EFETIKILO 17:23 - Embimbiliya - Bíblia Sagrada em Umbundu

²³ Avirahama yu wa kuata omõlaye Isameli, lolonyitiwe viosi viepata liaye, kuenda vosi a landa lolombongo viaye, okuti alume vosi vakuepata lia Avirahama, kuenje eteke liaco hailio a va sevisa evamba kociyuvuluila cetimba liavo, ndeci ca popia Suku.

EFETIKILO 17:23 Iomraidhean Croise

EFETIKILO 14:14

Eye Avirama wa yeva okuti ocimumba caye ca kuatiwa yu wa tunda lovita vitatu kekui lecelãla viakuenje vakuepata liaye haivo va pakisiwa, kuenje wa va landula toke ko Dani.

EFETIKILO 17:9

Suku wa popia la Avirahama, hati, Lava ocisila cange, ove muẽle lombuto yove yu ku kuãi toke kovitumbulukila viavo.

EFETIKILO 18:19

Hacoko, si uhi, momo ndo nola ale okuti o handeleka omãla vaye la vakuepata liaye vo kuãi, ha va endela vonjila ya Yehova poku linga esunga locili, ndokuti Yehova o lemulũla ku Avirahama eci a lisila laye.

EFETIKILO 34:24

Kuenje vosi va tundila kombundi yimbo liaye va tava ku Hamore lomõlaye Sekeme. Alume vosi va tundila kombundi yimbo liaye va lisevisa evamba.

OLOSAMO 119:60

Njayulako, si tutuvala oku pokola kovihandeleko viove.

OLOSAPO 27:1

Ku ka litambele eteke lia hela, momo ku ci eci eteke liaco li nena.

UKUNDI 9:10

Cosi eka liove lia kuata ci linga longusu yove; momo vonjembo omo wenda ka muli upange, ndaño ovikuata, ndaño ukũlĩhiso, ndaño olondunge.

OVILINGA 16:3

Paulu wa yongola oku enda la Timoteo, kuenje omo va Yudea vovofeka yaco vo kũlĩha okuti isiaye u Helasi oco Paulu wo sevisa evamba.

VA GALATIA 5:6

Momo, ku Kristu Yesu, evamba hacimueko, uyamba hacimueko, puãi ekolelo li talavaya locisola olio cimue.

VA GALATIA 6:15

Evamba hacimueko, uyamba hacimueko, ocilulikilo cokaliye oco lika cimue.