EFETIKILO 17:6 - Embimbiliya - Bíblia Sagrada em Umbundu

⁶ Ame hu muisa ombuto ya lua cimue; hu lingisa olofeka; olosoma vi tunda kokuove.

EFETIKILO 17:6 Iomraidhean Croise

EFETIKILO 13:16

Kuenda ombuto yove ndi yi lingisa ndeseke lioposi, ndokuti nda umue o tẽla oku tenda eseke lioposi o tẽlavo oku tenda ombuto yove.

EFETIKILO 17:16

Ame ndu sumũlũisa, hu iha omõla ulume o cita la Sara; leye Sara ndu sumũlũisa ha lingi inakulu yolofeka. Olosoma viapata vomanu vi tunda kokuaye.

EFETIKILO 17:20

Kondaka ya Isameli nda ku yevavo. Ocili ndu sumũlũisa, ndu muisavo ombuto loku u luisa enene; ekui lavivali kolombiali vi citiwa laye siu lingisa ofeka yinene.

EFETIKILO 17:4

Ocili, ocisila cange ci kasi love, o linga onjali yolofeka via lua.

EFETIKILO 26:22

Yu wa sondololako, kuenje wa fẽla ocisimo cikuavo; ka va ci liyakelele vali, yu wa luka ocisimo caco hati, Casanjavala, kuenje hati, Momo kaliye Yehova wa tu vanjela ocitumãlo okuti tu kuata ombuto vofeka yilo.

EFETIKILO 28:3

Kuenje Suku Ukuonenewosi a ku sumũluise, a ku ihe ombuto, a ku luise hu lingi ohongele yapata;

EFETIKILO 35:11

Oco Suku wa popia laye hati, Ame Suku Ukuonenewosi, kuata ombuto ka lue, kokuove ku tunda ofeka lohongele yolofeka, koviongo viove ku tunda olosoma.

EFETIKILO 41:52

Omõla wavali wo luka Efarimi hati, Momo Suku wa nyimisila epako vofeka yohali yange.

EFETIKILO 47:27

Va Isareli va tunga vo Gosene vofeka ye Egito, va fukilamo, kuenje va licita, va lova cimue.

EFETIKILO 48:3

Yakoba yu wa popia la Yosefe hati, Suku Ukuonenewosi wa nukulukila ko Lusi kofeka ya Kanana, wa sumũluisa,

EFETIKILO 48:4

kuenje wa popia lame hati, Tala, ame hu citaisa, hu luisa, hu lingisa ohongele yapata. Ngeca ofeka eyi kombuto yove yu ku kuãi, yi linga ocitungilo cavo ka ci pui.

ESERA 4:20

Kuenda imbo liaco lia Yerusalãi lia kala kala lolosoma vinene haivio via viala ofeka yosi yokesinya loku fetisa alisimu loku lambuisa ulambu loku fetisa owombo.

OVISILA 26:9

Ndu vanji vanji, ndu citaisi, ndu luisi, ndi kolisila kokuene ohuminyo yange.