EFETIKILO 3:1 - Embimbiliya - Bíblia Sagrada em Umbundu

¹ Onyõha ya velelepo oku nyanga, ovinyama viosi viovusenge via lulika Yehova Suku vi sule. Kuenje ya pula ukãi yiti, Ocili Suku wa popia hati, Ko ka li koviti viosi viovocumbo, ale?

EFETIKILO 3:1 Iomraidhean Croise

UKUNDI 4:10

Momo nda va kupuka ukuavo 0 pindula ukuavo, puãi ku o kasi ulika nda o kupuka kuenje ka kuete ukuavo u pindula ohali yaco ya kãla.

ISAYA 27:1

Keteke liaco Yehova o yambula Canjangombe, onyoha yolupesi yi miloha, u yambula losipata yaye ya kola, yinene, haiyo ya pama, kuenje ipa onyoha yinene yi kasi vokalunga.

MATEO 10:16

Tali, ndu tumi ndolomeme pokati kolombinji, oco lunguki ndolonyoha, unjuki ndolopomba.

MATEO 4:3

Kuenje uyonji wo kokela, yu wa popia laye hati, Nda vumõla a Suku popia lovawe a huti, Lingi olombolo.

MATEO 4:6

Lia popia laye liti, Nda vumõla a Suku likupuila posi. Momo ca sonehiwa citi, O ku kundika kovangelo vaye, kuenda vali, citi, Va ku yelula lovaka avo, sanga o veta omãi yove kewe.

MATEO 4:9

yu lia popia laye liti, Huiha ovina evi viosi nda o wila posi hu fendela.

II VA KORINDO 11:14

Eci ka ci komohisa, momo ndaño Satana o liluvikiya ndungelo wocinyi.

II VA KORINDO 11:3

Puãi ñuete ohele yokuti, ndeci onyoha ya yonja Heva letutu liayo, haico ovitima viene vi pambukavo koku vumba Kristu lesunguluko kuenda lonjelo.

I PETULU 3:7

Haicovo ene alume, kali lakãi vene lolondunge. Sumbili ukãi ndocikuata ca leñela, momo wakapiñala kumuamue kocali comuenyo. Nda ka vu ci lingi vu tatekiwa oku likutilila cocili.

ESITULUILO 12:15

Komela wayo onyoha ya pambela vonyima yukãi ovava ndolui, okuti yu kunyuila volui.

ESITULUILO 12:9

Kuenje ocinyoha caco cinene ca takumuiwa, haico onyoha yosiahũlu, yina ya tukuiwa eliapu, haeye Satana, una endaenda oku kemba oluali luosi, haeye wa imbiwa kilu lieve, lovangelo vaye va imbiwa kumosi laye.

ESITULUILO 20:2

Yu wa kuata ocinyoha cinene, haico onyoha yina yokosiahũlu. Onyoha yaco oyo eliapu haiyo Satana, kuenje ungelo wo kuta okuti o kala kelienge ohũlũkãi yanyamo.