EFETIKILO 32:12 - Embimbiliya - Bíblia Sagrada em Umbundu

¹² Ove puãi wa likuminya huti, Hu sumũluisa, lombuto yove ndi yi lingisa ndeseke liokalunga ka litava oku tendiwa omo okulua kualio kua lua enene.

EFETIKILO 32:12 Iomraidhean Croise

EFETIKILO 22:17

oco ame hu sumũlũisa cocili. Nduisa ombuto yove ndolombungululu viokilu, pamue ndeseke li kasi pongongo yokalunga, kuenje ombuto yove yi piñala olombundi vianyali vavo.

EFETIKILO 32:6

Olomunga via tiuka ku Yakoba, vio sapuila viti, Tua ile ku huvove Esau kuenje eye o kasi loku iya lovita vikuãla kalume oku ñualehẽla love.

I OLOSOMA 4:20

Yuda la Isareli va linga va lua ndeseke liokonele yokalunga. Va lialia, va nyuanyua, kuenda va yolela.

ETUNDILO 32:13

Ivaluka akuenje vove Avirahama, la Isake kuenda Isareli, vana wa lisila lavo londuko yove yi kola. Wa popia lavo huti, Nduisa ombuto yene ndolombungululu viokilu. Ngeca ofeka yilo yosi kombuto yene ndeci nda likuminya. Va yi piñala otembo ka yi pui.

HOSEA 1:10

Kaimo omãla va Isareli va ka lua ndeseke liokalunga, okuti oku li yonga ka ci tava, ndaño oku li tenda. Kuenje kuna va sapuililue hati, Hamanuvangeko, haiko va sapuilua vali, hati, Vumãla va Suku yomuenyo.

ATENDELO 23:19

Suku hamunuko okuti o kemba, pamue omõla omunu okuti o pongoloka. Eci a popia ka ci lingi hẽ?

MATEO 24:35

Ilu losi vi takata, puãi olondaka viange ka vi takata.

II TIMOTEO 2:13

Nda ka tu u kolela eye haimo o kolelua. Momo eye ka tẽla oku likala eye muẽle.

TITO 1:2

Upange waco ndu lingila velavoko liomuenyo ko pui. Suku, u lalimue eteke a kemba, eye wa likuminya omuenyo waco konahululua.

VA HEVERU 11:12

Oco komunu umuamue, haeye wa soka ndu wa fa, kua tunda ombuto ndolombungululu via lua, ndeseke liopalaya yokalunga ka ci tava oku li tenda.

VA HEVERU 6:17

Oco Suku, eci a yongola oku lekisa olumue ku vakapiñala kohuminyo okuti ocipango caye ka ci pongoloka, oco wa lisinga,

I SAMUELE 15:29

Kuenda vali Ulamba wa Isareli ka kembi ndãño oku pongoloka, momo eye hamunuko okuti o pongoloka.