EFETIKILO 28:15 - Embimbiliya - Bíblia Sagrada em Umbundu

¹⁵ Ocili, ame ñasi kumue love. Hu lava lava kuosi wenda, kuenje hu nena vali vofeka yilo. Si ku yanduluka toke nda linga eci nda likuminya love.

EFETIKILO 28:15 Iomraidhean Croise

EFETIKILO 21:20

Suku wa kala lomõla, kuenje omõla wa kula, wa tunga vekalasoko. Wa linga enyanga.

EFETIKILO 26:24

Yehova wo tukulukila uteke waco, wa popia laye hati, Ame ndi Suku ya so Avirahama. Ku ka yokoke, ame muẽle ñasi love, hu sumũluisa. Nduisa ombuto yove, oku ci lingila ukuenje wange Avirahama.

EFETIKILO 26:3

Tumãla ño vofeka yilo, kuenje ñala love, hu sumũluisa. Kokuove lokombuto yove ngeca olofeka evi viosi. Ndi tẽlisa ohuminyo nda likuminya la so Avirahama,

EFETIKILO 30:25

Kovaso yoku cita Yosefe, Yakoba wa popia la Lavane hati, Ñatule, ngende kolietu, kofeka yetu.

EFETIKILO 31:13

Ame ndi Suku ya Betele kuna wa wavekele ongunji, kuenje wa lisila ocisila lame. Kaliye katuka, tunda vofeka yilo, tiukila vali kofeka va ku citila.

EFETIKILO 31:3

Yehova yu wa popia la Yakoba hati, Tiukila kofeka yolosekulu viove lokovangandiove, lame ha kala love.

EFETIKILO 31:5

Wa popia lavo hati, Ndete ocipala ca isiene okuti ka ci kasi vali ciwa lame ndeci ca kaile osimbu, puãi Suku ya tate wa kala lame.

EFETIKILO 32:9

Yakoba yu wa likutilila hati, A Suku ya sekulu yange Avirahama haive Suku ya tate Isake, a Yehova, ove wa mañinya huti, Tiukila kofeka yene lo kusitue wove kuenje hu sumũluisa.

EFETIKILO 35:3

Tu katuki, tu lamanẽli ko Betele, tu ka tungeko utala wa Suku una wa ñumbuluile keteke liohali yange kuenje wa sindaikaila kuosi nda endaenda.

EFETIKILO 39:2

Yehova wa kala la Yosefe kuenje wa linga ukuesumũluho. Wa kala vonjo ya cime caye u Egito.

EFETIKILO 39:21

Puãi Yehova wa kala la Yosefe, wo kuatisa locisola caye ka ci pongoloka, kuenje kalei kokayike wo sola.

EFETIKILO 46:4

Ame ngenda love toke ke Egito, haime hu tiula vali; lovaka a Yosefe a viula ovaso ove.

EFETIKILO 48:16

haeye ungelo wa njovola kevĩho liosi, eye a sumũluise amãlehe ava; londuko yange yi tumbuluiwe lavo, ndaño olonduko violosekulu viange, Avirahama la Isake. Va linga muẽle owiñi kilu lieve.

EFETIKILO 48:21

Isareli wa popia la Yosefe hati, Tala, ndopo fa puãi Suku o kala love ha ku tiuwiya kofeka yolosekulu viove.

I OLOSOMA 8:57

Yehova Suku yetu a kale letu, ndeci a kaile lolosekulu vietu. Ka ka tu sie, ka ka tu yanduluke.

OLOSAMO 46:11

Yehova Ukualohoka o kasi letu. Suku ya Yakoba eye ocikolo cetu.

OLOSAMO 46:7

Yehova Ukualohoka o kasi letu, Suku ya Yakoba eye ocikolo cetu.

OLOSAMO 91:11

Momo o ku kundika kovangelo vaye, ha va ku lavi kolonjila viove viosi.

ETUNDILO 13:11

Kuenje eci Yehova a wiñisi vofeka ya Kanana ndeci a likuminya lene lolosekulu viene kuenje o vu yiha,

ETUNDILO 3:12

Suku wo kumbulula hati, Puãi ame ñala love, kuenje ondimbukiso yokuti ame muẽle nda ku tuma yeyi: pana okuti wopale omanu vaco ve Egito o fendela Suku komunda yilo.

