EFETIKILO 18:23 - Embimbiliya - Bíblia Sagrada em Umbundu

²³ Oco Avirahama wa kokela, wa pula hati, Ocili o nyõlela olondingesunga kumue lolondingaĩvi ale?

EFETIKILO 18:23 Iomraidhean Croise

EFETIKILO 18:24

Nda hẽ vimbo muli olondingesunga akui atãlo o li nyõla ño, ku li ecela mekonda liakui atãlo kolondingesunga vi kasimo?

EFETIKILO 18:25

Ci kole kokuove oku linga ndomo okuti wipaya ondingesunga kumosi londingaĩvi, kuenje ondingesunga londingaĩvi va lisoka; oco ci kole kokuove! Onganji yoluali luosi hẽ, ka yi lingi esunga?

EFETIKILO 20:4

Oco Avimeleke handi ka litokekele laye, yu wa linga hati, A Ñala, o kundula nga ofeka ndaño yi kuete esunga?

II SAMUELE 24:17

Eci Daviti a mõla ungelo wa kala loku nyõla omanu oco wa popia la Yehova hati, Ame muẽle nda lueya haime nda linga ekandu. Puãi olomeme evi hẽ nye via linga? Eka liove li mbete ame, li vetevo onjo ya tate.

YOVI 34:17

Umue o suvuka esunga hẽ o tela oku viala? Ove hẽ o pisa Suku ukuesunga haeye ukuonene wosi,

YOVI 8:3

Suku hẽ o tetulula lesanda? Tõlo hẽ o pengisa esunga?

OLOSAMO 73:28

Ame puãi, ciwa oku kala ocipepi la Suku. Nda nola Yehova Suku ha lingi ocikolo cange, okuti sapula ovilinga viove viosi.

ETUNDILO 23:7

Amẽla ocipãla londaka yuhembi. Ka ci tava oku ipaya u ka kuete ongole pamue ukuesunga omo ame si yowisa ale ondingaĩvi.

YEREMIYA 30:21

Usongui wavo o tunda muẽle pokati kavo. Ndaño ombiali yavo yi tunda pokati kavo. Ame muẽle ndu koka okuti iya ocipepi, o kokela muẽle ocipepi lame. Momo nda hacoko, elie o lukuta oku amẽla kokuange? Oco ca popia Yehova.

ATENDELO 16:22

Puãi va wila posi kuenje va lituvikapo, va pula vati, A Suku, Suku yovilelembia viomanu vosi, nda umosi o linga ekandu o temẽla owiñi wosi?

VA HEVERU 10:22

oco tu ameliko lovitima viocili haivio via kolisua lekolelo. Tuamelako tupu ovitima vietu via nyiliwa okuti ka vi tu vetisa evelo, latimba etu a sukuiwa lovava a yela.

TIAGO 5:16

Oco, litaveli pokati akandu ene loku likutililila pokati okuti vu veluisua. Ohutililo yukuesunga o likutilila lutima wosi yi muisa unene wa Suku.

TIAGO 5:17

Eliya wa kala omunu ukuavituwa ndetu, eye wa likutilila loku felevela okuti ombela ka yi loki, kuenje ombela ka ya lokele anyamo atatu kolosãi epandu.