EFETIKILO 3:15 - Embimbiliya - Bíblia Sagrada em Umbundu

¹⁵ Ñapa ukuse pokati kene, love lukãi, lo pokati kombuto yove lombuto yaye. Eye o sasõla utue wove, kuenje ove u lumana kocisendemãi.

EFETIKILO 3:15 Iomraidhean Croise

EFETIKILO 49:17

Dani o linga ombandanjila vonjila, pamue ombuta pelila, yi lumana kakonjo okavalu kuenje u endelako o kupukila konyima.

OLOSAMO 132:11

Yehova wa lisinga la Daviti esingo liocili, kuenje ka tiukamo, hati, Ñapa kocalo cove umue pomãla vove wa cita.

ISAYA 53:12

Oco ndu tepisa onepa lava vanene, kuenje o liamũila eci ca pundiwa kumue la vakualohõlo: momo wa pesela omuenyo waye toke kokufa kuenje wa tendiwa lava va lueya; haimo wambata akandu omanu va lua, kuenje wa fundila ava va lueya.

ISAYA 7:14

Oco Ñala eye muẽle u wĩha ondimbukiso. Ota, ufeko o mina, o cita omõla ulume kuenje u luka Emanuele.

YEREMIYA 31:22

Amõla ukãi, okuakukonyõha, toke pi o tungayala? Momo Yehova wa sovuila kilu lieve cimue cokaliye; ukãi o vindikiya ulume.

DANIELE 9:26

Kovaso yolosemana akũi epandu lavivali, Mesiya o tepiwako kuenje lomue o kala laye. Oco omanu vosoma yi laika oku iya va nyõla imbo locitumãlo ci kola. Esulilo liaye liya lendunde, kuenje toke kesulilo ku kala ovita, kuenda oku nyõla ndeci kua tukuiwa,

AMOSI 9:3

Ndaño va lisalamisa konumbuko ya Karimeli haiko ndi va sandiliya loku vopako.

MIKA 5:3

Oco o va eca toke u o kasi lolongembia a cita; oco ocisupe cavo ci tiukila komãla va Isareli.

MATEO 1:23

Tala, ufeko o mina, o cita omõla ulume, kuenje u luka Emanuele, ca lomboloka citi, Suku kumue letu.

MATEO 1:25

puãi ka litokekele laye, te ukãi wa cita omõla ulume kuenje wo luka Yesu.

MATEO 12:34

Amãla volonyoha, omo vulondingaĩvi, vu tẽla ndati oku popia ovina viwa? Momo eci ca siata vutima oco omẽla u popia.

MATEO 13:38

epia liaco, oluali; ombuto yiwa, omala vusoma; osoka yaco, omãla veliapu;

MATEO 23:33

Alonyoha, ambuto yolombuta, vu puluka ndati episo lioku enda konjembo?

MATEO 3:7

Eci a mola okuti va lua va Fariseo la va Sadukeo veyilila epapatiso liaye, oco wa popia lavo hati, Ambuto yolonyoha, helie wo lunguli oku tila onyeño yiya?

MARKO 16:18

Va tikula olonyoha, kuenje nda va nyua owule, ka u va lingi cimue. Va kapa ovaka avo komanu va vela kuenje va kaya.

LUKA 1:76

Love, amõlange, o tukuiwa uprofeto wa Tõlo, momo o pita kovaso a Ñala oku sokiya olonjila viaye,

LUKA 10:19

Kũlĩhi okuti ndo wihi unene woku kosa olonyoha lanyenya, lowu woku nyõla ongusu yosi yunyali. Lacimue cu lingi lãvi.

LUKA 22:53

Eci nda kala kala lene vonembele eteke keteke ka wa ndambeli. Puãi ola yilo ola yene muẽle, haiyo yunene wowelema.

LUKA 24:27

Eye wa va lomboluila ovisonehua viosi via tiamela kokuaye, loku fetika levi via Mose kuenda evi viovaprofeto vosi.

YOANO 8:44

Wa tundi ku isiene eliapu, oco vu yonguila oku linga ocipango ca isiene. Eye omondi tunde kefetikilo, haeye ka la sumbila ocili momo vokati kaye ka muli ale ocili. Eci a popia uhembi o popia caye muẽle, momo eye ohembi, haeye isia yuhembi.

OVILINGA 13:10

kuenje wa linga hati, amõla eliapu, onyali wesunga liosi, amunu we yuka elimbi liosi levĩho liosi, ku liweka hẽ oku pengisa olonjila via suñama via Suku?

VA ROMA 16:20

Suku yombembua ndopo o kosela Satana vemehi liolomãi viene. Ocali ca Ñala yetu Yesu Kristu ci kale lene.

VA ROMA 3:13

Angũli avo a linga eyambo liupulule. Alimi avo va kemba kemba lao. Ovule wolombandanjila u kasi vemi liolonjembue viavo.

VA GALATIA 4:4

Eci otembo ya tẽla oco Suku wa tuma Omõlaye wa citiwa lukãi, haeye wa citiwa kotembo yovihandeleko.

VA EFESO 4:8

Oco ca popiwila citi, Poku londa wa ambata owiñi wolohute, kuenje wa eca olongavelo komanu.

VA KOLOSAI 2:15

Wopa ovimaleho viovonene lovoviali, kuenje wa a lekisa ndomo a kasi ocili. Wa a yula lekulusu.

VA HEVERU 2:18

Momo, omo eye muẽle a tala ohali loku yonjiwa, oco o tẽla oku kuatisa ava va yonjiwa.

VA HEVERU 5:7

Yesu, koloneke a kala letimba, wa lomba lomba, loku likutalaila, loku liyula lasuelela ku wa tẽla oku u popela kokufa, kuenje wa yeviwa momo wa sumbila Suku.

I YOANO 3:10

Omãla va Suku lomãla veliapu va limbukiwa ndomo okuti, wosi ka lingi esunga hamõla a Sukuko, ndaño u ka sole ukuavo.

I YOANO 3:8

U o lingainga akandu ukueliapu, momo eliapu li lingainga akandu tunde kefetikilo. Oco Omõla a Suku a tukulukila okuti o nyõla ovilinga vieliapu.

I YOANO 5:5

U o yula oluali helie, nda hayuko o tava okuti Yesu eye Omõla a Suku?

ESITULUILO 12:17

Oco ocinyoha ca tema lukãi, yu ca enda, ca katuila ovita vakuambuto yaye va supapo, okuti vava va lava ovihandeleko via Suku, kuenje va imbila Yesu uvangi. Kuenje ca talama peseke liokalunga.

ESITULUILO 13:7

Kuenda vali, ca ihiwa omoko yoku katukila olosandu ovita loku vi yula. Ca ihiwavo omoko yoku viala apata osi lomanu vosi kuenda vakualimi osi lolofeka viosi.

ESITULUILO 2:10

Ku ka yokokele ohali o laika oku tala. Hu sapuila okuti eliapu limba vamue pokati kene vokayike okuti vu nyikiwa. Kuenje wu tala ohali ekui lioloneke. Pandikisa ño toke kokufa, kuenje hu iha ekolowa liemuenyo.

ESITULUILO 20:10

Eliapu lia va kembele lia imbiwa vociva condalu lofuofuo, haimo mu kasi ocinyama caco luprofeto wesanda, kuenje va yambuiwa utanya luteke oloneke vi enda ño-o hũ, ka vi pui.