EFETIKILO 22:4 - Embimbiliya - Bíblia Sagrada em Umbundu

⁴ Keteke liatatu Avirahama wa petula ovaso aye, wa muĩla kupãla omunda ya tukuiwa.

EFETIKILO 22:4 Iomraidhean Croise

EFETIKILO 22:3

Avirahama yu wa pasuka ociteketeke, wa mãlehisa ocimbulu caye, wambata vamue vavali pakuenje vaye, kuenda omõlaye Isake; wa tiaña olohui viocilumba coku pia elisi, wa katuka, wa enda okundeti Suku wo sapuila.

EFETIKILO 22:5

Oco Avirahama wa popia lakuenje vaye hati, Ene siali palo locimbulu;; ame lumãlehe tu amako toke okondoto; tu ka fendela, noke tu tiuka vali kokuene.

II OLOSOMA 20:5

Tiuka, popia la Hesekiya, ombiali yomanu vange, huti, Ca popia Yehova, Suku ya so Daviti, ceci, hati, Nda yeva ohutililo yove. Nda mõla asuelela ove. Tala, hu kayisa. Keteke liatatu o lamanela konjo ya Yehova.

ESTER 5:1

Oco keteke liatatu Ester wa wala uwalo waye wu Inakulu kuenje wa talama vocindumba covokati conjo ya Soma, kovaso yocitumãlo ca Soma. Soma wa tumãla kocalo caye velombe kovaso yuvelo wocitumãlo.

ETUNDILO 15:22

Mose wa songuila va Isareli. Va tunda ko Kalunga Kakusuka kuenje va iñila vekalasoko lia Siuri. Va enda oloneke vitatu vekalasoko kuenje ka va sangele ovava.

ETUNDILO 19:11

Va liangiliyile eteke liatatu. Momo eteke liatatu Yehova o lokila komunda Sinai kovaso omanu vosi.

ETUNDILO 19:15

Wa sapuila omanu hati, Liangiliyili eteke liatatu. Ko ka litokeki lakãi.

ETUNDILO 5:3

Ovo va linga vati, Suku ya va Heveru wa lisanga letu. Va tu ece, tu ende vekalasoko atulo atatu, tu ka lumbile Yehova Suku yetu ovilumba sanga o tu lowila efengi pamue osipata.

HOSEA 6:2

Kovaso yoloneke vivali o tu tumbulula. Keteke liatatu o tu pindula okuti tu kala lomuenyo kovaso aye.

OVISILA 7:17

Puãi ositu yocitundasonde yina yi selekiwa toke keteke liatatu yi yokiwa londalu.

ATENDELO 10:33

Oco va tunda komunda ya Yehova kuenje va enda ungende woloneke vitatu. Loloneke viaco vitatu ocikasia covisila via Yehova ca va pitila kovaso, oku sanda apa va puyukila.

ATENDELO 19:12

Keteke liatatu kuenda keteke liepanduvali o yua vovava aco. Kovaso yaco wa yela. Puãi nda keteke liatatu kuenda keteke liepanduvali ka yui ka tẽla oku yela.

ATENDELO 19:19

Kuenda vali keteke liatatu leli liepanduvali u wa yela o nyila u wa vĩhĩsua, okuti keteke liepanduvali u wa yela o mãla oku yelisa u wa vĩhĩsua. Noke u wa vĩhĩle o sukula uwalo waye, o yua, kuenje koñolosi wa yela.

ATENDELO 31:19

Tungili ocilombo cene kofeka. Kaliko oloneke epanduvali. Wosi wa ipãla omunu, pamue wa lamba kocivimbi, a liyelise loku yelisa olohute viaye keteke liatatu lo keteke liepanduvali.

MATEO 17:23

Vo wipa, puãi eteke liatatu o pinduka. Kuenje via sumua ca lua.

LUKA 13:32

Yu wa popia lavo hati, Kuendi, ka sapuili okambulu kaco okuti etaili la hẽla nundisa ovilũlu kuenda sakula, eteke liatatu oco malusula.

I VA KORINDO 15:4

Wa kendiwa. Wa pinduiwa veteke liatatu, ndeci ca tukula ovisonehua.

YEHOSUA 1:11

Ñuali vocilombo. Sapuili omanu hoti, Angiliyi olohuta, momo kovaso yoloneke vitatu vu yoka olui olu Yordaõ, oco wendi oku kuata ofeka yina Yehova Suku yene a wihi ha yi lingi yene.

I SAMUELE 26:13

Daviti wa enda konele yikuavo, wa talama kilu liomunda yimue ya kala kupãla. Pokati kavo pa kala ocivanja cinene.