EFETIKILO 26:24 - Embimbiliya - Bíblia Sagrada em Umbundu

²⁴ Yehova wo tukulukila uteke waco, wa popia laye hati, Ame ndi Suku ya so Avirahama. Ku ka yokoke, ame muẽle ñasi love, hu sumũluisa. Nduisa ombuto yove, oku ci lingila ukuenje wange Avirahama.

EFETIKILO 26:24 Iomraidhean Croise

EFETIKILO 13:16

Kuenda ombuto yove ndi yi lingisa ndeseke lioposi, ndokuti nda umue o tẽla oku tenda eseke lioposi o tẽlavo oku tenda ombuto yove.

EFETIKILO 15:1

Kovaso yovina evi ondaka ya Yehova yeya ku Avirama vocinjonde yiti, A Avirama, ku ka kuate usumba! Ame ndimbetateli yove; onima yove yi lua cimue.

EFETIKILO 17:7

Ñolisa ocisila nda lisila love lombuto yove yu ku kuãi, kuenda ovitumbulukila viavo, ha ci lingi ocisila ka ci pui. Ndinga Suku yove. Ndingavo Suku yombuto yove yu ku kuãi.

EFETIKILO 17:8

Kokuove lokombuto yove yu ku kuãi ngeca ofeka omu o kasi loku tuñayala, okuti ofeka yosi ya Kanana, ha yi lingi ocipiñalo ka ci pui. Lame ndinga Suku yavo.

EFETIKILO 21:17

Suku yu wa yeva ondaka yomõla. Omunga ya Suku kilu ya vilikiya Hagare yiti, Nye ca ku sumuisa a Hagare? Ku ka yokoke ño. Suku wa yeva uteto womõla pana a kasi.

EFETIKILO 22:17

oco ame hu sumũlũisa cocili. Nduisa ombuto yove ndolombungululu viokilu, pamue ndeseke li kasi pongongo yokalunga, kuenje ombuto yove yi piñala olombundi vianyali vavo.

EFETIKILO 22:19

Avirahama yu wa tiukila kakuenje vaye, kuenje va katuka, va endela pamosi toke ko Bereseva, kuenje Avirahama wa tumãla ko Bereseva.

EFETIKILO 24:12

Yu wa likutilila hati, A Yehova, a Suku ya cime cange Avirahama, nyihe ocitulu etaili. Linga ohenda cime cange Avirahama.

EFETIKILO 28:13

Yehova wa talama kilu liayo, wa linga hati, Ame ndi Yehova, Suku ya sekulu yove Avirahama, haime ndi Suku ya Isake. Osi eyindeti wa pekela ndi yeca kokuove, lombuto yove.

EFETIKILO 28:15

Ocili, ame ñasi kumue love. Hu lava lava kuosi wenda, kuenje hu nena vali vofeka yilo. Si ku yanduluka toke nda linga eci nda likuminya love.

EFETIKILO 28:3

Kuenje Suku Ukuonenewosi a ku sumũluise, a ku ihe ombuto, a ku luise hu lingi ohongele yapata;

EFETIKILO 30:27

Lavane wa popia laye hati, Ndinge ohenda oco mbangule love, momo nda taha kuenje nda limbuka okuti Yehova wa sumũluisa omo ove wa kala lame.

EFETIKILO 31:5

Wa popia lavo hati, Ndete ocipala ca isiene okuti ka ci kasi vali ciwa lame ndeci ca kaile osimbu, puãi Suku ya tate wa kala lame.

EFETIKILO 39:2

Yehova wa kala la Yosefe kuenje wa linga ukuesumũluho. Wa kala vonjo ya cime caye u Egito.

EFETIKILO 39:3

Cime caye wa limbuka okuti Yehova wa kala laye, kuenje cosi a linga, Yehova wa ci sumũluisila peka liaye.

EFETIKILO 46:1

Oco Isareli wa katuka, wa enda la cosi a kala laco, yu weya ko Bereseva kuenje wa lumbila Suku ya isiaye Isake ovilumba.

I OLOSOMA 17:13

Eliya wa popia laye hati, Ku ka yokoke ño. Kuende, linga ndeci wa popia, puãi tete ndingileko ame okambolo, ka nenele, noke lilingila ove lomolove.

