EFETIKILO 3:14 - Embimbiliya - Bíblia Sagrada em Umbundu

¹⁴ Yehova Suku wa popia lonyõha hati, Omo wa linga ndoco, wa siñaliwa pokati kovinyama viosi viovimbo kuenda ovinyama viosi viovusenge. Imo liove o likoka posi hu lialia eve oloneke viosi viomuenyo wove

EFETIKILO 3:14 Iomraidhean Croise

EFETIKILO 3:1

Onyõha ya velelepo oku nyanga, ovinyama viosi viovusenge via lulika Yehova Suku vi sule. Kuenje ya pula ukãi yiti, Ocili Suku wa popia hati, Ko ka li koviti viosi viovocumbo, ale?

EFETIKILO 4:11

Cilo ove wa siñalĩwa, osi ka yu ku kuatisa vali ndeci ya lingaile, omo ya asama oku nyua peka liove osonde ya manjove;

EFETIKILO 9:6

Wosi o pesela osonde yomunu osonde yaye yi peseliwavo lomunu, momo Suku wa lulika omunu ukuesetahãlo liaye.

OLOSAMO 72:9

Ovanyãli vaye va petamele kovaso aye, lava vo suvuka va lese posi.

ISAYA 29:4

Oco o popela kosi ya longa, upopi wove u tundilila voneketela; ondaka yove yi tundilila posi ndondaka yocilũlũ, kuenje okupopia kuove ku tundilila voneketela ndoku loñola.

ISAYA 65:25

Ombinji kuenda omõla omeme vi lila kumuamue, ohosi yi lialia owangu ndongombe; oneketela yi linga okulia kuonyõha. Ka va lingi cĩvi pamue oku nyõla vomunda yange yi kola yosi. Oco ca popia Yehova.

OVISILA 20:25

Oco, tepisi pokati kocinyama ci yela leci ca liña, pokati kolonjila via liña levi vi yela, kuenje ko ka vĩhĩsi ovimuenyo viene lumbondo wocinyama, pamue onjila pamue levi viñi vi likoka posi, nda vi tepisa kokuene siti via liña.

MIKA 7:17

Vi lesa lesa oneketela ndonyõha, pamue ndovina vi yaila posi. Vi tunda kovikolo viavio loku luluma, viya ku Yehova Suku yetu lusumba, kuenje viu ku yokokela.