EFETIKILO 20:5 - Embimbiliya - Bíblia Sagrada em Umbundu

⁵ Hamuẽleko hẽ wa sapuila hati, U mukãi wange? Lukãi le wa popiavo hati, Eye mume wange. Nda ci linga muẽle lutima wa sunguluka, lovaka a pua eko.

EFETIKILO 20:5 Iomraidhean Croise

EFETIKILO 12:13

Oco ove, sapula huti, Ndimukãi waye, oco va ndinga ciwa kuenje ñala lomuenyo omo va ku sanjukila ove.

EFETIKILO 20:13

Eci Suku a mbotola konjo ya tate, oco nda popia laye siti, O ndinga ohenda eyi okuti kolofeka viosi tu enda o nukola huti, Mume wange.

EFETIKILO 20:16

Wa popiavo la Sara hati, Tala, nda eca ku mume wove ohulakãi yolopalata, ha viu ku upi osõi komanu vosi va kasi love, kuenje kovina viosi wa yovoka muẽle.

I OLOSOMA 9:4

Love nda wendela kovaso ange ndeci ca endaile so Daviti, lutima wocili loku sunguluka, hu lingi cosi nda ku handeleka loku lava ovisila viange lovihõlo viange,

II OLOSOMA 20:3

A Yehova, nda likutilila kokuove. Ivaluka ndeci nda endaila kovaso ove locili kuenda lutima wa sunguluka, loku linga eci ciwa kovaso ove. Kuenje Hesekiya wa lila calua.

I ASAPULO 29:17

A Suku yange, nda kulihavo okuti wukuakunyika utima, loku sanjukila esunguluko. Ame, nda panga oku lumba ovina evi viosi lesunguluko liutima wange. Kaliye nda kuata onjolela oku mõla ndomo omanu vove va kasi palo loku ku lumbila lutima wosi.

YOVI 33:9

O popia popia, huti, Nda yela. Si kuete ekandu. Ndimamãle, vokati kange ka muli evĩho,

OLOSAMO 24:4

U o kasi lovaka a yela lutima wa pua evĩho. U ka tiamisile utima waye kuhembi. U ka likuminyile lesanda.

OLOSAMO 25:21

Esunga loku sunguluka vi silamele, momo nda ku imba ovaso.

OLOSAMO 26:6

Ame sukula ovaka ange vesunga, kuenje ñuala utala wove, a Yehova.

OLOSAMO 7:8

Yehova ukuakutetuluila olofeka. Netuiluile, a Yehova, ndesunga liange, kuenda ndesunguluko ñasi lalio.

OLOSAMO 7:9

Uvi wolondingaĩvi wimuhe, olondingesunga puãi vi kolisa. Suku yesunga o seteka ovitima, levi vi kasi volonulo.

OLOSAMO 73:13

Ame, nda likavisa ño oku liyelisa vutima, loku sukula ovaka ange vesunga.

OLOSAMO 78:72

Oco wa linga ungombo wavo lutima wa sunguluka. Wa va songuila luloño wovaka aye.

OLOSAPO 11:3

Ocili ca vakuesunga ci va songuila, puãi okutatama kuolondingaĩvi ku va nyõla.

OLOSAPO 20:7

Ukuesunga endela vesunga liaye, omãla vaye vo kuama va sumũlũha.

DANIELE 6:22

Suku yange wa tuma omunga yaye, wa yika ovimẽla violohosi, kuenje ka via ndingile cimue; momo kokuaye nde lipua; ndaño kokuove, a Soma, sia lingile cimue cĩvi.

II VA KORINDO 1:12

Momo, eci tu lipanda laco, haico uvangi wovitima vietu, ceci, okuti, voluali tua kala lokulipua kuenda okusunguluka kua sesamela Suku, puãi ca piãla vali pokati kene, oku ci linga lolondunge vietimba hacoko, te lohenda ya Suku.

I VA TESALONIKE 2:10

Ndaño ene, ndaño Suku, vulombangi viovimuenyo vietu pokati kene wakuetavo, okuti tua kala omanu va kola, haivo va sunguluka, kuenda va pua eko.

I TIMOTEO 1:13

Ndaño ale nda kaile ukuakupopia Suku atonãi haime ndo kangisa loku u tondala, haimo nda lingiwa ohenda momo nda ci lingila onumbi yomo sia tavele handi.

YEHOSUA 22:22

Yehova Suku Ukuonene, Yehova Suku Ukuonene, eye o ci kuenda Isareli o ci kulihavo. Nda tua ci lingila oku ñualelapo Yehova, pamue oku lueyela, oco etaili ku ka tu popele.