EFETIKILO 21:22 - Embimbiliya - Bíblia Sagrada em Umbundu

²² Kotembo yaco Avimeleke la Fikoli, kesongo liovita viaye, va popia la Avirahama vati, Suku o kasi love kovina viosi o lingainga;

EFETIKILO 21:22 Iomraidhean Croise

EFETIKILO 20:14

Avimeleke yu wa senga olomeme lolongombe, lakuenje, lafeko, wa vi eca ku Avirahama, oco wo tiuwila ukãi waye Sara.

EFETIKILO 20:17

Oco Avirahama wa likutilila ku Suku, kuenje Suku wa tiula vali olucito ku Avimeleke, lukãi waye, lafeko vaye.

EFETIKILO 20:2

Eye Avirahama wa tukula ukãi waye Sara hati, Mukãi wange. Kuenje Avimeleke, osoma ya Gerare, wa tuma oku tambula Sara.

EFETIKILO 26:26

Avimeleke lekamba liaye, Ahusate, kuenda Fikoli, kesongo liovita viaye, va tunda ko Gerare, veya kokuaye.

EFETIKILO 26:28

Ovo va linga vati, Tua limbuka ocili okuti Yehova o kasi love, oco tua linga tuti, Pokati ketu love pa kale ohuminyo okuti tu lisila love ocisila,

EFETIKILO 28:15

Ocili, ame ñasi kumue love. Hu lava lava kuosi wenda, kuenje hu nena vali vofeka yilo. Si ku yanduluka toke nda linga eci nda likuminya love.

EFETIKILO 30:27

Lavane wa popia laye hati, Ndinge ohenda oco mbangule love, momo nda taha kuenje nda limbuka okuti Yehova wa sumũluisa omo ove wa kala lame.

EFETIKILO 31:5

Wa popia lavo hati, Ndete ocipala ca isiene okuti ka ci kasi vali ciwa lame ndeci ca kaile osimbu, puãi Suku ya tate wa kala lame.

II SAMUELE 24:7

Veya kombonge ya Turo lokovaimbo osi a va Hivi la va Kanana. Va enda ko Sul ya Yuda kuenje va pitila ko Bereseva.

II ASAPULO 1:1

Salomone, omõla a Daviti, wa kolisiwa vusoma waye, kuenje Yehova, Suku yaye, wa kala laye, kuenda wo kemalisa cimue.

ISAYA 45:14

Ca popia Yehova ceci, hati, Ukuasi we Egito wiya kokuove, kuenje u linga wove; ndaño ufũlo wa va Etiõpia lowu wa va Savea, omanu vaco va lepa. Va ku kuama, va kutiwa lalienge kuenje veya, va ku fendela. Va livondela kokuove, vati, Suku o kasi love lika wove. Ka kuli vali osuku yikuavo te eye.

ISAYA 8:10

Tumbiki ño ongombo puãi ka yi lingi cimue; popi ño ondaka, puãi ka yi koli, momo Suku o kasi kumue letu.

SAKARIYA 8:23

Ca popia Yehova Ukualohoka ceci, hati, Voloneke viaco alume ekũi va tunda kolofeka vialimi osi. Va kuata konanga yu Yuda umosi, vati, Tuenda love, momo tua yeva okuti Suku o kasi lene.

MATEO 1:23

Tala, ufeko o mina, o cita omõla ulume, kuenje u luka Emanuele, ca lomboloka citi, Suku kumue letu.

VA ROMA 8:31

Ovina evi tu vi popela nye? Nda Suku o kasi letu helie o tu katukila?

I VA KORINDO 14:25

Uyombeki wutima waye wiya kutanya, oco, oku wila posi, o fendela Suku, loku vilikiya hati, Ocili, Suku o kasi pokati kene.

VA HEVERU 13:5

Ko ka kali locipululu colombongo. Tẽli lovina vu kuete, momo eye muẽle wa linga hati, Ame lalimue eteke hu yanduluka ndaño oku ku sia.

YEHOSUA 3:7

Yehova wa popia la Yehosua hati, Etaili ndi fetika oku ku kemainyaila kovaso a Isareli yosi, oco va limbuke okuti ndeci nda kala la Mose, haico ñala love.

ESITULUILO 3:9

Tala ndomo ndinga lava vakuasunangonga ya Satana, haivo va litukola vati, Tu va Yudea, ndaño hava Yudeako, cosi oku kemba lika. Eci ndinga lavo ceci, ndi va nena, ndi va kekamisila kolomãi viove, loku va limbukisa okuti ame nda ku sola.

I SAMUELE 24:22

Daviti yu wa ci lisila la Saulu. Saulu wa tiukila konjo. Daviti lalume vaye puãi va tiukila kocilala.

I SAMUELE 3:19

Samuele wa kula, kuenje Yehova wa kala laye, ka tavele okuti olondaka viaye vi enda posi.