EFETIKILO 19:24 - Embimbiliya - Bíblia Sagrada em Umbundu

²⁴ Yehova yu wa lowila vo Sodoma lovo Gomora ofuofuo londalu via tunda kilu ku Yehova;

EFETIKILO 19:24 Iomraidhean Croise

EFETIKILO 13:10

Lote wa petula ovaso aye, wa mõla etapi liosi lioko Yordão okuti kuosi ku kuete ovava; kua soka ndocumbo ca Yehova, pamue ndofeka ye Egito pana poku enda ko Soyara; otembo yaco handi Yehova ka nyolele Sodoma la Gomora.

EFETIKILO 13:12

Avirama wa tunga vofeka ya Kanana; Lote wa tunga vovaimbo oketapi; wa sondoluila ombalaka yaye ko Sodoma.

EFETIKILO 18:17

Yehova wa popia hati, Nguha nga okuti si sapuila Avirahama eci ndinga?

EFETIKILO 19:23

Ekumbi lia tunda ale eci Lote a pitila ko Soyara.

YOVI 1:16

Eci u a kala loku popia oco kueya ukuavo hati, Ondalu ya Suku ya tunda kilu kuenje ya yoka olomeme kuenda akuenje, ya lia muẽle, ame lika liange nda puluka yu ndeya oku ku ci sapuila.

YOVI 18:15

Onjo yaye yi yelisua lovihemba viofuofuo kuenje mu piñala ava kavasitue laye.

OLOSAMO 11:6

O lowila kolondingaĩvi akala ondalu kue nda ofuofuo. Ofela ya sanya oyo onima yavo.

ETUNDILO 9:23

Oco Mose woluĩla ombueti yaye kilu kuenje Yehova wa tuma ocilemĩlo lociwe. Ondalu layovo ya lokila posi. Yehova muẽle wa lola ociwe kofeka ye Egito.

ISAYA 1:9

Nda Yehova Ukualohoka ka tu sililepo okacisupe katitotito, nda tua linga nda Sodoma kuenda nda tua lisoka la Gomora.

ISAYA 13:19

Kuenje Bavulono olio imbo lia piãla kulamba pokati kovoviali hailio eposo kuenda esanju lia va Kaldea, li linga nda Sodomo la Gomora eci Suku a a nyõla.

ISAYA 30:33

Utala wa pongiyiwa ale osimbu, wa pongiyiwila osoma, wa longa haiwo wa sanjavala. Ondalu yaco yinene lolohui via lua. Okufuima kua Yehova, kuna kua linga ndolui luofuofuo, oku ku yi siakãla.

YEREMIYA 20:16

Omunu waco a linge ndovaimbo a Yuda ana Yehova a nyõla kuenje ka kuatelele ohenda: a yeve okulila omẽle kuenda evilikiyo liocilunga kutanya.

YEREMIYA 23:14

Puãi kovaprofeto va Yerusalãi oko nda muĩla cimue ca vĩha vali enene, cokuti, va pekelaisa, va kemba kemba, va linga onyima yolondingaĩvi okuti lomue o tinduka kevĩho liaye. Vosi yavo kokuange va lisoka la va Sodoma. Olonungi viosi via Yerusalãi via lisoka levi via Gomora.

YEREMIYA 49:18

Ndeci ca pita la Sodoma, kuenda Gomora, lovaimbo a lisungue lao eci a nyõlẽha, haico ci pita laye. Lomue o tungamo, ka mu kala muẽle ndaño omunu umosi.

YEREMIYA 50:40

Ndeci ca kaile, eci Suku a nyõla Sodoma kuenda Gomora lovaimbo a lisungue lao, haico ci kala la Bavulono. Lomue o tungamo, lomue omunu o kalamo.

ASIÕSUILO 4:6

Eyambulo liomanu vange lia piãla, eli lia Sitomo li sule, imbo lina lia kupuiwa ocipikipiki, halovaka omanuko.

HOSEA 11:8

A Efarimi, ndi litepa ndati love! Hu eca ndati, a Isareli! Nẽla ndati oku ku kundula ndeci nda linga la Adimah! Nẽla ndati oku linga love ndeci nda linga la Cevoyi! Utima wange ka u tava, ohenda yange yi tumbuluka loku omboka.

AMOSI 4:11

Nda kundula amue ovaimbo ene ndeci Suku a kundula Sodoma la Gomora. Kuenje ene wa soki locitonga ca popelua vondalu. Haimo ka wa tiukili kokuange. Oco ca popia Yehova.

SOFONIYA 2:9

Oco, ca popia Yehova Ukualohoka, Suku ya va Isareli, ceci, hati, Ndeci ñasi lomuenyo, Moavi yi soka la Sodoma, va Amoni va kala nda va Gomora. Olofeka viaco vi yuka ovisapa violunyi lovima viomongua, vi linga alunda ka a tungiwa vali. Ocisupe comanu vange ci va punda; ava va supapo komanu vange va va kuata.

LUKA 10:12

Puãi mopia lene siti, Keteke liekanga, Sodomo hise limbo liaco.

ESINUMUĨLO 28:24

Ombela yofeka yove Yehova o yi lingisa onukuvila loneketela; kilu vi ku tundila toke wa nyõleha.

ESINUMUĨLO 29:22

Oco ocitumbulukila ci kuãi, okuti omãla vene vo kuami, lukuafeka yiñi o tunda kofeka kupãla, eci va mõla afengi eya kofeka yilo, lovovei Yehova a yi veta lao,

ESINUMUĨLO 29:23

leci va mõla ndomo ofeka yosi ya linga ofeka yofuofuo lomongua, haiyo ya linga epile ka li kũlĩwa, ka mu tundi cimue, ndaño oku yunda owangu ka mu yundi, okuti enyolẽho liayo li soka lenyõleho lia Sodoma la Gomora, kuenda Adima la Cevoyi, ovaimbo ana Yehova a nyõla lonyeño yaye lokutema kuaye,

II PETULU 2:6

nda ovaimbo a Sitomo la Gomora, poku a lingisa etiko, wa a pisa, okuti wa a tukuila oku nyõleha pe kuenje wa a lekisa ku vakuakutomba Suku ndongangu,—

YUDA 1:7

Kuenda vali, ovaimbo a Sodomo la Gomora, lovaimbo akuavo a lisungue lao, omo a lieca kukahonga loku kuama ovilinga viumbondo lupuepue, ndeci omanu vaco va kasi loku linga, cilo a linga elungulo, momo a kasi loku yambuiwa londalu ka yi pui.

ESITULUILO 14:10

eye o nyuavo kovinyu ka via savele vionyeño ya Suku, evi vi li vokopo yonyeño yaye. O yambuiwa londalu lelemba liofuofuo kovaso ovangelo va kola kuenda kovaso a Kameme.