EFETIKILO 17:14 - Embimbiliya - Bíblia Sagrada em Umbundu

¹⁴ Ulume ociyamba, ka seviwile kociyuvuluila cetimba liaye, o takumuĩwa kepata liavo; wa sama ocisila cange.

EFETIKILO 17:14 Iomraidhean Croise

EFETIKILO 17:15

Suku wa popia la Avirahama hati, Ukãi wove Sarai, ku ko tukule vali onduko yaco ya Sarai, te oku u tukola Sara.

EFETIKILO 34:14

Va popia lavo vati, Ka tu tẽla oku linga ocina eci okuti tu eca manjetu kulume ka seviwile evamba, momo nda ca tu kutisa osõi.

OLOSAMO 55:20

Ukuetu wõlõla eka liaye kuenje wa veta akamba vaye. Wa nyõla ukamba a livalele.

ETUNDILO 12:15

Oloneke epanduvali vu lia ombolo ka yi kuete etumbisa. Eteke liatete vu upa etumbisa volonjo viene. Momo nda umue o lia ombolo yi kuete etumbisa tunde keteke liatete toke keteke liepanduvali omunu waco o tepiwa ku va Isareli.

ETUNDILO 12:19

Oloneke epanduvali ka mu ka sangiwe etumbisa volonjo viene, momo nda umue o lia eci ci kuete etumbisa omunu waco o tepiwa ku va Isareli, ci kale ukombe, ci kale onyitiwe yofeka.

ETUNDILO 30:33

U o tunga eci ca soka lawo, lu o waveka lawo omunu waño, o tepiwa ku vakuavo.

ETUNDILO 30:38

U o tenga vimue via lisoka lavio ha vi lehũla, o tepiwa ku vakuavo.

ISAYA 24:5

Ongongo ya vihisua lolonungi viayo, omo via lueya ovihandeleko viaco, via sama oviholo viaco, kuenje via nyõla ocisila ka ci pui.

ISAYA 33:8

Alila a wunda, olongende via liweka. Ovisila via nyolẽha. Olombangi vi pembuiwa. Ka kuli vali oku sumbila omunu.

YEREMIYA 11:10

Va tiukila kolohole via vakukululu vavo, vana ka va tavele oku yeva olondaka viange, kuenje va tiamẽla kolosuku vikuavo oku vi vumba. Epata lia Isareli leli lia Yuda va nyõla ocisila cange nda lisila la vakukululu vavo.

YEREMIYA 31:32

Ocisila caco ka ci lisoki locisila nda lisilile lolosekulu viavo keteke nda va kuata peka loku vopa vofeka ye Egito. Ocisila caco va ci sina kuenje nda litepa lavo. Oco ca popia Yehova.

ESEKIELE 44:7

ndeci oku tava vakualofeka, haivo oviyamba vietimba lutima, oku iñila vonembele yange yi kola loku yi vĩhĩsa poku mbumbila okulia kuange, alenda losonde. Wa nyõli ocisila cange lavĩho ene osi.

OVISILA 18:29

Momo vosi va linga cimue covina evi viumbondo, ava muẽle va vi linga, va tepiwa ku vakuavo.

OVISILA 19:8

Kuenje wosi o liako enda longole yaye momo wa sama kueci ci kola ca Yehova. Lomunu waco o tepiwa ku vakuavo.

OVISILA 23:29

Omunu nda elie nda elie ka likandangiya okulia eteke liaco o tepiwa ku vakuavo.

OVISILA 7:25

Momo u o lia ulela wocinyama omanu va nena ndocilumba covondalu ku Yehova, o tepiwa ku vakuavo.

OVISILA 7:27

Omunu wosi o lia osonde o tepiwa ku vakuavo.

ATENDELO 9:13

U puãi wa yela haeye ka kasi kungende, nda ka lingi ofesta yo Pascoa, omunu waco o tepiwa ku vakuavo. Omo ka lumbile ocilumba ca Yehova kotembo ya tukuiwa, oco omunu waco o kala lepiso liaye.

I VA KORINDO 11:27

Oco u o lia ombolo yaco, pamue o nyua okopo ya Ñala losiata, o pia ekandu lioku vĩhisa etimba losonde ya Ñala.

I VA KORINDO 11:29

Momo u o lia loku nyua, nda ka limbuka etimba liaco, o likokela episo.