ISAYA 41:10

Ku ka kuate ohele, momo ñasi love. Ku ka yokoke, momo ndi Suku yove! Ame hu kolisa, hu kuatisa; hu kuata leka liange liondio hailio liesunga.

ISAYA 43:2

Eci o pita vovava ñala kumue love; leci o pita volondui ku vombi. Eci o pita vondalu ku pi, leci o pita vulienge ku kakuiwa.

ISAYA 7:14

Oco Ñala eye muẽle u wĩha ondimbukiso. Ota, ufeko o mina, o cita omõla ulume kuenje u luka Emanuele.

ISAYA 8:10

Tumbiki ño ongombo puãi ka yi lingi cimue; popi ño ondaka, puãi ka yi koli, momo Suku o kasi kumue letu.

YEREMIYA 1:19

Va yaka love puãi ka va ku yuli, momo ame ñasi love oku ku silamẽla. Oco ca popia Yehova.

YEREMIYA 16:15

puãi va linga vati, Ndeci Yehova a kasi lomuenyo, u wopa omãla va Isareli kofeka yoko Norte kuenda kolofeka viosi vikuavo oko a va sanduilile. Momo ndi va nena vali vofeka yavo yina nda ecele ku vaisiavo.

OVISILA 26:42

oco njivaluka ohuminyo yange la Yakoba, lohuminyo yange la Isake, lohuminyo yange la Avirahama. Njivalukavo ofeka.

OVISILA 26:45

Puãi omo ndi va sole oco njivalukila ocisila nda lisila lolosekulu viavo vina ndopa vofeka ye Egito kovaso olofeka si lingi Suku yavo. Ame ndi Yehova.

ATENDELO 23:19

Suku hamunuko okuti o kemba, pamue omõla omunu okuti o pongoloka. Eci a popia ka ci lingi hẽ?

ATENDELO 6:24

Yehova a ku sumũluĩse loku ku lava.

MATEO 18:20

Momo apa pali vavali pamue vatatu va liongoluila vonduko yange haipo ñasi pokati kavo.

MATEO 24:35

Ilu losi vi takata, puãi olondaka viange ka vi takata.

MATEO 28:20

Va longisi oku linga ovina viosi ndo kundiki. Kuenje ame ñasi lene kumue oloneke viosi toke kesulilo lioluali.

ESINUMUĨLO 30:3

oco Yehova, Suku yove, o tumbulula esumũlũho liove, loku ku kuatela ohenda. O ku ongolola kolofeka viosi kuna Yehova, Suku yove, a ku sanduila.

ESINUMUĨLO 31:6

Kolisiko. Kuati utõi, ko ka kuati usumba, ndaño oku va lulumĩla. Momo u endela kumue love eye Yehova Suku yove. Eye ka ku tokoka, ndaño oku ku yanduluka.

ESINUMUĨLO 31:8

Yehova eye o ku pitila kovaso, eye o kala love, ka ku tokoka, ndaño oku ku yanduluka. Ku ka kuate usumba, pamue oku konyoha.

ESINUMUĨLO 7:9

Oco limbuki okuti Yehova Suku yene, eye muẽle Suku, eye Suku o kolelua haeye Suku o lemũlũla toke kohulũkãi yovitumbulukila ocisila a lisila lava vo sola loku lava ovihandeleko viaye, kuenje haeye Suku o va sola locisola ka ci pongoloka.

I TIMOTEO 4:8

Momo okupindisa etimba, ocili, ku silivila, puãi okutuwa nda Suku ku kuatisa kovina viosi, momo ku kuete ohuminyo yokomuenyo ulo, kuenda komuenyo wiyako.

YEHOSUA 1:5

Oloneke viosi viomuenyo wove, ka ku kala umue o tẽla oku tamalala love. Ndeci nda kala la Mose, haico ñala love. Si ku tokoka ndaño oku ku yanduluka.

YUDA 1:1

Ame ndi Yuda, ndukuenje wa Yesu Kristu, haime ndu manji a Tiago; Ñasi loku sonehela ava va kovongiwa, haivo va soliwa la Suku Isia, kuenda va laviwila Yesu Kristu.

LIOLONGANJI 6:16

Yehova wa popia laye hati, Puãi ame ñala kumue love, kuenje va Midiane o va kundula ndomunu umosi.