EFETIKILO 22:12 - Embimbiliya - Bíblia Sagrada em Umbundu

¹² Yiti, Ku koluĩle omõla eka liove. Ku ko linge vali cimue. Ocili cilo ndimbuka okuti wa sumbila Suku, kuenje kua nimĩlile omõlove wongunga.

EFETIKILO 22:12 Iomraidhean Croise

EFETIKILO 20:11

Avirahama wa kumbulula hati, Nda ci lingila omo nda sima siti vofeka yilo ka muli usumba wa Suku, kuenje wa njipaya eci va vanja ukãi wange;

EFETIKILO 22:13

Avirahama wa petula ovaso, wa vanja, kuenje wa mõla ocitupi comeme konyima yaye, ca lisaka apamba aco kolosongo vienganji. Kuenje Avirahama wa endako, wa kuata ocitupi caco, wa ci lumba ocilumba coku pia elisi ca piñala pomangu yomõlaye.

EFETIKILO 22:16

yiti, Nda lisinga lomuenyo wange muẽle, ca popia Yehova ceci, hati, Omo wa linga elinga eli okuti kua nimĩlile omõlove wongunga,

EFETIKILO 22:2

Yu wa linga hati, Kuende lomõlove wongunga, Isake, una o sole; kuende laye kofeka ya Moriya, ko lumbe ocilumba coku pia elisi kilu liomunda yimue hu yi tukuila.

EFETIKILO 26:5

Momo Avirahama wa pokola kondaka yange, kuenje wa lava lava ovikundi viange lovihandeleko viange, lovihõlo viange, lovisila viange.

EFETIKILO 42:18

Eteke liatatu Yosefe wa popia lavo hati, Lingi eci kuenje vu kala lomuenyo, omo ame nda sumba Suku.

NEHEMIYA 5:15

Olonguluvulu viatete puãi, vina via livanga okuti ame nda va kuama, via punda punda omanu loku va kisika okulia lovinyu. Kilu liaco vali va va kisika oku eca akui akuãla kolosiekele viopalata. Akuenje vavo lavovo va tulamaila omanu. Ame puãi sia ci lingile momo nda kala lusumba la Suku.

YOVI 1:1

Vofeka ya Uci mua kala ulume onduko yaye Yovi. Omunu waco wa pua etondelo haeye ukuesunga, wa sumba Suku kuenje wa suvuka evĩho.

YOVI 28:28

Yu wa popia lomanu hati, Tala, oku sumbila Yehova oko olondunge. Oku tinduka kevĩho oko uvanga.

YOVI 5:19

Eye o ku popela kolohali epandu, ndaño epanduvali lacimue cĩvi ci ku lamba.

OLOSAMO 1:6

Momo Yehova wa kũlĩha onjila ya vakuesunga, onjila ya vakuakandu puãi yi nyõleha.

OLOSAMO 111:10

Okusumbila Yehova oko efetikilo liolondunge. Ava vo sumbaila ovo va loñolõha cocili. Esivayo liaye li kala ño-o hũ, ka li pui.

OLOSAMO 147:11

Yehova o sanjukila ava vo sumbila, ava va imba ovaso ocisola caye ka ci pui.

OLOSAMO 2:11

Vumbi Yehova lusumba loku luluma.

OLOSAMO 25:12

Omunu upi o sumba Yehova? Eye imba omunu waco onumbi yonjila a nolapo.

OLOSAMO 25:14

Ukamba wa Yehova u kasi lava vo sumba. Ohuminyo yaye o va yi longaisa.

ETUNDILO 20:20

Mose yu wa popia lomanu hati, Ko ka yokoki, omo Suku weyilila oku vu nyika, okuti vu u sumbila kuenje ka vu lingi akandu.

OLOSAPO 1:7

Oku sumbila Yehova oko efetikilo liolondunge. Aveke va tomba tomba uloño loku longiwa.

UKUNDI 12:13

Oco kua pua. Cosi ca yeviwa. Sumba Suku, pokola kovihandeleko viaye; momo eci oco ocikele comanu vosi.

