EFETIKILO 17:7 - Embimbiliya - Bíblia Sagrada em Umbundu

⁷ Ñolisa ocisila nda lisila love lombuto yove yu ku kuãi, kuenda ovitumbulukila viavo, ha ci lingi ocisila ka ci pui. Ndinga Suku yove. Ndingavo Suku yombuto yove yu ku kuãi.

EFETIKILO 17:7 Iomraidhean Croise

EFETIKILO 15:18

Eteke liaco hailio Yehova a likuminya ohuminyo la Avirama, hati, Tunde kolui lu Egito toke kolui luna lunene Ferati,

EFETIKILO 17:13

lu wa citiwa vepata, lu wa landiwa lolombongo viove, vosi va seviwe. Oco ocisila cange ci kala kositu yene, ci linga ocisila ka ci pui.

EFETIKILO 17:19

Suku wa linga hati, Oco hacoko. Sara ukãi wove o ku citila omõla ulume, u luka Isake. Ñolisila kokuaye ocisila cange ha ci lingi ocisila ka ci pui kombuto yaye yu kuama.

EFETIKILO 26:24

Yehova wo tukulukila uteke waco, wa popia laye hati, Ame ndi Suku ya so Avirahama. Ku ka yokoke, ame muẽle ñasi love, hu sumũluisa. Nduisa ombuto yove, oku ci lingila ukuenje wange Avirahama.

EFETIKILO 28:13

Yehova wa talama kilu liayo, wa linga hati, Ame ndi Yehova, Suku ya sekulu yove Avirahama, haime ndi Suku ya Isake. Osi eyindeti wa pekela ndi yeca kokuove, lombuto yove.

EFETIKILO 6:18

Puãi ñolisila kokuove ocisila cange, oco wiñila vocimbaluku, ove lomãla vove valume, lukãi wove, lakãi vomãla vove.

EFETIKILO 9:16

Eci olukongolo lu mõlehela kalende oco ndi lu vanja kuenje njivaluka ocisila ka ci pui ci kasi pokati kange ndi Suku lomanu vosi loviendalomuenyo viosi vi kasi kilu lieve.

II SAMUELE 7:24

Kuenje wa litumalisila omanu vove va Isareli ha va lingi omanu vove otembo ka yi pui. Love, a Yehova, wa linga Suku yavo.

I ASAPULO 16:13

ene ambuto ya Avirahama ukuenje waye, ene amãla va Yakoba, wa noliwi laye.

I ASAPULO 16:14

Eye Yehova Suku yetu. Olonimbu viaye vi li voluali luosi.

OLOSAMO 81:10

Ame Yehova Suku yove. Nda ku upa vofeka ye Egito. Asama ciwa omela wove kuenje njukisamo.

ETUNDILO 3:15

Suku wa popia vali la Mose hati, Sapuilavo va Isareli, huti, Yehova, Suku yolosekulu viene, haeye Suku ya Avirahama la Isake kuenda Yakoba, eye wa numa kokuene. Onduko yaco oyo yi linga onduko yange otembo ka yi pui, haiyo ovitumbulukila viosi vi njivalukila.

ETUNDILO 3:6

Wa popia vali hati, Ame ndi Suku yaso, haime ndi Suku ya Avirahama la Isake kuenda Yakoba. Mose wa lisitika kocipala omo oku tala Suku co linga usumba.

ETUNDILO 6:4

Nda lisila lavo ocisila cange coku va iha ofeka ya Kanana, haiyo ofeka yokutungayala kuavo omu va kaile ndakombe.

ETUNDILO 6:7

Ndu tambuli okuti vu linga omanu vange kuenje ame ndinga Suku yene. Vu kulĩha okuti ame ndi Yehova Suku yene u wo wupi ovitele via va Egito.

ISAYA 61:8

Momo ame ndi Yehova, ndi sole ekanga liocili, ndi suvuka umunu kuenda evĩho, ndi va iha onima yocili, ndi lisila lavo ocisila ka ci pui.

YEREMIYA 31:1

Oco kotembo yaco ndinga Suku yapata osi a Isareli kuenje ovo va linga omanu vange. Oco ca popia Yehova.

