EFETIKILO 26:3 - Embimbiliya - Bíblia Sagrada em Umbundu

³ Tumãla ño vofeka yilo, kuenje ñala love, hu sumũluisa. Kokuove lokombuto yove ngeca olofeka evi viosi. Ndi tẽlisa ohuminyo nda likuminya la so Avirahama,

EFETIKILO 26:3 Iomraidhean Croise

EFETIKILO 12:7

Yehova wa limõlehisa ku Avirama hati, Ame ngeca ofeka yilo kombuto yove. Oco Avirama wa tungapo utala apa Yehova a limõlehisa kokuaye.

EFETIKILO 13:15

Omo ofeka yosi o lete ndeti ndi yeca kokuove lokombuto yove otembo yosi.

EFETIKILO 13:17

Votoka, nyũla ofeka vusõvi wayo lovupati wayo, momo ndi yeca kokuove.

EFETIKILO 15:18

Eteke liaco hailio Yehova a likuminya ohuminyo la Avirama, hati, Tunde kolui lu Egito toke kolui luna lunene Ferati,

EFETIKILO 17:19

Suku wa linga hati, Oco hacoko. Sara ukãi wove o ku citila omõla ulume, u luka Isake. Ñolisila kokuaye ocisila cange ha ci lingi ocisila ka ci pui kombuto yaye yu kuama.

EFETIKILO 17:8

Kokuove lokombuto yove yu ku kuãi ngeca ofeka omu o kasi loku tuñayala, okuti ofeka yosi ya Kanana, ha yi lingi ocipiñalo ka ci pui. Lame ndinga Suku yavo.

EFETIKILO 20:1

Avirahama yu wa sondolokako ha endi kofeka yoko Sul, yu wa tunga pokati ka Kadesi la Siuri, wa tumãla vo Gerare.

EFETIKILO 25:11

Kovaso yokufa kua Avirahama, Suku wa sumuluisa omõlaye Isake. Isake wa tumãla ko Bere-lahai-roi.

EFETIKILO 26:12

Isake yu wa limila vofeka yaco kuenje ulima waco wongula ca lua okuti konjongo yimosi kua tunda ocita colonjongo. Yehova wo sumũluisa,

EFETIKILO 26:14

Wa kala lukuasi wolomeme, lukuasi wolongombe, locikumba ca lua, kuenje va Filisiti vo kuatela onya.

EFETIKILO 26:24

Yehova wo tukulukila uteke waco, wa popia laye hati, Ame ndi Suku ya so Avirahama. Ku ka yokoke, ame muẽle ñasi love, hu sumũluisa. Nduisa ombuto yove, oku ci lingila ukuenje wange Avirahama.

EFETIKILO 28:13

Yehova wa talama kilu liayo, wa linga hati, Ame ndi Yehova, Suku ya sekulu yove Avirahama, haime ndi Suku ya Isake. Osi eyindeti wa pekela ndi yeca kokuove, lombuto yove.

EFETIKILO 28:15

Ocili, ame ñasi kumue love. Hu lava lava kuosi wenda, kuenje hu nena vali vofeka yilo. Si ku yanduluka toke nda linga eci nda likuminya love.

EFETIKILO 31:3

Yehova yu wa popia la Yakoba hati, Tiukila kofeka yolosekulu viove lokovangandiove, lame ha kala love.

EFETIKILO 35:12

Ofeka yilo nda ecele ku Avirahama kuenda ku Isake ndi yeca kokuove, ndi yecavo kombuto yove yu ku kuãi.

EFETIKILO 39:2

Yehova wa kala la Yosefe kuenje wa linga ukuesumũluho. Wa kala vonjo ya cime caye u Egito.

EFETIKILO 39:21

Puãi Yehova wa kala la Yosefe, wo kuatisa locisola caye ka ci pongoloka, kuenje kalei kokayike wo sola.

EFETIKILO 48:21

Isareli wa popia la Yosefe hati, Tala, ndopo fa puãi Suku o kala love ha ku tiuwiya kofeka yolosekulu viove.

