EFETIKILO 19:25 - Embimbiliya - Bíblia Sagrada em Umbundu

²⁵ yu wa kundula ovaimbo aco, letapi liaco liosi, lolonungi viovaimbo aco, lovikũla viosi vioposi.

EFETIKILO 19:25 Iomraidhean Croise

EFETIKILO 13:10

Lote wa petula ovaso aye, wa mõla etapi liosi lioko Yordão okuti kuosi ku kuete ovava; kua soka ndocumbo ca Yehova, pamue ndofeka ye Egito pana poku enda ko Soyara; otembo yaco handi Yehova ka nyolele Sodoma la Gomora.

EFETIKILO 13:12

Avirama wa tunga vofeka ya Kanana; Lote wa tunga vovaimbo oketapi; wa sondoluila ombalaka yaye ko Sodoma.

EFETIKILO 14:3

Avandeti vosi va likongela kocimbota ca Sidimi, ndokuti kociva comongua.

OLOSAMO 107:34

kuenda ofeka yovaima ndekango liomongua, mekonda lievĩho liava va tungamo.

ISAYA 13:19

Kuenje Bavulono olio imbo lia piãla kulamba pokati kovoviali hailio eposo kuenda esanju lia va Kaldea, li linga nda Sodomo la Gomora eci Suku a a nyõla.

YEREMIYA 20:16

Omunu waco a linge ndovaimbo a Yuda ana Yehova a nyõla kuenje ka kuatelele ohenda: a yeve okulila omẽle kuenda evilikiyo liocilunga kutanya.

YEREMIYA 23:14

Puãi kovaprofeto va Yerusalãi oko nda muĩla cimue ca vĩha vali enene, cokuti, va pekelaisa, va kemba kemba, va linga onyima yolondingaĩvi okuti lomue o tinduka kevĩho liaye. Vosi yavo kokuange va lisoka la va Sodoma. Olonungi viosi via Yerusalãi via lisoka levi via Gomora.

YEREMIYA 49:18

Ndeci ca pita la Sodoma, kuenda Gomora, lovaimbo a lisungue lao eci a nyõlẽha, haico ci pita laye. Lomue o tungamo, ka mu kala muẽle ndaño omunu umosi.

YEREMIYA 50:40

Ndeci ca kaile, eci Suku a nyõla Sodoma kuenda Gomora lovaimbo a lisungue lao, haico ci kala la Bavulono. Lomue o tungamo, lomue omunu o kalamo.

ASIÕSUILO 4:6

Eyambulo liomanu vange lia piãla, eli lia Sitomo li sule, imbo lina lia kupuiwa ocipikipiki, halovaka omanuko.

ESEKIELE 16:50

Yu wa linga usõsĩ lovombondo kovaso ange. Oco nda vopako eci nda ci mõla.

AMOSI 4:11

Nda kundula amue ovaimbo ene ndeci Suku a kundula Sodoma la Gomora. Kuenje ene wa soki locitonga ca popelua vondalu. Haimo ka wa tiukili kokuange. Oco ca popia Yehova.

SOFONIYA 2:9

Oco, ca popia Yehova Ukualohoka, Suku ya va Isareli, ceci, hati, Ndeci ñasi lomuenyo, Moavi yi soka la Sodoma, va Amoni va kala nda va Gomora. Olofeka viaco vi yuka ovisapa violunyi lovima viomongua, vi linga alunda ka a tungiwa vali. Ocisupe comanu vange ci va punda; ava va supapo komanu vange va va kuata.

ESINUMUĨLO 29:23

leci va mõla ndomo ofeka yosi ya linga ofeka yofuofuo lomongua, haiyo ya linga epile ka li kũlĩwa, ka mu tundi cimue, ndaño oku yunda owangu ka mu yundi, okuti enyolẽho liayo li soka lenyõleho lia Sodoma la Gomora, kuenda Adima la Cevoyi, ovaimbo ana Yehova a nyõla lonyeño yaye lokutema kuaye,

II PETULU 2:6

nda ovaimbo a Sitomo la Gomora, poku a lingisa etiko, wa a pisa, okuti wa a tukuila oku nyõleha pe kuenje wa a lekisa ku vakuakutomba Suku ndongangu,—