EFETIKILO 24:3 - Embimbiliya - Bíblia Sagrada em Umbundu

³ kuenje ku lisingisa la Yehova, Suku yokilu loposi, okuti ku noli ukãi womõlange pokati komãla vakãi va va Kanana, ava nda tunga lavo.

EFETIKILO 24:3 Iomraidhean Croise

EFETIKILO 14:19

Yu wo sumũluisa hati, Avirama a sumũluisue la Suku Fũ, Usovoli wilu losi;

EFETIKILO 14:22

Avirama wa kumbulula Soma va Sodoma hati, Nda lisila la Yehova Suku Fũ, Usovoli wilu losi,

EFETIKILO 21:23

oco lisinga vonduko ya Suku okuti ku ñembi ame, ndaño omõlange, ndaño onekulu yange; puãi ndeci nda ku linga ove ohenda haico ove o ndinga ame ohenda, loku lingavo ohenda ofeka wa tumãlamo ndulungi.

EFETIKILO 24:7

Yehova Suku yokilu, u wa njupa konjo ya tate, lokofeka va nyitila, haeye wa popia lame kuenda wa lisila lame, hati, Ombuto yove ndi yavela ofeka yilo, eye o tuma omunga yaye kovaso ove, kuenje oko muẽle o ka sanga ukãi womõlange.

EFETIKILO 27:46

Rebeka yu wa popia la Isake hati, Omuenyo wange wa ñuma omo ñasi lakãi vaco va Hiti. Yakoba nda lahevo o kuela ukãi u Hiti okuti ukuafeka yilo ndava, omuenyo wange u sumũluha ndati?

EFETIKILO 28:1

Oco Isake wa kovonga Yakoba kuenje poku u sumũluisa wo handeleka hati, Ku ka kuẽle ukãi u Kanana.

EFETIKILO 28:8

Eci Esau a limbuka okuti isiaye Isake ka solele akãi va Kanana,

EFETIKILO 34:9

Tu likuẽleli, tu ihi omãla vene vakãi; tambulivo omãla vetu vakãi.

EFETIKILO 38:2

Omo Yuda a muĩla omõla ufeko wu Kanana umue, onduko yaye Siuwa, wo kuẽla kuenje wa litokeka laye.

EFETIKILO 47:31

Isareli wa linga hati, Liñuminye yapa; kuenje wo likuminya. Isareli yu wa kunamela konondovitue yula.

EFETIKILO 50:25

Oco Yosefe wa likuminya lomãla va Isareli hati, Suku u pasuli muẽle, lene wambati akepa ange oku tunda lao kulo.

EFETIKILO 6:2

oco omãla va Suku valume va mõla omãla vomanu vakãi okuti va posoka, kuenje va nola oku kuela ava va sola ca velapo.

EFETIKILO 6:4

Koloneke viaco kua kaile ovindululu kilu lieve, lokovaso yaco haico, eci omãla va Suku valume va litokeka lomãla vomanu vakãi kuenje va cita lavo omãla. Ovo haivo olonoi vina viosiahũlu kuenda haivo ovalume va kemãla.

II OLOSOMA 19:15

Hesekiya wa likutilila ku Yehova hati, A Yehova Suku ya Isareli, ukuakutumala pokati ka vakeruvi, ove lika, ove Suku yovosoma osi okilu lieve, haive wa panga ilu losi.

II ASAPULO 2:12

Hurama wa popiavo hati, Yehova, Suku ya Isareli, a sivayiwe, u wa panga ilu losi. Wa eca ku Soma Daviti omõla ukualondunge, wa lunguka haeye ukuovanga, o tungila Yehova onembele kuenda o tungavo eyemba liaye muẽle.

ESERA 5:11

Ovo va kumbulula vati, Etu tuakuenje va Suku yovailu losi. Tu kasi loku tumbulula onjo yilo ya tungiwile konyima yanyamo alua, ya tungiwile losoma yimue yinene ya va Isareli.

NEHEMIYA 13:25

Oco nda litamalala lavo yu nda va siñala. Vamue nda va puma loku sunya ocifuko cavo. Kuenje nda va pangisa oku lisila la Suku okuti ka va kuelisa vali omãla vavo vakãi lomãla valume va vakualofeka, ndaño oku kuelisa omãla vavo valume lomãla vavo vakãi, ndaño ovo muẽle oku likuela la vakualofeka.

NEHEMIYA 9:6

Esera wa popia hati, Ove, ove lika, u Ñala. Ove wa tunga ilu lilu liovailu, lolombungululu viosi vi kasiko; haive wa tunga oluali lovina viosi vi kasimo, kuenda okalunga lovina viosi vi kasimo. Ove o vi tata tata ha vi kala kala lomuenyo. Avanda osi okilu a ku fendaila.

OLOSAMO 115:15

Yehova, u wa lulika ilu longongo, o sumũlũisi.

OLOSAMO 136:26

Panduli Suku ukuailu, momo ohenda yaye ka yi pui.

ETUNDILO 20:7

Ku ka tukule onduko ya Yehova Suku yove lesanda, omo Yehova ka yowisa u o tukula onduko yaye lesanda.

