EFETIKILO 17:1 - Embimbiliya - Bíblia Sagrada em Umbundu

¹ Eci Avirama a kala lakui ecea kanyamo ecea, oco Yehova wa limõlehisa kokuaye, wa popia laye hati, Ame ndi Suku Ukuonenewosi. Endaela volonjila viange loku pua evelo.

EFETIKILO 17:1 Iomraidhean Croise

EFETIKILO 12:1

Yehova wa popia la Avirama hati, Tunda vofeka yene lokovangandiove, lokoluse luove, kuende toke kofeka hu yi lekisa.

EFETIKILO 12:7

Yehova wa limõlehisa ku Avirama hati, Ame ngeca ofeka yilo kombuto yove. Oco Avirama wa tungapo utala apa Yehova a limõlehisa kokuaye.

EFETIKILO 16:16

Avirama wa kala lakui ecẽlãla kanyamo kanyamo epandu eci Hagare o citila omõla Isameli.

EFETIKILO 18:1

Oco Yehova wa limõlehisa ku Avirahama ketumba lia Mamire, eci a tumãla puvelo wombalaka, kowuya wekumbi pongunji.

EFETIKILO 18:14

Kuli hẽ cimue okuti Yehova o ci tokoka? Kotembo ya tukuiwa okuti kotembo yonjovo, ame njiya kokuove, kuenje Sara o cita omõla ulume.

EFETIKILO 24:40

Eye puãi wa popia lame hati, Yehova, una nda sumbila, eye o tuma omunga yaye ha yendi love, haeye o sumuluisa ungende wove; love o nola ukãi womõlange pokati ka vangandiange.

EFETIKILO 26:2

Yehova wo tukulukila, wa linga hati, Ku ka lokile ke Egito. Tumãla vofeka hu sapuila.

EFETIKILO 28:3

Kuenje Suku Ukuonenewosi a ku sumũluise, a ku ihe ombuto, a ku luise hu lingi ohongele yapata;

EFETIKILO 35:11

Oco Suku wa popia laye hati, Ame Suku Ukuonenewosi, kuata ombuto ka lue, kokuove ku tunda ofeka lohongele yolofeka, koviongo viove ku tunda olosoma.

EFETIKILO 43:14

Suku Ukuonenewosi o muisi ohenda kulume waco ndokuti o ko panduluili manjene ukuavo la Benjamini. Nda nda nyẽhiwa omãla vange, sumua enene.

EFETIKILO 46:3

Oco wa linga hati, Ame Suku, ndi Suku ya so. Ku ka yokokele oku lokila ke Egito, momo oko hu lingisila ofeka yinene.

EFETIKILO 48:15

Yu wa sumũluisa Yosefe hati, Suku una olosekulu viange Avirahama la Isake via endaila volonjila viaye, haeye Suku wa songuila omuenyo wange wosi toke ketaili lilo,

EFETIKILO 48:3

Yakoba yu wa popia la Yosefe hati, Suku Ukuonenewosi wa nukulukila ko Lusi kofeka ya Kanana, wa sumũluisa,

EFETIKILO 5:22

Kuenje Enoke wa enda enda la Suku kovaso yoku cita Metusele ovita vitatu kanyamo, yu wa cita cita omãla valume lomãla vakãi.

EFETIKILO 5:24

Enoke yu wa enda enda kumue la Suku kuenje keko momo Suku wo sondolola.

EFETIKILO 6:9

Alo o-o apata a Noha. Eye Noha ukuesunga, haeye wa pua evelo koloneke viaye. Noha wa endaenda la Suku.

I OLOSOMA 2:4

Oco Yehova a kolise ondaka yaye yina a mopelele, hati, Nda omãla vove va lunguka lonjila yavo, loku endela vocili kovaso ange, lutima wavo wosi lomuenyo wavo wosi, ka ku ku kambi kapiñala kocalo ca Isareli. Oco a popia.

I OLOSOMA 3:6

Salomone wa popia hati, Wa muisa ukuenje wove tate Daviti ohenda yalua, momo wa endaila kovaso ove locili lesunga lesunguluko liutima kokuove. Lopo wo kuatela vali ohenda eyi yinene, momo wa wiha omõla o tumãla kocalo caye, ndomo ci kasi etaili.

I OLOSOMA 8:25

Kaliye a Yehova, Suku ya Isareli, telisila ukuenje wove tate Daviti, eci wo likuminyile, huti, Kovaso ange, ku kambi kapiñala o tumãla kocalo ca Isareli, nda omãla vove va lunguka lonjila yavo, loku endaila kovaso ange ndeci ove wa endaila kovaso ange.

II OLOSOMA 20:3

A Yehova, nda likutilila kokuove. Ivaluka ndeci nda endaila kovaso ove locili kuenda lutima wa sunguluka, loku linga eci ciwa kovaso ove. Kuenje Hesekiya wa lila calua.

