EFETIKILO 22:17 - Embimbiliya - Bíblia Sagrada em Umbundu

¹⁷ oco ame hu sumũlũisa cocili. Nduisa ombuto yove ndolombungululu viokilu, pamue ndeseke li kasi pongongo yokalunga, kuenje ombuto yove yi piñala olombundi vianyali vavo.

EFETIKILO 22:17 Iomraidhean Croise

EFETIKILO 12:2

Hu lingisa ofeka yinene; hu sumũlũisa; ñemalisa onduko yove okuti omanu va ku sumũlũhila.

EFETIKILO 13:16

Kuenda ombuto yove ndi yi lingisa ndeseke lioposi, ndokuti nda umue o tẽla oku tenda eseke lioposi o tẽlavo oku tenda ombuto yove.

EFETIKILO 15:5

Oco wo tundisila posamua, wa popia laye hati, Vanja handi kilu, tenda olombungululu nda o ci tẽla oku vi tenda. Kuenje wo sapuila hati, Haico ci kala ombuto yove.

EFETIKILO 17:6

Ame hu muisa ombuto ya lua cimue; hu lingisa olofeka; olosoma vi tunda kokuove.

EFETIKILO 24:60

Va sumuluisa Rebeka, va popia laye vati, Ove a mukãi wetu, ka linge onjali yolohulukãi violohuluwa. Ombuto yove yi kuate olombundi viovanyali vavo.

EFETIKILO 25:11

Kovaso yokufa kua Avirahama, Suku wa sumuluisa omõlaye Isake. Isake wa tumãla ko Bere-lahai-roi.

EFETIKILO 26:24

Yehova wo tukulukila uteke waco, wa popia laye hati, Ame ndi Suku ya so Avirahama. Ku ka yokoke, ame muẽle ñasi love, hu sumũluisa. Nduisa ombuto yove, oku ci lingila ukuenje wange Avirahama.

EFETIKILO 26:4

kuenje nduisa ombuto yove ndolombungululu viokilu. Ngeca kombuto yove olofeka evi viosi, okuti olofeka viosi viokilu lieve vi sumũluhila kombuto yove.

EFETIKILO 28:3

Kuenje Suku Ukuonenewosi a ku sumũluise, a ku ihe ombuto, a ku luise hu lingi ohongele yapata;

EFETIKILO 28:4

a ku muise ove esumũluho lia Avirahama, lombuto yove, hu lingi kapiñala kofeka yilo yulungi, eyi Suku a eca ku Avirahama.

EFETIKILO 32:12

Ove puãi wa likuminya huti, Hu sumũluisa, lombuto yove ndi yi lingisa ndeseke liokalunga ka litava oku tendiwa omo okulua kualio kua lua enene.

EFETIKILO 32:13

Oko Yakoba a pekela uteke waco, kuenje wa tepa kovina a enda lavio ombanjaile ya huvaye Esau, yokuti

II SAMUELE 17:11

Ondaka yange puãi, yeyi, Va Isareli vosi, tunde ko Dani toke ko Bereseva, vongolokele kokuove. Kokulua va ka soka leseke liokalunga. Love wendavo kocilunga.

I OLOSOMA 4:20

Yuda la Isareli va linga va lua ndeseke liokonele yokalunga. Va lialia, va nyuanyua, kuenda va yolela.

I OLOSOMA 9:26

Soma Salomone wa tunga olonaviyu kEciongevere, konele ya Eloti, kocikulo co Kalunga Kakusuka, vofeka ya Edome.

I ASAPULO 27:23

Puãi vakuanyamo akui avali lava ka va pitililemo, Daviti ka va tendele momo Yehova wa popele hati, Ndi luisa Isareli ndolombungululu viokilu.

II ASAPULO 1:9

Kaliye, a Yehova Suku, ohuminyo yove ku tate Daviti yi lemuluhe, momo wa ndingisa Soma yepata lialua ndoneketela yoposi.

NEHEMIYA 9:23

Kuenje wa luisa omãla vavo ndolombungululu viokilu yu wa va nena kofeka yina wa likuminyile lolosekulu viavo okuti va ka iñilamo oku yi kuata.

