EFETIKILO 28:16 - Embimbiliya - Bíblia Sagrada em Umbundu

¹⁶ Yakoba yu wa pasuka kotulo, wa linga hati, Ocili muẽle, Yehova o kasi vusenge ulo, kuenje sia ci kulĩhile.

EFETIKILO 28:16 Iomraidhean Croise

I OLOSOMA 3:15

Salomone yu wa pasuka, kuenje tala, ca kala onjoi. Oco weya ko Yerusalãi, wa talama kovaso yocikasa covisila via Yehova, kuenje wa lumba ovilumba vioku pia elisi levi viombembua. Yu wa lingila akuenje vaye vosi ofesta.

YOVI 33:14

Momo Suku o popia mosipo, valipo, puãi omunu ka ci limbuka.

YOVI 9:11

Tala, o mita ombamba kuenje siu moli. O pitahãla puãi siu limbuka.

OLOSAMO 139:7

Ngenda pi si yuvula Espiritu liove? Nilila pi apa ove ku kasi?

OLOSAMO 68:35

Suku, Suku ya Isareli, vonembele yaye yi kola o lingisa usumba. O muisa omanu vaye upami lunene. Suku a sivayiwe.

ETUNDILO 15:11

A Yehova, wa lisoka love pokati kolosuku hẽ elie? Wa lisoka love hẽ elie? Ulamba wove oku kola. Ovilinga viove vi lingisa usumba, o lingainga ovikomo.

ETUNDILO 3:4

Eci Yehova a mõla okuti wa pambukilapo oku tala, oco Suku wo kovongela vocisapa hati, A Mose, a Mose. Eye wa linga hati, Amilo.

ETUNDILO 3:5

Suku yu wa popia hati, Ku ka pitile kulo. Lula olohaku kolomãi viove, omo apa o tãi pa kola.

ISAYA 8:13

Puãi Yehova Ukualohoka, eye o u limbuka okuti o kola, eye a linge usumba wove, kuenda a linge okuyokoka kuove.

YEREMIYA 31:26

Apa nda pasuka, kuenje nda patuluka, yu otulo tuange tua mepa.

ATENDELO 12:6

Yehova wa popia hati, Kaliye, yeveleli olondaka viange. Eci pokati kene pa kasi uprofeto, ame Yehova ndi lisitulula kokuaye vocinjoinjoi, mopia laye vonjoi.

YEHOSUA 5:13

Eci Yehosua a kala ocipepi la yeriko, wa petula ovaso, wa vanja, kuenje ota, ulume umue o tãi kovaso aye, losipata peka, wa yi somolamo. Yehosua wamela kokuaye, kuenje wa popia laye hati, Ove hẽ, wuwetu, ale o tiamela kovanyali vetu?

YEHOSUA 5:15

Kesongo kolohoka via Yehova wa popia la Yehosua, hati, Lula olohaku kolomãi viove, momo apa o tãi pa kola. Kuenje Yehosua wa ci linga.