EFETIKILO 19:34 - Embimbiliya - Bíblia Sagrada em Umbundu

³⁴ Hẽla liaco ukulu wendamba wa popia la manjaye hati, Ame nda pekelele ale la tate hẽla; tu ko nyuise vali ovinyu uteke ulo, oco ove wiñilemo, o pekele laye, ha tu popela ombuto ya tate.

EFETIKILO 19:34 Iomraidhean Croise

EFETIKILO 19:33

Kuenje va nyuisa isiavo ovinyu uteke waco. Ukulu wendamba yu wa iñilamo, wa pekela la isiaye. Lote ka kũlihile eci a pekela, ndaño eci a pasuka.

EFETIKILO 19:35

Kuenje va nyuisa vali isiavo ovinyu uteke waco. Umãlehe waco yu wa enda, wa pekela laye. Lote ka kũlihile eci a pekela ndaño eci a pasuka.

ISAYA 3:9

Upopi wovimẽla viavo muẽle u va pisa. Va lekisa akandu avo ndo Sodomo, ka va a limbikile. Ngongo yavo momo va lilinga ovo muẽle cĩvi.

YEREMIYA 3:3

Oco ombela yohalula ka ya lokelele, ndaño ombela yakupupu. Haimo o kasi lupolo wukahonga, lopo osõi ku kuete.

YEREMIYA 5:3

A Yehova, ovaso ove hẽ ka a vanjiliya eci cocili? Wa va yambula haimo ka ca va valele. Wa va nyõla puãi ka ca va lungisile. Va tĩlĩsa ovipala viavo okuti ovawe a sule, ka va tavele oku litiulamo.

YEREMIYA 6:15

Eci va linga umbondo hẽ, va kutiwa osõi? Ndati, ka va kaile losõi, ka va kũlĩhĩle oku nyoñamisa ovitue. Oco va kupukila pokati kava va kupuka. Eci ndi va yambula va kupuka muẽle. Oco ca popia Yehova.

YEREMIYA 8:12

Eci va lingainga umbondo hẽ va kutiwa osõi? Ndati, lakamue, ka va kaile losõi; ka va kũlĩhĩle oku nyoñamisa ovitue. Oco va kupukila pokati kava va kupuka. Eci ndi va yambula va kupuka muẽle. Oco ca popia Yehova.