EFETIKILO 3:20 - Embimbiliya - Bíblia Sagrada em Umbundu

²⁰ Ulume yu wa luka onduko yukãi waye hati, Heva, momo eye nyõho yava vosi va kasi lomuenyo.

EFETIKILO 3:20 Iomraidhean Croise

EFETIKILO 16:11

Kuenje omunga ya Yehova ya popia laye, yiti, Ota we mina; noke o cita omõla ulume, u luka Isameli ca lomboloka Suku a yeve, momo Yehova wa yeva ohali yove.

EFETIKILO 2:20

Oco ulume wa luka olonduko viovinyama viosi viovimbo, lolonjila viovilu, lovinyama viovusenge; puãi oñuatisi ulume a sesamela ka kua kaile.

EFETIKILO 2:23

Oco ulume wa linga hati, Ukãi u, eye ekapa liakepa ange, haeye ositu yositu yange; o tukuiwa ukãi momo wopiwa kulume.

EFETIKILO 3:21

Kuenje Yehova Suku wa tungila Adama lukãi waye ovikutu viovipa, yu wa va walisa.

EFETIKILO 35:18

Oco, eci pa kamba naito oku tula omuenyo waye, momo wa fa, wa tukula onduko yaye hati, Eye Benoni, puãi isiaye wo luka Benjamini.

EFETIKILO 5:29

wo luka Noha ca lomboloka Elembeleko, hati, Eye o tu kuatisa okuti posi yina Yehova a siñala pa tunda elembeleko liokupange wovaka etu.

ETUNDILO 2:10

Eci omõlaco a kula, ukãi wo nena komõla a Fareo kuenje wa linga omõlaye, wo luka Mose ca lomboloka, Upiwa, hati Ndo wupa vovava.

MATEO 1:21

kuenje o cita omõla ulume, u luka Yesu momo eye o popela omanu vaye kakandu avo.

MATEO 1:23

Tala, ufeko o mina, o cita omõla ulume, kuenje u luka Emanuele, ca lomboloka citi, Suku kumue letu.

OVILINGA 17:26

Oku fetika lomunu umuamue wa sovola apata osi omanu va tunga kilu lieve, kuenje wa va tukuila ovovo lolongave violofeka viavo.

II VA KORINDO 11:3

Puãi ñuete ohele yokuti, ndeci onyoha ya yonja Heva letutu liayo, haico ovitima viene vi pambukavo koku vumba Kristu lesunguluko kuenda lonjelo.

I TIMOTEO 2:13

Momo Adama eye wa lulikiwa tete, noke Heva.

I SAMUELE 1:20

Noke Hana we mina kuenje wa cita omõla ulume. Wo luka Samuele momo hati, Ndo lomba ku Yehova.