EFETIKILO 50:24

Yosefe wa popia la vahuvaye hati, Ndopo fa, puãi suku u pasuli oku vu upa kofeka yilo, loku vu tuala kofeka a likuminya oku eca ku Avirahama la Isake kuenda Yakoba.

I ASAPULO 16:16

a likuminya la Avirahama, a eca ku Isake loku lisinga,

OLOSAMO 105:8

Oloneke viosi, ndaño kohulukai yovitumbulukila, eye ivaloka ohuminyo yaye, haiyo ondaka a handeleka.

OLOSAMO 105:9

Ohuminyo yaco wa yi likuminya la Avira hama, wa yeca ku Isake loku lisinga,

OLOSAMO 32:8

Hu longisa, hu imbaimba onumbi yonjila wenda. Hu lungula, hu imba ovaso.

OLOSAMO 39:12

A Yehova, yeva ohutililo yange. Vonguila etui kokulitetela kuange. Ku ka likale oku kumbuluila asuelela ange. Momo kokuove ndukombe, ndicingendelei ndeci ca kala votate.

ETUNDILO 2:24

Suku wa yeva okulisiõsiõla kuavo, kuenje Suku wa ivaluka ocisila caye cina a lisila la Avirahama la Isake kuenda Yakoba.

ETUNDILO 3:12

Suku wo kumbulula hati, Puãi ame ñala love, kuenje ondimbukiso yokuti ame muẽle nda ku tuma yeyi: pana okuti wopale omanu vaco ve Egito o fendela Suku komunda yilo.

ETUNDILO 6:4

Nda lisila lavo ocisila cange coku va iha ofeka ya Kanana, haiyo ofeka yokutungayala kuavo omu va kaile ndakombe.

ETUNDILO 6:7

Ndu tambuli okuti vu linga omanu vange kuenje ame ndinga Suku yene. Vu kulĩha okuti ame ndi Yehova Suku yene u wo wupi ovitele via va Egito.

ETUNDILO 6:8

Ndu tuali kofeka nda lisila oku eca ku Avirahama, kuenda ku Isake loku Yakoba; ndu yihi ndocipiñalo cene, ame ndi Yehova.

ISAYA 43:2

Eci o pita vovava ñala kumue love; leci o pita volondui ku vombi. Eci o pita vondalu ku pi, leci o pita vulienge ku kakuiwa.

ISAYA 43:5

Ku ka kuate usumba, momo ñasi kumue love. Njupa ombuto yove kutundilo wekumbi kuenje hu ongoluila kutakelo wekumbi.

MIKA 7:20

O tata Yakoba locili, o kuatela Avirahama ocisola ka ci pongoloka, ndeci wa lisilasila lolosekulu vietu tunde kosiãhũlu.

ATENDELO 23:19

Suku hamunuko okuti o kemba, pamue omõla omunu okuti o pongoloka. Eci a popia ka ci lingi hẽ?

ESINUMUĨLO 1:8

Tala, ofeka yeyi, ndi yeca kokuene. Iñili, kuati ofeka Yehova a lisila lolosekulu viene, Avirahama la Isake kuenda Yakoba, oku yeca kokuavo lokombuto yavo yi va kuãi.

ESINUMUĨLO 34:4

Yehova wa popia laye hati, Oyo ofeka nda likuminya la Avirahama la Isake kuenda Yakoba, siti, Ndi yeca kombuto yove. Nda tava okuti o yi mõla lovaso, puãi ku iñilamo.

VA FILIPOI 4:9

Eci wa lilongisi, leci wa tambuli, leci wa yevi, kuenda eci wa moli kokuange, oco ci lingi. Kuenje Suku yombembua o kala lene.

VA HEVERU 11:9

Omo a kala lekolelo, wa linga ocingendeleyi vofeka yohuminyo, huti ño vofeka yamale. Wa tumala volombalaka kumue la Isake kuenda Yakoba, ovo vakapiñala kumuamue laye kohuminyo yimuamue.

VA HEVERU 6:17

Oco Suku, eci a yongola oku lekisa olumue ku vakapiñala kohuminyo okuti ocipango caye ka ci pongoloka, oco wa lisinga,