EFETIKILO 2:16 - Embimbiliya - Bíblia Sagrada em Umbundu

¹⁶ Yehova Suku wa handeleka ulume hati, Oku lia ci tava oku lialia koviti viosi viokocumbo;

EFETIKILO 2:16 Iomraidhean Croise

EFETIKILO 1:29

Suku yu wa linga hati, Tali, ndo wihi ovikũla viosi vi kasi vongongo yosi yokilu lieve, vina vimaima olombuto, loviti viosi vimaima apako a kuete ombuto; vi linge okulia kuene.

EFETIKILO 2:15

Yehova Suku wa nyañula ulume wo kapa vocumbo ce Edene ha ci limi loku ci tata.

EFETIKILO 2:9

Posi Yehova Suku wa kũlĩsapo oviti viosi via posoka oku vi tala, haivio vi tava oku liako. Vokati kocumbo wa kapamo uti womuenyo kuenda uti woku kulĩhĩsa eci ciwa leci cĩvi.

EFETIKILO 3:3

te epako liuti owo u kasi vokati kocumbo, owo Suku a linga hati, Ko ka liko, ndaño oku lambako, sanga vu fa.

I TIMOTEO 4:4

Momo oviluvo viosi via Suku viwa, kuenje lacimue ci lemeliwa nda ci tambuiwa lolopandu.

I TIMOTEO 6:17

Lungula olohuasi viovina violuali lulo okuti ka vi lipandiya loku kolela ukuasi u pua pua, vi kolele puãi Suku u o tu ihaiha ovina viosi ha tu sanjuka lavio.

I SAMUELE 15:22

Samuele yu wa kumbulula hati, Yehova nga o sanjukila ovilumba vioku yoka levi vioku pia elisi ndeci a sanjukila oku pokola kondaka ya Yehova? Tala, okupokola kua velapo, okulumba ku sule. Okuyevelela kua velapo, ulela wolomeme u sule.