EFETIKILO 19:14 - Embimbiliya - Bíblia Sagrada em Umbundu

¹⁴ Lote yu wa tunda, wa pañinya olondatembo viaye vialume, ava va si oku kuẽla omãla vaye vakãi, hati, Katuki, mulo tundimo, momo Yehova o nyõla imbo lilo. Puãi kolondatembo viaye ca soka ndesevu.

EFETIKILO 19:14 Iomraidhean Croise

EFETIKILO 19:15

Eci kua ca omele olomunga via veta onjanga Lote, viti, Katuka, ambata ukãi wove, lomãla vove akãi vavali va kasi kulo, sanga o pia longole yimbo.

EFETIKILO 19:17

Eci va va tundisila kofeka oco va popia vati, Tila, popela omuenyo wove; ku ka vanje konyima; ku ka talame ketapi; tilila komunda, sanga o pia.

EFETIKILO 19:22

Yayulako, tililako, momo si tẽla oku linga cimue te wa pitilako. Oco va lukila imbo liaco vati, Soyara.

II ASAPULO 30:10

Oco olomunga via pita vimbo limbo vovaimbo osi ofeka ya Efarimi la Manase, toke ko Sevulono, puãi va va yola epembe loku va fuanguila.

II ASAPULO 36:16

Puãi ovo va fuanguila olomunga via Suku, va sepula olondaka viaye, loku yola epembe ovaprofeto vaye, toke onyeño ya Yehova ya wengukila omanu vaye, toke ka kua kaile vali ekayo.

ETUNDILO 12:31

Oco wa kovonga Mose la Arone uteke, wa linga hati, Votoki! Tundi vofeka yange, lene la va Isareli. Kuendi, ka fendeli Yehova ndeci wa popia.

ETUNDILO 9:21

Puãi wosi ka sumbilile ondako ya Yehova wa sia akuenje vaye lovinyama viaye vusenge.

OLOSAPO 29:1

U o lunguaiwa ca lua puãi haimo o pembula ño-o eye o nyõlẽha ocipikipiki kuenje ka sakuiwa vali.

ISAYA 28:22

Oco ko ka pembuli sanga ovikolo viene vi pamisua vali; momo nda yeva ondaka yenyõlẽho ya tunda ku Ñala Yehova Ukualohoka. Enyolẽho liaco li nyõla ofeka yosi.

YEREMIYA 20:7

A Yehova, ove wa ñembisa yu nda kembisua. Ove wa velapo kongusu, ame sule, kuenje ove wa yula. Eteke liosi nda yoliwa epembe, vosi va nondalaño.

YEREMIYA 43:1

Oco eci Yeremiya a mala oku popia lomanu vosi olondaka viosi via Yehova Suku yavo, evi Yehova Suku yavo a tuma kokuavo,

YEREMIYA 43:2

oco Asariya, omõla a Hosiaya, kuenda Yohanana, omõla a Karea, kuenda alume vosi vakuasiata, va popia la Yeremiya vati, Ove o kemba. Yehova Suku yetu ka ku tumile oku popia huti, Ka va ka ende ke Egito oku ka tungako;

YEREMIYA 51:6

Tili vo Bavulono! Omunu omunu a popele omuenyo waye! Ko ka fi kotembo yeyambulo liaye. Momo eyi oyo otembo yefetuluinyo Ha Yehova, haiyo yonima a kasi oku u muisa.

ESEKIELE 20:49

Oco nda popia siti, A Ñala Yehova, va kasi loku mopia vati, O nga, hokuakutako olosapo?

ATENDELO 16:21

Litepi lomanu ava okuti ndi va nyõla olumue.

ATENDELO 16:26

Wa popia lomanu hati, Avoyo, tundi kolombalaka viomanu ava vakuakandu. Ko ka lambi cimue cavo, sanga wu nyõleha lovakandu avo osi.

ATENDELO 16:45

Tundi kowĩni ulo okuti ndi va nyõla olumue. Yu va wila posi, va lituvikapo.

MATEO 1:18

Okucitiwa kua Yesu Kristu kua kala ndomo. Eci inaye Maria a tindikiwa la Yosefe oco wa ihiwa imo le Espiritu Sandu osimbu ka va likuelele handi.

MATEO 9:24

oco wa popia lavo hati, tundi, momo okofeko ka ka file, puãi ka pekela, kuenje vo yola epembe.

LUKA 24:11

Puãi, kovapostolo, olondaka evi via va lingila esanda, ka va vi kolelele.

LUKA 9:42

Osimbu omõla a kala loku iya, ocilũlu co kupuila posi, yu co tanyisa. Puãi Yesu wa lemela ocilũlu ca vĩha, wa sakula umalehe kuenje wo weca ku isiaye.

OVILINGA 17:32

Eci va yeva ondaka yepinduko liava va fa, vamue va sewula, vakuavo puãi va popia vati, Ondaka eyi, tuiya, tu ku yi yevelela vali noke.

I VA TESALONIKE 5:3

Eci omanu va kasi loku linga vati, Tua kolapo, tu kasi lombembua, oco okunyõleha ocipikipiki kuiya kokuavo, ndeci olongembia viya ku o misi. Oku puluka ka ku kala.