YOVI 1:1

Vofeka ya Uci mua kala ulume onduko yaye Yovi. Omunu waco wa pua etondelo haeye ukuesunga, wa sumba Suku kuenje wa suvuka evĩho.

YOVI 11:7

Ove hẽ o tẽla oku kũlihĩsa ovina via longa via Suku? Otẽla oku kũlĩha okusuapo kuokukola kua Tõlo?

OLOSAMO 115:3

Suku yetu o kasi muẽle kilu. Cosi a panga wa ci linga.

OLOSAMO 116:9

Ngendaila kovaso a Yehova volofeka via vakuamuenyo.

OLOSAMO 25:14

Ukamba wa Yehova u kasi lava vo sumba. Ohuminyo yaye o va yi longaisa.

ETUNDILO 6:3

Nda tukuluka ku Avirahama kuenda ku Isake loku Yakoba nda Suku Ukuonenewosi. Puãi sia lisituluile kokuavo londuko yange Yehova.

OLOSAPO 10:9

U endaenda lesunga o koka, u puãi o pengisa olonjila viaye o limbukiwa.

ISAYA 38:3

hati, A Yehova, nda likutilila kokuove. Ivaluka ndeci nda endela kovaso ove locili kuenda lutima wa sunguluka loku lingila eci ciwa kovaso ove. Kuenje Hesekiya wa lila ca lua.

YEREMIYA 32:17

A Ñala Yehova! Ove wa lulika ilu kuenda ongongo lunene wove kuenda lokuokuo kuove kuolõha. Ka kuli eci ca tĩla okuti ove ku ci tẽla.

DANIELE 4:35

Omanu vosi vokilu lieve hacimueko kovaso aye. Haeye o linga ndeci a panga lolohoka viokilu kuenda pokati komanu vokilu lieve. Kuenje lomue o tẽla oku tateka eka liaye, ndaño oku popia laye hati, O linga nye?

MIKA 6:8

Amunu, Suku wa ku lekisa eci ciwa, Yehova o yongola nye kokuove, hateko oku linga esunga, loku sola ohenda kuenda oku endaenda la Suku yove lesuluviko?

ATENDELO 11:23

Oco Yehova wa popia la Mose hati, Eka lia Yehova nga lia linga limbumbũlu? Kaliye o mõla ondaka yange nda yi lingiwa nda ndati.

ATENDELO 24:16

Ocinjoinjoi ceya kukuakuyeva olondaka via Suku, haeye wa kulĩha ovilongua via Tõlo, kuenje o muĩla muĩla ale kotulo Ukuonenewosi, ovinjoinjoi vi tunda ku Ukuonenewosi.

MATEO 19:26

Oku va vanja Yesu wa popia lavo hati, Eci ka ci tẽliwa lomanu, puãi la Suku ovina viosi vi tẽliwa.

MATEO 5:48

Oco ene, pitili koseteko yesunga lia suapo ndeci Isiene o kasi kilu ukuesunga lia suapo.

LUKA 1:6

Kavali kavo vakuesunga kovaso a Suku, va enda enda lovihandeleko lovisila viosi via Ñala loku pua eko.

OVILINGA 23:1

Paulu wa imba ovaso konjango, kuenje wa popia hati. A vamanji, omuneyo wange wosi nda vumba Suku lutima wa pua eko toke etaili lilo.

OVILINGA 24:16

Oco ndi lipindisaila kovina viosi okuti ñala lutima we lipua ku Suku lo komanu.

VA EFESO 3:20

Kaliye ku o tẽla oku talavaya lunene u kasi vokati ketu, loku linga eci ca piãla, okuti eci tu pinga, pamue eci tu sima, ci sule,

ESINUMUĨLO 10:17

Momo Yehova, Suku yene, eye Suku yolosuku, haeye Ñala yoloñala, eye Suku Tõlo, haeye ukuonene o lingisa cimue usumba, ka amẽla omunu, ka tambula ovitukiko.

ESINUMUĨLO 18:13

Oco ove o linga omunu wa pua eko kovaso a Yehova, Suku yove.

ESINUMUĨLO 30:20

kuenje vu sola Yehova, Suku yove, loku pokola kondaka yaye loku likakatela laye. Momo nda oco o linga o kala lomuenyo kuenje oloneke viove vi lua. O kala vofeka Yehova a likuminya lolosekulu viove, Avirahama, la Isake, kuenda Yakoba, oku va yĩha.

VA FILIPOI 4:13

Nẽla ovina viosi vu Kristu u o ñolaisa.

VA HEVERU 12:28

Oco, tu imbi olopandu omo tua tambula usoma ka u lulumisua. Tu fendeli Suku lefendelo lia sunguluka, kuenda lesumbilo loku liuvika,

VA HEVERU 7:25

Oco, toke koloneke ka vi pui, Yesu o tẽla oku popela olumue ava va kokela ku Suku poku kolela Yesu, momo o kasi hũ lomuenyo oku va livondelelako.