ETUNDILO 22:11

oku lisinga la Yehova ku kala pokati kavo nda okuti eye muẽle ka nyañuile ovipako viukuavo leka liaye. Muẽle yaco o tava, oco ka ci piñainyuapo.

ETUNDILO 23:13

Ovina viosi nda popia lene lunguki lavio. Ka ci tava oku tukula olonduko violosuku viñi. Ka vi ka yevalele vimẽla viene.

ETUNDILO 34:16

kuenje o kuelisa omãla vove valume lomãla vavo vakãi, lomãla vavo vakãi poku linga ukahonga lolosuku viavo, va tiamisa omãla vove valume koku linga ukahonga lolosuku viavo.

ISAYA 45:23

Nda ci lisila ame muẽle. Vomẽla wange mua tunda ondaka yocili kuenje ka yi tiukilamo, yiti, Olongolo viosi vi ñekamẽla lalimi osi a lisila londuko yange.

ISAYA 48:1

Anjo ya Yakoba, yevelela. Ene wa tukuiwi londuko ya Isareli, kuenda wa tundi kocikoti ca Yuda; haene vu lisinga londuko ya Yehova, loku tukula Suku ya Isareli, puãi halociliko, pamue lesunga.

ISAYA 65:16

Oco u o likutilila okuti esumũlũho liya vofeka, o likutilila ku Suku yocili. Kuenje wosi o kasi vofeka eci o lisinga, o lisinga la Suku yocili. Momo olohali viosiahũlu via ivaliwa, kuenje via sitikiwa kovaso ange.

YEREMIYA 10:11

Popi lavo hoti, Olosuku vina ka via sowile ilu losi vi taka kilu lieve kuenda vemi lilu.

YEREMIYA 12:16

Kuenje ci kala okuti, nda va lilongisa ovituwa viomanu vange loku lisinga londuko yange vati, Ndomo Yehova a kasi lomuenyo, ndeci ale va longisile omanu vange oku lisinga la Baale, oco noke va tungisiwa pokati komanu vange.

YEREMIYA 29:6

Kueli akãi ho citi omãla valume lomãla vakãi. Lombi akãi vomãla vene valume ha va citi omãla valume kuenda omãla vakãi. Eci omãla vene vakãi kalume ha va citi omãla valume kuenda omãla vakãi. Luiliko. Ko ka tepuluki.

YEREMIYA 4:2

kuenje nda o lisila huti, Ndeci Yehova o kasi lomuenyo,— nda o ci lisila muẽle locili, lesunga kuenda esunguluko, oco olofeka vi sumulũhĩla kokuaye, kuenje kokuaye oko vi muila ulamba. Oco ca popia Yehova.

OVISILA 19:12

Ko ka lisingi londuko yange loku kemba, loku sama onduko ya Suku yove. Ame ndi Yehova.

SOFONIYA 1:5

vana okuti kovailu olonjo va kekamẽla olombungululu viokilu; va kekamẽla Yehova loku lisila laye, puãi haimo va lisilavo la Milikome.

ATENDELO 5:21

oco ocitunda ci lisingisa vali ukãi citi, Yehova a ku yukisa vovimela viomanu loku pembuiwa eci Yehova a fuvisa ocikalo cove loku lendisa imo liove.

I VA KORINDO 7:39

Ukãi wa pandekiwa osimbu veyaye a kasi lomuenyo. Nda puãi veyaye wa fa ukãi o panduluiwa okuti ci tava oku kueliwa lu a yongola, puãi te oku kueliwa vu Ñala.

ESINUMUĨLO 10:20

Sumbila Yehova, Suku yove, loku u vumba, eye u kakatela, loku lisila londuko yaye.

ESINUMUĨLO 6:13

Sumbila Yehova Suku yove; eye o vumba; kuenje oku lisila, lisila londuko yaye.

VA HEVERU 6:16

Momo omanu oku lisinga va lisingasinga lumue wa va velapo, kuenje, kolonamalala viavo viosi, okulisinga oko ku teta onimbu.

YEHOSUA 2:12

Kaliye ndu pingi, lisili lame vonduko ya Yehova, okuti ndeci ame ndo lingi ohenda, haico vu lingilavo epata lia tate ohenda. Kuenda nyihi ondimbukiso yocili,

LIOLONGANJI 14:3

Kaliye ko njupili, ha lingi ukãi wange. Oco isiaye la inaye va popia laye vati, Oco nga, pokati kafeko va vangandiove lopokati komanu vetu vosi, ka pali ukãi? Ci yongola hẽ oku ka sanda ukãi koviyamba viaño va Filisiti? Puãi Samisone wa popia la isiaye hati, Ko njupile, momo eye wa njela kutima.

I SAMUELE 20:17

Oco Yonatão wa pilika Daviti oku lisila vali laye ocisila cocisola o kuatela, momo wo sola ndomo a sola omuenyo waye muẽle.

I SAMUELE 30:15

Oco Daviti wo pula hati, O tava oku songuila kohoka yaco ale? Eye hati, Lisila la Suku okuti ku njipaya pamue oku ngeca povaka a cime cange kuenje hu songuila kohoka yaco.