EFETIKILO 30:32 - Embimbiliya - Bíblia Sagrada em Umbundu

³² Nda ku pinga okuti etali mita vocunda cove cosi, njupamo olomeme viosi via mañana, levi vi kuete atumba, kuenda otumeme tuosi tu tekava. Njupamovo olohombo viosi via mañana, levi vi kuete atumba. Kuenje ovio vi linga ofeto yange.

EFETIKILO 30:32 Iomraidhean Croise

EFETIKILO 30:31

Lavane hati, Hu iha nye? Yakoba hati, Lacimue o nyiha. Nda o tava oku ndingila eci mopia love cilo, oco niuka vali kupange woku lisa ocunda cove, loku ci lava.

EFETIKILO 30:33

Noke kovaso, eci wiya oku sokiya lame, oco esunga o sanga kokuange olio li ku tukuila ndeci o feta. Pokati kolohombo ñasi lavio, nda pa sangiwa evi ka vi mañana pamue ka vi kuete atumba, kuenda vali nda pokati kotumeme pa sangiwa tumue ka tu tekava, ca lomboloka okuti via iviwa.

EFETIKILO 30:35

Eteke liaco eli Lavane wa tepako ovitupi violohombo vi kuete amiongo latumba, lolomange violohombo viosi vi mañana levi vi kuete atumba, cosi ci kuete pamue pa yela, kuenda viosi vi tekava pokati kolomeme, ha vi eci povaka vomãla vaye.

EFETIKILO 31:10

Eteke limue kotembo yoku londiwa nda petula ovaso, kuenje konjoi nda mõla okuti ovitupi via londa londa kolomange vievi viamiongo, levi vi mañana, levi viatumba.

EFETIKILO 31:8

Omo eci a linga hati, Vi mañana vi linga ofeto yove, oco oviunda viosi via cita cita evi vi mañana. Eci a linga hati, Viamiongo vi linga ofeto yove, oco oviunda viosi via cita viamiongo.