EFETIKILO 21:6 - Embimbiliya - Bíblia Sagrada em Umbundu

⁶ Kuenje Sara wa popia hati, Suku wa njolisa muẽle vosi va ci yeva va laika oku njola.

EFETIKILO 21:6 Iomraidhean Croise

EFETIKILO 17:17

Oco Avirahama wa wila posi, wa lituvikapo, wa yola kuenje wa litana lutima hati, Omõla hẽ, o citiwa ku o kuete ocita calima? Sara layevo ukuakui ecea kalima o cita?

OLOSAMO 113:9

Osiũle o yi tumalisa vonjo ha yi lingi onjali yi sanjukila omãla. Sivayi Yehova.

OLOSAMO 126:2

Olomela vietu vie yuka ovinjola, lalimi etu a imbaimba ovisungo vionjolela. Oco vakualofeka va livangula pokati, vati, Yehova wa va lingila evi vinene.

ISAYA 49:15

Ukãi nga, ivala omõlãye o nyama okuti ka lingi ohenda omõla wovimo liaye? Oco muẽle, ci tava okuti ava va ivala, ame, puãi siu ku ivala.

ISAYA 49:21

Oco o popia lutima wove huti, Helie wa va nyitila? Ame nda fisa omãla vange, haime ndisiũle, haime ndicingendeleyi coku tungayala. Ava, helie wa va tekula? Ocili nda siwa lika liange; ava va kala pi?

ISAYA 54:1

Asiũle kua citile, imba, ove kua kuatele olongembia vioku cita omõla, imba ovisungo, kaluka. Momo Yehova hati, Omãla vocimbumba va lua, okuti omãla vondombua ya kueliwa va sule.

YEREMIYA 20:15

Omunu weyile ku tate, hati, Tua pandula omo omõla ulume wa ku citilua, a siñalĩwe.

LUKA 1:14

Ove o kala lonjolela lesanju, kuenje va lua va sanjukila okucitiwa kuaye,

LUKA 1:58

Ava va lisungue laye la vangandiaye va yeva okuti Yehova wo linga ohenda ya lua, kuenje va sanjukila kumue laye.

VA ROMA 12:15

Yoleli lava va yolela, lili lava va lila.

VA HEVERU 11:11

Sara, omo a kala lekolelo, oco wa kuata ongusu yoku cita, ndaño wa pitahãla anyamo aco, momo wa soka hati, U wa ci likuminya ukuacili.

I SAMUELE 1:26

Hana yu wa popia hati, A cime cange, ndoku popia muẽle ocili, lomuenyo wove muẽle, ame ndukãi una wa kaile kulo kovaso ove oku likutilila ku Yehova.