ESEKIELE 28:26

Kuenje va tungamo ciwa ha va hindingila. Va tunga olonjo. Va kũla oviumbo viayuva. Va tunga muẽle ciwa. Va koka, eci netuluila ava va lisungue lavo haivo va va pembula. Oco va limbuka okuti ame ndi Yehova ame Suku yavo.

OVISILA 11:45

Omo ame ndi Yehova; ndo wupi vofeka ye Egito okuti ndinga Suku yene; oco wu kola momo ame ñola.

OVISILA 25:38

Ame ndi Yehova Suku yene ndo wupi vofeka ye Egito okuti ndu wĩhi ofeka ya Kanana hã si lingi Suku yene.

OVISILA 26:12

Mita mita pokati kene si lingi Suku yene, lene vu linga omanu vange.

OVISILA 26:44

Haime, ndaño cosi oco, eci va kasi vofeka yovanyãli vavo si va pamũla loku va nyehũla oku va nyõla pe, loku nyõla ohuminyo yange lavo, omo ame ndi Yehova Suku yavo.

OVISILA 26:45

Puãi omo ndi va sole oco njivalukila ocisila nda lisila lolosekulu viavo vina ndopa vofeka ye Egito kovaso olofeka si lingi Suku yavo. Ame ndi Yehova.

OVISILA 26:9

Ndu vanji vanji, ndu citaisi, ndu luisi, ndi kolisila kokuene ohuminyo yange.

MIKA 7:20

O tata Yakoba locili, o kuatela Avirahama ocisola ka ci pongoloka, ndeci wa lisilasila lolosekulu vietu tunde kosiãhũlu.

MATEO 22:32

Ame Suku ya Avirahama, haime ndi Suku ya Isake, haime ndi Suku ya Yakoba? Suku ha Sukuko yava va fa, te yava va kasi lomuenyo.

MARKO 10:14

Puãi eci Yesu a ci mola oco wa tema, kuenje wa popia lavo hati, Omãla veye ño kokuange, ko ka va tutuiyi, momo usoma wa Suku wava va linga ndava.

OVILINGA 2:39

Momo ohuminyo yaco ya likuminyiwa kokuene lo komãla vene kuenda ku vosi va kasi kupãla, okuti vosi ava Ñala Suku yetu a kovonga.

VA ROMA 9:4

Ovo va Isareli, omangu yumõla, yayo; lulamba, wavo; lovisila, viavo; lokueciwa kuovihandeleko, kuavo; lokuvumba Suku, kuavo; lolohuminyo, viavo;

VA EFESO 2:2

vina wa enda endaili lavio eci wa kuami ovituwa violuali lulo loku pokola ku soma yolondele, ene muẽle Kristu o wihi vali omuenyo. Soma yolondele haeye eliapu, lopo o kasi loku linga upange waye vovitima via vakuesino.

ESINUMUĨLO 29:13

Etaili Yehova o lisila lene okuti ene vu linga omanu vaye leye o linga Suku yene, ndeci a likuminya lene kuenda ndeci a likuminya lolosekulu viene, Avirahama, la Isake kuenda Yakoba.

VA HEVERU 11:16

Cilo puãi, va yongola ofeka ya velapo ndokuti yokilu. Oco Suku ka kuatele osõi oku tukuiwa Suku yavo, momo wa va angiliyila imbo.

VA HEVERU 8:10

Ñala wa popia hati, Ocisila ndi lisila lonjo ya Isareli kovaso yoloneke viaco, ceci, Ñapa ovihandeleko viange volonulo viavo. Ndi vi soneha kovitima viavo. Ame ndinga Suku yavo, lovo va linga omanu vange.

LIOLONGANJI 2:1

Ungelo wa Yehova wa tunda ko Giligali, yu wa enda ko Bokimi. Kuenje wa popia hati, Nda wupi kEgito, yu ndo neni vofeka yina nda lisilile oku yeca kolosekulu viene. Nda popele siti, Lalimue eteke ndi nyõla ocisila cange nda lisila lene.