ETUNDILO 32:13

Ivaluka akuenje vove Avirahama, la Isake kuenda Isareli, vana wa lisila lavo londuko yove yi kola. Wa popia lavo huti, Nduisa ombuto yene ndolombungululu viokilu. Ngeca ofeka yilo yosi kombuto yene ndeci nda likuminya. Va yi piñala otembo ka yi pui.

ISAYA 48:19

ombuto yove nda ya lingile ndeseke, omãla vovimo liove ndeseke lia lua; onduko yove nda ka yi takata pamue oku nyolẽhẽla kovaso ange.

YEREMIYA 32:22

kuenje wa va iha ofeka yilo haiyo ofeka ya siata asenjele kuenda owiki. Wa va yiha ndeci wa likuminya lolosekulu viavo oku va iha.

YEREMIYA 33:22

Nduisa ombuto yukuenje wange Daviti, leyi yovitunda via va Lewi va mbumba mbumba, okuti yi lisoka lolombungululu viokilu ka vi tendiwa, pamue leseke liokalunga ka li yongiwa.

HOSEA 1:10

Kaimo omãla va Isareli va ka lua ndeseke liokalunga, okuti oku li yonga ka ci tava, ndaño oku li tenda. Kuenje kuna va sapuililue hati, Hamanuvangeko, haiko va sapuilua vali, hati, Vumãla va Suku yomuenyo.

HOSEA 2:1

Tukula manjove ulume huti, Omanuvange, kuenda manjove ukãi huti, Wasangohenda.

MIKA 1:9

Omo apute aye ka a sakuiwa, a sambukila ale Yuda, a pitila kombundi yomanu vange, ta ko Yerusalãi.

VA ROMA 4:13

Momo ohuminyo yina yeya ku Avirahama lo kombuto yaye yokuti o linga kapiñala koluali, ka yeyililile oku pokola kovihandeleko, puãi yeyilila esunga li tunda kekolelo.

VA ROMA 9:27

Isaya layevo oco a tukuila Isareli lolukandi hati, A Isareli, ndaño omanu vove va soka ndeseke liokalunga, ocisupe cavo lika ci popeliwa.

I VA KORINDO 15:57

Pandu pandu ku Suku u o tu muisa oku yula la Mitakati Yesu Kristu, Ñala yetu.

VA EFESO 1:3

Suku, Isia ya Ñala yetu Yesu Kristu, a sivayiwe! Wa tu sumũlũisila vu Kristu lasumũlũho osi Espiritu a tunda kilu.

ESINUMUĨLO 1:10

Yehova, Suku yene, wo luisi, kuenje tala, kowiñi wene etaili vu kasi ndolombungululu viokilu.

ESINUMUĨLO 1:11

Yehova, Suku yolosekulu viene, o luisi vali ohulũkãi yolonjanja, loku u sumũluisi ndeci a likuminya lene!

ESINUMUĨLO 10:22

Olosekulu viene via lokile ke Egito lakuĩ epanduvali komanu. Kaliye puãi Yehova, Suku yene, wa luisa owiñi wene, toke wa soka ndowu wolombungululu viokilu.

ESINUMUĨLO 13:17

Lacimue covina via tukuiwila oku nyoliwa cupiwamo lene, okuti onyeño yalua ya Yehova yi tula, o vu linga ohenda, loku vu sola, loku vu luisa. O linga ndeci a lisila lolosekulu viene,

ESINUMUĨLO 13:18

nda vu yeva ondaka ya Yehova, Suku yene, loku pokola kovihandeleko viaye, evi ñasi loku u wihi etaili, loku linga eci ca sunguluka ke Yehova, Suku yene.

ESINUMUĨLO 21:19

oco isiaye la inaye vo kuata kuenje vo tuala kolosekulu vimbo liavo, kepandavelo liaco.

VA HEVERU 11:12

Oco komunu umuamue, haeye wa soka ndu wa fa, kua tunda ombuto ndolombungululu via lua, ndeseke liopalaya yokalunga ka ci tava oku li tenda.

VA HEVERU 6:14

Wa likuminya hati, Oku ku sumũlũisa, hu sumũlũisa muẽle, oku ku luisa, hu luisa.

ESITULUILO 11:15

Oco ungelo wepanduvali wa sika olumbeta, kuenje kilu kua yevala olondaka vinene, viti, Uviali woluali wa linga uviali wa Suku yetu kuenda wa Kristu waye. Eye o viala oloneke vi enda ño-o hũ, ka vi pui.