YEREMIYA 19:5

Va tunga ovimbumbumba via Baale, ha va timĩhilãko omãla vavo valume ndocilumba ca yokiwila Baale, osimbu ame sia ci tumile ndaño oku ci popia, kuenje vutima wange ka ca la iñilamo.

YEREMIYA 32:40

Ndi lisila lavo ocisila ka ci pui cokuti si liweka oku va linga ciwa. Ñapa esumbilo liange vovitima viavo okuti ka va tundi vali kokuange.

MALAKIYA 4:2

Ene puãi wu sumbi onduko yange, Ekumbi liesunga liu tundili, lovolosongo vialio mu kala unene woku sakula. Lene wendi loku tomboaka ndolonãle via kunduluiwa vocunda.

MATEO 16:24

Oco Yesu wa popia lolondonge viaye hati, Umue nda o yongola oku ñuama, ka ka litende vali eye muẽle, a tikule ekulusu liaye, a ñuame.

MATEO 19:29

Vosi va sia olonjo, pamue vamanjavo, pamue vamukãi wavo, pamue vaisiavo, pamue vainavo, pamue omãla, pamue ovapia, mekonda lionduko yange, va mola eci ca velapo kuenje va piñala omuenyo ko pui.

MATEO 5:16

Ocinyi cene ci taimile ndoco kovaso omanu okuti va mola ovilinga viene viwa kuenje va sivaya Isiene o kasi kilu.

YOANO 3:16

Omo Suku a sola ndoco oluali, oco a ecela Omõlaye wongunga okuti wosi u kolela ka fi, puai o mola omuenyo ko pui.

OVILINGA 9:31

Ekongelo lioko Yudea yosi, lo ko Galilea, kuenda ko Samária, lia linala lombembua kuenje liamamako. Lia endela vonjila yoku sumbila Ñala loku kolisua le Espiritu Sandu, kuenje lia vokiyiwa.

VA ROMA 5:8

Puãi Suku wa tu muisa ocisola caye okuti, osimbu tua kala vakuakandu oco Kristu a tu fila.

VA ROMA 8:32

U ka kuatelele Omõlaye ohenda, puãi wo tu wavela etu vosi, ka tu ihilevo hẽ ovina viosi kumue laye?

I VA KORINDO 10:13

Lalimue eyonjo lio sangi, te eli lia siata pokati komanu. Suku wa kolelua, kuenje ka tava okuti wu yonjiwa te leli wu tẽla, puãi kumuamue leyonjo u muisivo evelo lioku puluka okuti vu soka lalio.

II VA KORINDO 8:12

Momo, nda kuli utima woku lumba, omunu o panduiwa nda o lumba ndeci a kuete. Suku ka kisika eci omunu ka kuete.

VA HEVERU 11:19

Avirahama wa kolela okuti Suku o tẽla oku pindula omanu ndaño kokufa. Oco, oku popia ndocisetahãi, kokufa haiko wo tambula.

VA HEVERU 12:28

Oco, tu imbi olopandu omo tua tambula usoma ka u lulumisua. Tu fendeli Suku lefendelo lia sunguluka, kuenda lesumbilo loku liuvika,

TIAGO 2:18

Puãi, umue o popia hati, Ove o kuete ekolelo, ame ñuete ovilinga. Ndekise ekolelo liove ka li kuete ovilinga, kuenje ame, lovilinga viange, hu lekisa ekolelo liange.

ESITULUILO 19:5

Lo kocalo kua tunda ondaka ya linga yiti, Ene akuenje vaye vosi, lene vosi wo sumbi, lava vatito lava vanene, tumbangiyi Suku yetu.

I SAMUELE 15:22

Samuele yu wa kumbulula hati, Yehova nga o sanjukila ovilumba vioku yoka levi vioku pia elisi ndeci a sanjukila oku pokola kondaka ya Yehova? Tala, okupokola kua velapo, okulumba ku sule. Okuyevelela kua velapo, ulela wolomeme u sule.