EFETIKILO 24:40 - Embimbiliya - Bíblia Sagrada em Umbundu

⁴⁰ Eye puãi wa popia lame hati, Yehova, una nda sumbila, eye o tuma omunga yaye ha yendi love, haeye o sumuluisa ungende wove; love o nola ukãi womõlange pokati ka vangandiange.

EFETIKILO 24:40 Iomraidhean Croise

EFETIKILO 17:1

Eci Avirama a kala lakui ecea kanyamo ecea, oco Yehova wa limõlehisa kokuaye, wa popia laye hati, Ame ndi Suku Ukuonenewosi. Endaela volonjila viange loku pua evelo.

EFETIKILO 24:56

Eye puãi wa popia lavo hati, Ko ka nateki. Yehova muẽle wa yelisa onjila yange. Ñatuli yapa oco ngende ku cime cange.

EFETIKILO 24:7

Yehova Suku yokilu, u wa njupa konjo ya tate, lokofeka va nyitila, haeye wa popia lame kuenda wa lisila lame, hati, Ombuto yove ndi yavela ofeka yilo, eye o tuma omunga yaye kovaso ove, kuenje oko muẽle o ka sanga ukãi womõlange.

EFETIKILO 48:15

Yu wa sumũluisa Yosefe hati, Suku una olosekulu viange Avirahama la Isake via endaila volonjila viaye, haeye Suku wa songuila omuenyo wange wosi toke ketaili lilo,

EFETIKILO 5:22

Kuenje Enoke wa enda enda la Suku kovaso yoku cita Metusele ovita vitatu kanyamo, yu wa cita cita omãla valume lomãla vakãi.

EFETIKILO 5:24

Enoke yu wa enda enda kumue la Suku kuenje keko momo Suku wo sondolola.

EFETIKILO 6:9

Alo o-o apata a Noha. Eye Noha ukuesunga, haeye wa pua evelo koloneke viaye. Noha wa endaenda la Suku.

I OLOSOMA 2:3

Lava ocikundi ca Yehova Suku yove, loku endela volonjila viaye loku lava ovisila viaye lovihandeleko viaye lovihõlo viaye kuenda ovovangi aye, ndomo ca sonehiwa vovihandeleko via Mose, oco o sumuluhe kovina viosi o linga loku kuosi wendela.

I OLOSOMA 3:6

Salomone wa popia hati, Wa muisa ukuenje wove tate Daviti ohenda yalua, momo wa endaila kovaso ove locili lesunga lesunguluko liutima kokuove. Lopo wo kuatela vali ohenda eyi yinene, momo wa wiha omõla o tumãla kocalo caye, ndomo ci kasi etaili.

I OLOSOMA 8:23

kuenje wa popia hati, A Yehova Suku ya Isareli, ndaño kilu ndaño posi ka kuli Suku wa lisoka love, wukuakulava ocisila, haive wukuahenda ka yi pongoloka lovakuenje vove vana va endaila kovaso ove lutima wavo wosi.

II OLOSOMA 20:3

A Yehova, nda likutilila kokuove. Ivaluka ndeci nda endaila kovaso ove locili kuenda lutima wa sunguluka, loku linga eci ciwa kovaso ove. Kuenje Hesekiya wa lila calua.

OLOSAMO 1:3

Wa linga nduti wa kũliwa kolondui viovava, haiwo wimaima epako liawo kuvo waco. Lemela liawo ka li uwuka. Cosi o linga o sumũlũha laco.

OLOSAMO 16:8

Oloneke viosi ñapa ñapa Yehova kovaso ange. Omo eye o kasi kondio yange si sengiwa.

OLOSAMO 91:11

Momo o ku kundika kovangelo vaye, ha va ku lavi kolonjila viove viosi.

ETUNDILO 23:20

Tala, mitisa kovaso yene ungelo oku vu lava vonjila, loku vu tuala kocitumãlo nda wangiliyili.

ETUNDILO 33:2

Numa ungelo o ku pitila kovaso. Nundisa va Kanana, la va Amori, la va Hiti la va Perisi, la va Hiwi kuenda va Yevusi.

DANIELE 3:28

Nevukandesa wa popia hati, Suku ya Sadrake la Mesake la Aved-Nego a sivayiwe! Wa tuma ungelo waye, wa popela akuenje vaye vo kolela, kuenje va sinila ocihandeleko ca Soma loku eca atimba avo oco ka va ka vumbe ndaño oku fendela osuku yimue yiñi, te lika Suku yavo muẽle.

VA HEVERU 1:14

Havosiko hẽ, aspiritu vakuakuvumba va tumiwila oku vumba ava va piñala eyovo?

ESITULUILO 22:16

Ame Yesu nda tuma kokuene ungelo wange okuti wimbi uvangi wovina evi kakongelo. Ame ndisĩla lia Daviti, haime ndimbuto yaye, haime ndilumbungululu lua tua luomele.

ESITULUILO 22:8

Ame Yoano nda yeva ovina evi haime nda vi mola. Eci nda vi yeva loku vi mola oco nda wila posi oku fendela kolomãi viungelo wa vi ndekisa.