EFETIKILO 15:4 - Embimbiliya - Bíblia Sagrada em Umbundu

⁴ Ondaka ya Yehova ya yevala kokuaye yiti, U heyeko o linga kapiñala kove, te umue omõlove muẽle woku licitila, eye o linga kapiñala kove.

EFETIKILO 15:4 Iomraidhean Croise

EFETIKILO 15:1

Kovaso yovina evi ondaka ya Yehova yeya ku Avirama vocinjonde yiti, A Avirama, ku ka kuate usumba! Ame ndimbetateli yove; onima yove yi lua cimue.

EFETIKILO 17:16

Ame ndu sumũlũisa, hu iha omõla ulume o cita la Sara; leye Sara ndu sumũlũisa ha lingi inakulu yolofeka. Olosoma viapata vomanu vi tunda kokuaye.

EFETIKILO 21:12

Suku yu wa popia la Avirahama hati, Ka ci ka ku puiye ño ndaño o sole omõlaco, kuenje o sole ukama wove. Cosi ca popia love Sara tava ño kondaka yaye; momo ku Isake ku tukuiwilua ombuto yove.

II SAMUELE 16:11

Daviti wa popia la Avisiai lakuenje vaye vosi, hati, Omõlange muẽle o sanda oku njipaya, u Benjamini ulo nga ka ci piãla vali enene? A kale. A siñale, momo Yehova wo ci popia.

II SAMUELE 7:12

Eci oloneke viove vi telisua love o pekela lolosekulu viove, oco noke ñatula omõlove wa tunda koviongo viove muẽle kuenje numalisa uviali waye.

II ASAPULO 32:21

Yehova wa tuma ungelo, leye wa kundula alume vosi va pama vakuotoi lasongui lavakesongo vocilombo ca Soma ya Asuria. Oco wa tiukila kofeka yaye osõi ka likuete. Eci a iñila vonjo ya suku yaye, oco omãla vaye muẽle va wipa losipata.

VA GALATIA 4:28

Kaliye, akuetu, etu, etu tumãla vohuminyo nda Isake.

FILEMONE 1:12

Ñasi loku u tiula kokuove, kuenje ca soka ndoku ku tumisa utima wange muẽle.