EFETIKILO 22:11 - Embimbiliya - Bíblia Sagrada em Umbundu

¹¹ Omunga ya Yehova kilu yo vilikiya yiti, A Avirahama, a Avirahama. Eye hati, Amilo.

EFETIKILO 22:11 Iomraidhean Croise

EFETIKILO 16:7

Omunga ya Yehova yo sanga kociva covava vekalasoko, kociva cokonjila yoko Siuri.

EFETIKILO 21:17

Suku yu wa yeva ondaka yomõla. Omunga ya Suku kilu ya vilikiya Hagare yiti, Nye ca ku sumuisa a Hagare? Ku ka yokoke ño. Suku wa yeva uteto womõla pana a kasi.

EFETIKILO 21:18

Katuka, petula omõla, ko kuate peka liove, momo ho lingisa ofeka yinene.

EFETIKILO 22:1

Kovaso yovina evi Suku wa seteka Avirahama; wa popia laye hati, A Avirahama. Leye hati, Ame ulo.

EFETIKILO 22:10

Avirahama wolõla eka liaye; wa nyañula omoko oku ipaya omõlaye.

EFETIKILO 22:12

Yiti, Ku koluĩle omõla eka liove. Ku ko linge vali cimue. Ocili cilo ndimbuka okuti wa sumbila Suku, kuenje kua nimĩlile omõlove wongunga.

EFETIKILO 22:16

yiti, Nda lisinga lomuenyo wange muẽle, ca popia Yehova ceci, hati, Omo wa linga elinga eli okuti kua nimĩlile omõlove wongunga,

EFETIKILO 24:7

Yehova Suku yokilu, u wa njupa konjo ya tate, lokofeka va nyitila, haeye wa popia lame kuenda wa lisila lame, hati, Ombuto yove ndi yavela ofeka yilo, eye o tuma omunga yaye kovaso ove, kuenje oko muẽle o ka sanga ukãi womõlange.

EFETIKILO 31:11

Kuenje omunga ya Suku ya popia lame vonjoi yiti, A Yakoba! Ame siti, Ame ulo.

EFETIKILO 37:13

Isareli wa popia la Yosefe hati, Vahuvove hẽ, ka va kasi loku lisila ko Sekeme? Enju, hu tume kokuavo. Eye wa kumbulula hati, Ame ulo.

EFETIKILO 46:2

Suku wa popia la Isareli vovinjoinjoi viuteke hati, A Yakoba, a Yakoba! Eye hati, Ame ulo.

EFETIKILO 48:16

haeye ungelo wa njovola kevĩho liosi, eye a sumũluise amãlehe ava; londuko yange yi tumbuluiwe lavo, ndaño olonduko violosekulu viange, Avirahama la Isake. Va linga muẽle owiñi kilu lieve.

ETUNDILO 3:2

Ungelo wa Yehova wo tukulukila vulienge wondalu vocisapa. Eye wa vanjako, kuenje wa mõla ocisapa ci taima londalu puãi ka ci pi.

ETUNDILO 3:4

Eci Yehova a mõla okuti wa pambukilapo oku tala, oco Suku wo kovongela vocisapa hati, A Mose, a Mose. Eye wa linga hati, Amilo.

ISAYA 6:8

Kuenje nda yeva ondaka ya Ñala ya linga yiti, Elie numa, elie o tu endelako? Oco siti, Ame ulo, va nume ño.

OVILINGA 26:14

Eci etu vosi tua kupukila posi, nda yeva ondaka ya popia lame velimi lio Heveru yiti, A Saulu, a Saulu, o ñangisila nye? Oku tasuila kolosongo ku ku vala.

OVILINGA 9:4

Oco wa kupukila posi, kuenje wa yeva ondaka ya popia laye yiti, A Saulu, A Saulu, nye o ñangisila?

LIOLONGANJI 2:1

Ungelo wa Yehova wa tunda ko Giligali, yu wa enda ko Bokimi. Kuenje wa popia hati, Nda wupi kEgito, yu ndo neni vofeka yina nda lisilile oku yeca kolosekulu viene. Nda popele siti, Lalimue eteke ndi nyõla ocisila cange nda lisila lene.

I SAMUELE 3:10

Kuenje Yehova weya vali, wa talama, wa kovonga vali ndolonjanja vikuavo hati, A Samuele, a Samuele. Samuele yu wa kumbulula hati, Popia ño. Ukuenje wove o yevite.

I SAMUELE 3:4

Kuenje Yehova wa kovonga Samuele hati, A Samuele, a Samuele. Samuele hati, Ame ulo.