EFETIKILO 18:14 - Embimbiliya - Bíblia Sagrada em Umbundu

¹⁴ Kuli hẽ cimue okuti Yehova o ci tokoka? Kotembo ya tukuiwa okuti kotembo yonjovo, ame njiya kokuove, kuenje Sara o cita omõla ulume.

EFETIKILO 18:14 Iomraidhean Croise

EFETIKILO 17:16

Ame ndu sumũlũisa, hu iha omõla ulume o cita la Sara; leye Sara ndu sumũlũisa ha lingi inakulu yolofeka. Olosoma viapata vomanu vi tunda kokuaye.

EFETIKILO 17:21

Puãi ocisila cange ndi ci kolisila ku Isake, u Sara a cita love, kenyamuali koloneke nda vilo.

EFETIKILO 18:10

Eye hati, Ocili njiya vali kokuove kotembo yonjovo, kuenje Sara ukãi wove o cita omõla ulume. Eye Sara wa ci yevela puvelo wombalaka ya kala konyima yaye.

EFETIKILO 18:13

Yehova yu wa popia la Avirahama hati, Nye Sara a yolela hati, Ocili hẽ nyita vali, ame ndihulukãi?

EFETIKILO 18:15

Puãi Sara wa likala hati, Sia yolele, omo wa kuata usumba. Eye hati, Kotoko, wa yola ocili.

EFETIKILO 21:1

Yehova yu wa pasula Sara ndomo a popia kuenje Yehova wa lingila Sara ndomo a likuminya.

EFETIKILO 21:2

Sara yu we mina, wa citila Avirahama omõla ulume kukongo waye, kotembo yina Suku a tukuilile.

II OLOSOMA 4:16

Elisia wa popia hati, Enyamuali, koloneke nda vilo, wangata omõla ulume. Ukãi hati, Sio a cime cange, amunu wa Suku, ku ka kembe omolove.

YOVI 36:5

Tala, Suku ukuonene kuenje ka sepula umue, haeye wa pama lolohõlo viukũlĩhiso.

YOVI 42:2

Ndi ci okuti o tẽla cosi kuenje lacimue ocipango cove ci tatekiwa.

OLOSAMO 90:13

Tiukako, a Yehova. Toke pi? Linga ohenda akuenje vove.

OLOSAMO 93:1

A Yehova o viala, wa paleka uwale. Yehova wa wala olohõlo, haivio a litika lavio. Oluali laluovo lua kola, ka lu sengiwa.

OLOSAMO 95:3

Momo Yehova eye Suku yinene, haeye Soma yinene ya piãla olosuku viosi.

ISAYA 50:2

Eci ndeya, nye sia sangelele omunu? Eci nda kovonga, nye ka kua kaililile u o ñumbulula? Eka liange nga lia tepuluka okuti ka li tẽla oku yovola? Si kuete hẽ ongusu yoku popela? Tala, ñukutisa okalunga lokututuiya kuange, olondui ndi vi pongolola ekango, olõsi viavio vi lẽha, omo ka mu li ovava vi fa lenyona.

YEREMIYA 32:17

A Ñala Yehova! Ove wa lulika ilu kuenda ongongo lunene wove kuenda lokuokuo kuove kuolõha. Ka kuli eci ca tĩla okuti ove ku ci tẽla.

YEREMIYA 32:27

Tala, Ame ndi Yehova, ame ndi Suku yoviendalomuenyo viosi. Ku li nga cimue ca tĩla okuti ame si ci tẽla?

DANIELE 6:20

Eci a pitila keleva, yu wa kovonga Daniele londaka yesumuo. Soma yu wa popia la Daniele hati, A Daniele, vukuenje wa Suku Ukuamuenyo, Suku yove, una o vumbavumba, wa tẽla hẽ oku ku popela kolohosi?

MIKA 7:18

Helie Suku wa soka ndove, u ecela olohõle, haeye ivala okulueya kuocisupe cocipiñalo caye? Eye ka kala ño-o hũ lonyeño yaye momo o sanjukila ohenda locisola.

