EFETIKILO 30:14 - Embimbiliya - Bíblia Sagrada em Umbundu

¹⁴ Koloneke vioku ungula otiliku Ruvene wa enda kepia oku sandiliya ovihemba violucito, kuenje wa vi nena ku inaye Lea. Rahele yu wa popia la Lea hati, Va nyiheko tumue otuvihemba tuolucito tua kopile omõlove.

EFETIKILO 30:14 Iomraidhean Croise

EFETIKILO 25:30

Esau wa popia la Yakoba hati, Nyiheko kamue okambelela aka ka kusuka, momo nda lambuka. Oco vo lukila Edome.

EFETIKILO 30:15

Lea wa kumbulula hati, Eci wa nambula ale veyange ci sule, okuti lopo o yongola oku tambula vali ovihemba violucito via kopile omõlange? Rahele yu wa linga hati, Nda oco eye o pekela love uteke ulo mekonda liovihemba violucito via kopile omõlove.

EFETIKILO 30:16

Koñolosi eci Yakoba a tiuka kepia, oco Lea wo landula, wa linga hati, O lala lame, momo nda ku fetela ovihemba violucito via kopile omõlange. Yu wa pekela laye uteke waco.

OCISUNGO CA SALOMONE 7:13

Ovitende vi tunda elemba liwa. Puvelo wetu pa kasi apako a pepa, lana okaliye, lana ale; osi muẽle nda a ku selekela, okuacisola cange.

ESEKIELE 48:25

Onepa yi lisungue lonepa ya Simeone, tunde konẽle yokutundilo toke konẽle yokutakelo, yi linga onepa ya Yisakere.