka la Suku lomanu kuenje wa yula.

EFETIKILO 32:30

Oco Yakoba a lukila onduko yusenge waco Penuele, ndokuti, Suku ndo mõla liso liange muẽle, haimo omuenyo wange wa popeliwa.

EFETIKILO 48:16

haeye ungelo wa njovola kevĩho liosi, eye a sumũluise amãlehe ava; londuko yange yi tumbuluiwe lavo, ndaño olonduko violosekulu viange, Avirahama la Isake. Va linga muẽle owiñi kilu lieve.

ETUNDILO 14:27

Oco Mose woluĩla eka liaye kilu liokalunga kuenje eci kua ca omẽle, oco okalunga ka tiuka vali, ka kala ndomo ka tuwa ale. Va Egito va lupukilamo kuenje Yehova wa kunduila va Egito vokalunga.

OCISUNGO CA SALOMONE 2:17

Osimbu ka kua cile, osimbu ongula ka ya towile, tiuka, okuacisola cange. Linga ndomunya pamue ndokanusi kolomunda vialupele.

ISAYA 32:2

va soka ndocivundilo coku tila ofela pamue ndocipundo coku tila ombela. Va soka ndolondui viovava vekango, pamue ndulembo wewe linene vofeka yekavo.

DANIELE 10:8

Oco ame nda siala lika liange, kuenje nda mõla owima waco unene, yu sia kaile vali longusu. Opolo yange ya pongoloka, kuenje ongusu ya mua.

LUKA 13:24

Oku iñila, lileki oku pita puvelo wa sukatela, momo ndu sapuili siti, Va lua va sanda oku iñila kuenje ka va ci tẽla.

LUKA 22:44

Asangu a witaila, kuenje wa likutilila lolupili. Esalamiho liaye lia lokila posi ndalola osonde.

VA ROMA 15:30

A vamanji, ndu peyi la Ñala yetu Kristu, locisola ce Espiritu, okuti vu kolisako kumue lame volohutililo viene ku Suku oku liñutilila.

I VA KORINDO 15:47

Omunu watete wa tunda posi, ukuaposi; omunu wavali wa tunda kilu.

VA EFESO 6:12

Momo ka tu kasi loku yaka lositu kuenda osonde, te lovoviali, lovonene, lolombiali violuali viowelema ulo, lolohoka viovilelembia vĩvi viokilu.

VA EFESO 6:18

Likutilili ve Espiritu olonjanja viosi. Sapuli ku Suku apingilo ene loku a felevela. Pandikisi locituwa caco loku likutililila olosandu viosi.

VA KOLOSAI 2:1

Momo njongola okuti vu kũlĩha ndomo ndo sakalaleli ca lua, loku sakalalela va Laodokea la vosi ka va la mola ocipala cange.

VA KOLOSAI 4:12

Ukuẽle u Kolosai, Epafra, haeye ukuenje wa Kristu Yesu, wo lami. Eye ka liweka oku vu likutalaila okuti vu talama ngo vocipango ca Suku loku linga ndomanu vendamba vetavo lia Kristu, nda kuiya nye, nda kuiya nye.

VA HEVERU 5:7

Yesu, koloneke a kala letimba, wa lomba lomba, loku likutalaila, loku liyula lasuelela ku wa tẽla oku u popela kokufa, kuenje wa yeviwa momo wa sumbila Suku.

YEHOSUA 5:13

Eci Yehosua a kala ocipepi la yeriko, wa petula ovaso, wa vanja, kuenje ota, ulume umue o tãi kovaso aye, losipata peka, wa yi somolamo. Yehosua wamela kokuaye, kuenje wa popia laye hati, Ove hẽ, wuwetu, ale o tiamela kovanyali vetu?