EFETIKILO 22:6 - Embimbiliya - Bíblia Sagrada em Umbundu

⁶ Avirahama wa yelula olohui viocilumba coku pia elisi, wa vi tuika omõlaye Isake; eye wa yenjeka peka liaye ondalu lomoko yaco; kavali kavo va endela pamosi.

EFETIKILO 22:6 Iomraidhean Croise

EFETIKILO 22:5

Oco Avirahama wa popia lakuenje vaye hati, Ene siali palo locimbulu;; ame lumãlehe tu amako toke okondoto; tu ka fendela, noke tu tiuka vali kokuene.

II OLOSOMA 2:6

Eliya wa popia laye hati, Hu pinga, siala kulo. Momo Yehova wa numa ko Yordão. Eye hati, La Yehova o kasi lomuenyo, lutima wove u kasi lomuenyo, si litepi love! Oco kavali kavo vamako.

ISAYA 53:6

Etu vosi tua tungayala ndolomeme, u lonjila yaye, u lonjila yaye. Kuenje Yehova wo lundika evĩho lietu liosi.

MATEO 8:17

Ca lingiwila okuti eci ca popia uprofeto Isaya ci tẽlisua, cokuti, Wa likapela okuvela kuetu, haeye wa ambata ovoveyi etu.

YOANO 19:17

Oco va enda la Yesu. Eye wa tunda, wa ambata ekulusu eye muẽle. Wa enda lalio toke kokawulu ka tukuiwa Ekõlõkõlo, puãi velimi lia Heveru ka tukuiwa Gongota.

I PETULU 2:24

Eye muẽle wa tu ambatela akandu etu vetimba liaye eci lia valeliwila kekulusu. Wa ci lingila okuti eci tua fa kakandu, oco tu kuata omuenyo kuenje tu litumbikila oku linga esunga, Wa sakuiwi lovisimbimbi viaye.