EFETIKILO 24:27 - Embimbiliya - Bíblia Sagrada em Umbundu

²⁷ hati, Pandu pandu ku Yehova, Suku ya cime cange Avirahama, momo ka liwekeleko oku linga cime cange ohenda loku u tẽlisila olohuminyo viaye. Ame, Yehova wa songuila vonjila yokonjo ya manja a cime cange.

EFETIKILO 24:27 Iomraidhean Croise

EFETIKILO 13:8

Avirama yu wa popia la Lote hati, Ka pa ka kale ño uyaki pokati kange love, pamue pokati kangombo vange langombo vove, momo etu tusitue.

EFETIKILO 14:20

Suku Fũ a sivayiwe momo wa eca anyali vove peka liove. Kuenje Avirama wa wiha onepa yekui yovina viosi.

EFETIKILO 24:12

Yu wa likutilila hati, A Yehova, a Suku ya cime cange Avirahama, nyihe ocitulu etaili. Linga ohenda cime cange Avirahama.

EFETIKILO 24:21

Ulume yu wo vanja suĩ, kuenje woha ño ha kũlihisa nda hẽ Yehova wa sumũlũisa ungende waye nda ndati.

EFETIKILO 24:4

Puãi wenda koluse luange, ku vangandiange, oko o ka vanjela ukãi womõlange Isake.

EFETIKILO 24:42

Kuenje etali eci ndeya kocisimo nda likutilila siti, A Yehova, a Suku ya cime cange Avirahama, nda wa tava oku sumũluisa ungende wange ñasi oku endela,

EFETIKILO 24:48

Oco nda petamako, nda fendela Yehova, nda sivaya Suku ya cime cange Avirahama, una wa ndekisa onjila yocili yoku sanga ku vangandi a cime cange ukãi womõlaye.

EFETIKILO 32:10

Sia sesamẽlele ndaño naito ocisola cove ka ci pongoloka. Sia sesamẽlele muẽle esunga wa ndingila, ame ndukuenje wove. Olui lulo Yordão, nda lu yoka lombueti yange. Cilo nda linga olohoka vivali.

EFETIKILO 32:11

Mopele peka lia huvange Esau, momo ndu kuetele usumba, sanga iya o njipaya, lame la vainaco lotumãla.

EFETIKILO 9:26

Wa popiavo hati, Semi a sumuluisue la Yehova, Suku yange. Kanana a linge ukuenje waye.

II SAMUELE 18:28

Ahimasi wa sapuila Soma hati, Ñasi loku iya lombembua. Oco wa petamela posi kovaso a Soma kuenje hati, Yehova Suku a pandiyiwe omo wa yula alume vana va katukila cime cange Soma.

OLOSAMO 100:5

Momo Yehova uwa. Ocisola caye ka ci pui cenda ño-o hũ. Ocili caye cenda ño-o kovitumbulukila viosi.

OLOSAMO 68:19

Panduli Yehova, u o tu ambatela ocilemo cetu eteke keteke. Suku eye eyovo lietu.

OLOSAMO 98:3

Wa ivaluka ocisola caye ka ci pui kuenda ocili caye cokepata lia Isareli. Asukiyo osi oluali a mõla eyulo lia Suku yetu.

ETUNDILO 18:10

Yetiro wa linga hati, Yehova a pandiyiwe, una wo popeli peka lia va Egito kuenda Fareo.

ETUNDILO 2:11

Eteke limue eci Mose a kula wa ka pasuile vangandiaye, kuenje wa mõla ovilemo viavo, wa mõlavo u Egito o tipula umue ngandiaye u Heveru.

ETUNDILO 2:13

Omele yaco eci a endako vali wa mõla alume vavali va Heveru va liyaka. Wa pula u wa valula ukuavo hati, O tipuila nye ukuẽle?

ETUNDILO 34:6

Yehova wa vinjuka kovaso yaye, wa imba ondaka hati, Yehova, Yehova Suku yohenda, ukuacali, ukuakulivala konyeño, ukuacisola calua haeye ukuacili,

OLOSAPO 3:6

U sumbila kolongenda viove viosi, kuenje eye o suñamisa olonjila viove.

OLOSAPO 8:20

Ame ngendaila vonjila ya suñama, lovalila a sunguluka,

MIKA 7:20

O tata Yakoba locili, o kuatela Avirahama ocisola ka ci pongoloka, ndeci wa lisilasila lolosekulu vietu tunde kosiãhũlu.

LUKA 1:68

Yehova, Suku ya Isareli, a sivayiwe, momo wa vanja komanu vaye kuenje wa va yovola.

YOANO 1:17

Momo ovihandeleko via eciwa la Mose, puãi ocali locili vieya la Yesu Kristu.

VA EFESO 1:3

Suku, Isia ya Ñala yetu Yesu Kristu, a sivayiwe! Wa tu sumũlũisila vu Kristu lasumũlũho osi Espiritu a tunda kilu.

I TIMOTEO 1:17

Kaliye ku Soma yonahũlũlua, haeye ka fi, haeye ka muiwa muiwa, haeye lika Suku, ku kale esumbilo lulamba toke koloneke vi enda ño-o hũ ka vi pui. Amene.

RUTI 4:14

Oco akãi va popia la Naomi vati, Yehova a sivayiwe, omo etaili lilo ka ku sile ño omo, omõla lakamue. Onduko yaye yi kemãle vo Isareli.

I SAMUELE 25:32

Daviti yu wa popia la Avigaile hati, Yehova, Suku ya va Isareli, una wa ku tuma kokuange etali, a pandiyiwe.

I SAMUELE 25:39

Eci Daviti a yeva okuti Nabala wa fa wa popia hati, a Yehova pandiyiwe una wa fetuluinya ondaka yoku nondala yina ya popia Nabala, haeye wa tiula ukuenje waye koku linga cĩvi. Yehova wa fetuluinya ovilinga vivi via linga Nabala, wa vi tiula kokuaye. Oco Daviti wa tuma oku vangula la Avigaile okuti o linga ukãi waye muẽle.