EFETIKILO 19:15 - Embimbiliya - Bíblia Sagrada em Umbundu

¹⁵ Eci kua ca omele olomunga via veta onjanga Lote, viti, Katuka, ambata ukãi wove, lomãla vove akãi vavali va kasi kulo, sanga o pia longole yimbo.

EFETIKILO 19:15 Iomraidhean Croise

EFETIKILO 19:14

Lote yu wa tunda, wa pañinya olondatembo viaye vialume, ava va si oku kuẽla omãla vaye vakãi, hati, Katuki, mulo tundimo, momo Yehova o nyõla imbo lilo. Puãi kolondatembo viaye ca soka ndesevu.

EFETIKILO 19:16

Eye haimo wa simũlapo; ovalume va kuata peka eye muẽle Lote, lukãi waye, lomãla vaye vavali vakãi, momo Yehova wo kuatela ohenda, kuenje vimbo vo wupamo, vo talamisa kofeka konẽle yimbo.

EFETIKILO 19:17

Eci va va tundisila kofeka oco va popia vati, Tila, popela omuenyo wove; ku ka vanje konyima; ku ka talame ketapi; tilila komunda, sanga o pia.

EFETIKILO 19:22

Yayulako, tililako, momo si tẽla oku linga cimue te wa pitilako. Oco va lukila imbo liaco vati, Soyara.

OLOSAMO 94:23

Eye o va tiuwila olohõle viavo, loku va takisila evĩho liavo. Yehova Suku yetu o va nyõla.

II VA KORINDO 6:2

Momo eye wa popia hati, Nda ku yeva kotembo ya sunguluka, keteke lieyovo nda ku ohela. Oco limbuki okuti yilo oyo otembo yaco ya sunguluka, leteke lilo olio eteke liaco lieyovo.

ESITULUILO 18:4

Oco nda yeva ondaka yikuavo ya tunda kilu, ya linga yiti, Amanu vange, tundi vimbo liaco, sanga wu linala lakandu alio, kuenda sanga afengi alio o kuati.