SAKARIYA 8:6

Ca popia Yehova Ukualohoka ceci, hati, Eci, nda ci linga ocikomo komanu vakualoneke vilo ava va supapo, ame hẽ, ci lingavo ocikomo kokuange? Oco ca pula Yehova Ukualohoka.

ATENDELO 11:23

Oco Yehova wa popia la Mose hati, Eka lia Yehova nga lia linga limbumbũlu? Kaliye o mõla ondaka yange nda yi lingiwa nda ndati.

MATEO 14:31

Haico Yesu a imba okuokuo kuaye kuenje wo kuata, yu wa popia laye hati, Okuekolelo litito, wa sumaila nye?

MATEO 19:26

Oku va vanja Yesu wa popia lavo hati, Eci ka ci tẽliwa lomanu, puãi la Suku ovina viosi vi tẽliwa.

MATEO 3:9

Ko ka soki oku popia litima viene hoti, Tu kuete ale kukululu Avirahama, momo mopia lene siti, Suku o tẽla oku pindula ovawe a ha a lingi omãla va Avirahama.

MARKO 10:27

Yesu wa va vanja kuenje wa va kumbulula, hati, Komanu ka ci tẽliwa puãi ku Suku ci tẽliwa, momo ovina viosi vi tẽliwa la Suku.

LUKA 1:13

Puãi ungelo wa popia laye hati, A Sakariya, ku ka saluke ño, momo elombelo liove lia yevala. Ukãi wove Elisavete o ku citila omõla, kuenje u luka Yoano.

LUKA 1:18

Sakariya yu wa popia lungelo hati, Eci, ndi ci kũlĩha ndati? Momo ndi sekulu kuenda ukãi wange wa pitahãla ale oloneke viaye.

LUKA 1:37

Momo ka kuli eci ka ci tẽliwa la Suku.

LUKA 8:50

Puãi, eci Yesu a ci yeva, wo kumbulula hati, Ku ka kuate ohele. Kolela ño kuenje ufeko o sakuiwa.

VA ROMA 4:21

kuenje wa kolela ocili okuti eci Suku a likuminya o tẽla oku ci linga.

VA EFESO 3:20

Kaliye ku o tẽla oku talavaya lunene u kasi vokati ketu, loku linga eci ca piãla, okuti eci tu pinga, pamue eci tu sima, ci sule,

ESINUMUĨLO 30:3

oco Yehova, Suku yove, o tumbulula esumũlũho liove, loku ku kuatela ohenda. O ku ongolola kolofeka viosi kuna Yehova, Suku yove, a ku sanduila.

ESINUMUĨLO 7:21

Ka vu va kuatela vali ohele momo Yehova, Suku yene, o kasi lene. Suku yene eye Suku ukuonene, haiye o lingisa cimue usumba.

VA FILIPOI 3:21

Eye o pongolola etimba lietu liesepu ha li lingi ndetimba liaye liulamba. O ci linga lunene waye una wa wiha olohõlo vioku pokuisila ovina viosi kokuaye.

VA FILIPOI 4:13

Nẽla ovina viosi vu Kristu u o ñolaisa.

VA HEVERU 11:19

Avirahama wa kolela okuti Suku o tẽla oku pindula omanu ndaño kokufa. Oco, oku popia ndocisetahãi, kokufa haiko wo tambula.

LIOLONGANJI 13:3

Ungelo wa Yehova wa tukulukila ukãi, kuenje wa popia laye hati, Tala, ove wusiũle, haive kua la cita. Puãi o mina, o cita omõla ulume.

I SAMUELE 14:6

Yonatão wa popia lukuenje wambata ovimãlẽho viaye hati, Enju, tuende kocilombo coviyamba viaco; mbi sanga Yehova o tu lingila cimue momo lacimue ci tateka Yehova oku popela, ci kale la valua, ci kale la vañamiñami.