ETUNDILO 14:13

Mose yu wa popia lomanu hati, Ko ka yokoki. Kolisiko, oco vu mõla eyovo lia Yehova lina a ko muisa etaili. Momo va Egito vu lete etaili, lalimue eteke vu va mõla vali.

ETUNDILO 3:6

Wa popia vali hati, Ame ndi Suku yaso, haime ndi Suku ya Avirahama la Isake kuenda Yakoba. Mose wa lisitika kocipala omo oku tala Suku co linga usumba.

ISAYA 12:2

Tala, Suku eye eyovo liange. Ñolela kuenje si kuata usumba momo Suku Yehova eye ongusu yange, haeye ocisungo cange kuenje wa linga eyovo liange.

ISAYA 41:10

Ku ka kuate ohele, momo ñasi love. Ku ka yokoke, momo ndi Suku yove! Ame hu kolisa, hu kuatisa; hu kuata leka liange liondio hailio liesunga.

ISAYA 44:2

Yehova, u wa ku lulika, haeye usovoli wove tunde vimo lia nyõho, haeye oñuatisi yove, eye muẽle wa popia hati, Okuenje wange, a Yakoba, a Nolĩwe yange, a Isareli wa soliwa, ku ka kuate usumba.

ISAYA 51:12

Ame, ame ndukuakukulemba; ove elie okuti o kuatela usumba omunu o fa, kuenda omõla omunu o lingiwa ndowangu?

ISAYA 51:7

Njeveleli ene wa kũlĩhi esunga, haene vumanu vovitima viene mu li ovihandeleko viange. Ko ka lulumili oku pembuiwa lomanu, ko ka yokokeli okuimbula kuavo.

ASIÕSUILO 3:57

Eci nda ku vilikiya weya ocipepi. Wa popia huti, Ku ka yokoke.

OVISILA 26:42

oco njivaluka ohuminyo yange la Yakoba, lohuminyo yange la Isake, lohuminyo yange la Avirahama. Njivalukavo ofeka.

OVISILA 26:45

Puãi omo ndi va sole oco njivalukila ocisila nda lisila lolosekulu viavo vina ndopa vofeka ye Egito kovaso olofeka si lingi Suku yavo. Ame ndi Yehova.

MATEO 22:32

Ame Suku ya Avirahama, haime ndi Suku ya Isake, haime ndi Suku ya Yakoba? Suku ha Sukuko yava va fa, te yava va kasi lomuenyo.

LUKA 12:32

Akacunda, ku ka kuate usumba, momo Isiene wa panga oku wihi usoma.

OVILINGA 7:32

Ame Suku yolosekulu viove, ndi Suku ya Avirahama la Isake kuenda Yakoba. Mose wa luluma kuenje ka lukutile vali oku talako.

ESINUMUĨLO 13:17

Lacimue covina via tukuiwila oku nyoliwa cupiwamo lene, okuti onyeño yalua ya Yehova yi tula, o vu linga ohenda, loku vu sola, loku vu luisa. O linga ndeci a lisila lolosekulu viene,

ESINUMUĨLO 31:6

Kolisiko. Kuati utõi, ko ka kuati usumba, ndaño oku va lulumĩla. Momo u endela kumue love eye Yehova Suku yove. Eye ka ku tokoka, ndaño oku ku yanduluka.

VA HEVERU 11:16

Cilo puãi, va yongola ofeka ya velapo ndokuti yokilu. Oco Suku ka kuatele osõi oku tukuiwa Suku yavo, momo wa va angiliyila imbo.

VA HEVERU 13:6

Oco tu tẽlela oku popia lutõi, tuti, Yehova eye oñuatisi yange, si kuata usumba. Omunu hẽ, o ndinga nye?

ESITULUILO 1:17

Eci ndo mola nda kupukila posi kolomãi viaye ndu wa fa. Eye puãi wa ndamba londio yaye, hati, Ku ka yokoke ño. Ame Tete, haime Kuasula,

RUTI 3:11

Kaliye amõlange, ku ka yokoke. Hu lingila cosi o nukuila momo vakuetu vosi vimbo va ku kũliha okuti ove wukãi wocili.