EFETIKILO 24:12 - Embimbiliya - Bíblia Sagrada em Umbundu

¹² Yu wa likutilila hati, A Yehova, a Suku ya cime cange Avirahama, nyihe ocitulu etaili. Linga ohenda cime cange Avirahama.

EFETIKILO 24:12 Iomraidhean Croise

EFETIKILO 15:1

Kovaso yovina evi ondaka ya Yehova yeya ku Avirama vocinjonde yiti, A Avirama, ku ka kuate usumba! Ame ndimbetateli yove; onima yove yi lua cimue.

EFETIKILO 24:21

Ulume yu wo vanja suĩ, kuenje woha ño ha kũlihisa nda hẽ Yehova wa sumũlũisa ungende waye nda ndati.

EFETIKILO 24:27

hati, Pandu pandu ku Yehova, Suku ya cime cange Avirahama, momo ka liwekeleko oku linga cime cange ohenda loku u tẽlisila olohuminyo viaye. Ame, Yehova wa songuila vonjila yokonjo ya manja a cime cange.

EFETIKILO 24:42

Kuenje etali eci ndeya kocisimo nda likutilila siti, A Yehova, a Suku ya cime cange Avirahama, nda wa tava oku sumũluisa ungende wange ñasi oku endela,

EFETIKILO 24:48

Oco nda petamako, nda fendela Yehova, nda sivaya Suku ya cime cange Avirahama, una wa ndekisa onjila yocili yoku sanga ku vangandi a cime cange ukãi womõlaye.

EFETIKILO 26:24

Yehova wo tukulukila uteke waco, wa popia laye hati, Ame ndi Suku ya so Avirahama. Ku ka yokoke, ame muẽle ñasi love, hu sumũluisa. Nduisa ombuto yove, oku ci lingila ukuenje wange Avirahama.

EFETIKILO 27:10

hu tuala ku so ha li, oco a ku sumũluise osimbu ka file.

EFETIKILO 27:20

Isake yu wa popia lomõlaye hati, Ndopo wa enda yapa, wa ka ipaile ale amõlange? Eye hati Momo Yehova Suku yove wa nyiha ocitulu.

EFETIKILO 28:13

Yehova wa talama kilu liayo, wa linga hati, Ame ndi Yehova, Suku ya sekulu yove Avirahama, haime ndi Suku ya Isake. Osi eyindeti wa pekela ndi yeca kokuove, lombuto yove.

EFETIKILO 31:42

Nda Suku ya tate, haeye Suku ya papakulu Avirahama, una wa sumbiwa la Isake, ka kaile lame, ove nda wa nundisa upolokoso. Suku wa vanja kohali yange lo kupange wovaka ange, kuenje wa ku lemẽla uteke.

EFETIKILO 32:10

Sia sesamẽlele ndaño naito ocisola cove ka ci pongoloka. Sia sesamẽlele muẽle esunga wa ndingila, ame ndukuenje wove. Olui lulo Yordão, nda lu yoka lombueti yange. Cilo nda linga olohoka vivali.

EFETIKILO 32:9

Yakoba yu wa likutilila hati, A Suku ya sekulu yange Avirahama haive Suku ya tate Isake, a Yehova, ove wa mañinya huti, Tiukila kofeka yene lo kusitue wove kuenje hu sumũluisa.

EFETIKILO 43:14

Suku Ukuonenewosi o muisi ohenda kulume waco ndokuti o ko panduluili manjene ukuavo la Benjamini. Nda nda nyẽhiwa omãla vange, sumua enene.

I OLOSOMA 18:36

Oco kowola yocilumba coñolosi, uprofeto Eliya wamako kuenje hati, A Yehova Suku ya Avirahama la Isake la Isareli, etaili ci kulihiwe okuti ove Suku kIsareli, kuenda okuti ame ndukuenje wove kuenda vali okuti ovina evi viosi nda vi linga ndondaka yove.

II OLOSOMA 2:14

Wa kuata onanga ya Eliya yoku livatula, yina yo lokile, wa yi veta kovava kuenje hati, Yehova Suku ya Eliya o kasi pi? Oco, eci a veta kovava, ovava a litepa pokati nele la nele. Elisia wa yoka.

NEHEMIYA 1:11

A Yehova, etui liove li yevelele ohutililo yukuenje wove leyi yakuenje vove vosi va sole oku sumbila onduko yove. Sumulũisa ukuenje wove etali. U linga ohenda kovaso omunu u. Ca kala okuti kotembo yaco ame ndukuakopo ya Soma.

NEHEMIYA 2:4

Soma yu wa mula hati, Nye o yongola puãi? Oco nda likutilila ku Suku yokilu.

OLOSAMO 118:25

Tu popele, a Yehova. Tua livondela muẽle. A Yehova, tua livondela, tu salalise.

OLOSAMO 122:6

Likutilili ombembua ya Yerusalãi. Ava va ku sole va sumũlũhe.

OLOSAMO 127:1

Nda Yehova ka tungisa onjo olomesele vi likavisa ño. Nda Yehova ka silamẽla imbo ukuakulendela o likavisa ño loku lava.

OLOSAMO 37:5

Kundika ku Yehova onjila yove. U kolela, kuenje eye o ci linga.

ETUNDILO 3:15

Suku wa popia vali la Mose hati, Sapuilavo va Isareli, huti, Yehova, Suku yolosekulu viene, haeye Suku ya Avirahama la Isake kuenda Yakoba, eye wa numa kokuene. Onduko yaco oyo yi linga onduko yange otembo ka yi pui, haiyo ovitumbulukila viosi vi njivalukila.

ETUNDILO 3:6

Wa popia vali hati, Ame ndi Suku yaso, haime ndi Suku ya Avirahama la Isake kuenda Yakoba. Mose wa lisitika kocipala omo oku tala Suku co linga usumba.

OLOSAPO 3:6

U sumbila kolongenda viove viosi, kuenje eye o suñamisa olonjila viove.

MATEO 22:32

Ame Suku ya Avirahama, haime ndi Suku ya Isake, haime ndi Suku ya Yakoba? Suku ha Sukuko yava va fa, te yava va kasi lomuenyo.

VA FILIPOI 4:6

Lacimue ko ka ci kuateli ohele, puãi kovina viosi apingilo ene a sapuiwe ku Suku lolopandu volohutililo viene lalombelo ene.